Пошук


Біскуп Антоні Дзям'янка

Субота, 19 кастрычніка 2019
Паведамленне на Сусветную нядзелю місій біскупа Пінскага Антонія Дзям’янкі
19.10.2019 14:04
Да вернікаў Пінскай дыяцэзіі Пінск, 17 кастрычніка 2019 г. Дарагія дыяцэзіяне! На працягу апошняга тыдня ў лучнасці з Паўсюдным Касцёлам мы асаблівым чынам молімся ў інтэнцыях місійных спраў. Памятаем заданне нашага Пана Езуса Хрыста, якое Ён нам пакінуў перад Унебаўшэсцем: занесці Добрую Вестку аб збаўленні да кожнага без выключэнняў (гл. Мк 16, 15–16). Атрымаўшы гэтае заданне ад Боскага Настаўніка, усе вучні, напоўненыя Духам Святым, распачалі сваю місійную евангелізацыйную справу. Яна працягваецца па сённяшні дзень. І будзе працягвацца «аж да сканчэння веку» ( Мц 28, 20). Гэтая евангелізацыйная «эстафета» на пэўным этапе гісторыі дайшла да нашых продкаў і да нас. У сваю чаргу нашым заданнем з’яўляецца перадаць гэтую «эстафету» веры далей. Уся наша гісторыя — гэта драматычная, напоўненая разнастайнымі радасцямі і болем місія перадачы веры ў Езуса Хрыста. Папа Францішак заахвочвае нас, каб у кастрычніку мы асаблівым чынам звярнулі ўвагу на гэтую надзвычай важную справу і заданне кожнага хрысціяніна: быць місіянерам збаўлення. Нашае пакліканне да місіянерства бярэ пачатак у сакрамэнце хросту — браме новага жыцця кожнага вызнаўцы Езуса. Нездарма Ён заклікае нас не проста прапаведаваць, але ісці і дапамагаць кожнаму ахрысціцца «ў імя Айца і Сына, і Духа Святога» ( Мц 28, 19). Умілаваныя! Мы не адны ў гэтым свеце, і нельга нам клапаціцца толькі пра саміх сябе. Папа Францішак заклікае нас пачынаць сваю хрысціянскую місійную дзейнасць з асяроддзя сям’і і працы, але на гэтым не спыняцца. Ісці далей. Асабліва сёння, калі ва ўсім свеце адзначаем Місійную нядзелю, мы павінны памятаць пра тых, хто прапаведуе веру на далёкіх кантынентах, у аддаленых кутках зямлі. Там жывуць людзі і служаць місіянеры, якія чакаюць нашай падтрымкі, выражанай у малітве і ахвярным чыне салідарнасці. Некалькі гадоў таму арцыбіскуп Вены кардынал Крыстаф Шонбарн праводзіў у горадзе Арс у Францыі рэкалекцыі для святароў, сабраных з розных краін свету. Падчас гэтых духоўных практыкаванняў адбываліся размовы аб жыцці Касцёла. Хтосьці выказаў даволі песімістычны погляд пра будучыню хрысціянства і запытаўся, ці вытрымае Касцёл усе выпрабаванні, якія яго чакаюць. Кардынал адказаў: «Напэўна, вытрымае, але нідзе не сказана, што гэта будзе Касцёл у Еўропе». Божая справа не мае ні геаграфічных, ні гістарычных межаў. Касцёл трывае вечна. Ён павінен выконваць сваю збаўчую місію ў тым часе і месцы, дзе кожнаму пакаленню хрысціянаў дадзена жыць. Сёння, у Сусветную місійную нядзелю, мы дзякуем Пану Богу за дар місіянераў, якія прынеслі веру на нашу зямлю. Дзякуем і молімся за нашых продкаў, якія перадалі нам дар веры і святога хросту. Молімся за тых, хто ахвяраваў сябе, каб быць місіянерам Хрыста сярод людзей, якія яшчэ не ведаюць Касцёла. Просім таксама Бога аб тым, каб мы не забывалі пра місійнасць нашай веры. Быць хрысціянінам, католікам — гэта дзяліцца радасцю Евангелля, прыводзіць да святых сакрамэнтаў збаўлення кожнага. Таму будзем жа місіянерамі ў перадачы «эстафеты» веры наступнаму пакаленню людзей, якія вакол нас. Агорнем малітвай тых, хто прысвяціў сваё жыццё місіянерскаму служэнню. Будзем мець адкрытае сэрца і ахвярныя далоні, каб дапамагаць Касцёлу ў выкананні яго збаўчага місіянерскага задання ў гэтым свеце. З пастырскім благаслаўленнем, + Антоні Дзям’янка        Біскуп Пінскі
Чацвер, 3 кастрычніка 2019
Вернікі Раготна разам са сваім першым пробашчам — біскупам Дзям’янкам — адзначылі 30-годдзе вяртання святыні
03.10.2019 11:11
2 кастрычніка ў парафіі святых Анёлаў Ахоўнікаў у Раготна (Дзятлаўскі дэканат) адзначылі адпустовую ўрачыстасць, а таксама 30-ю гадавіну вяртання вернікам забранай у савецкія часы святыні.
Панядзелак, 30 верасня 2019
У Пінскай семінарыі ўрачыста распачалі новы навучальны год
30.09.2019 12:44
26 верасня Вышэйшая духоўная семінарыя імя св. Тамаша Аквінскага ў Пінску ў 19-ы раз пасля яе адраджэння кардыналам Казімірам Свёнткам сабрала сваіх студэнтаў, выкладчыкаў, выпускнікоў, шматлікіх гасцей на інаўгурацыю новага навучальнага года.
Панядзелак, 23 верасня 2019
У Катэхетычным каледжы ў Баранавічах распачалі навучальны год і адзначылі дзесяцігоддзе з часу рэгістрацыі
23.09.2019 11:14
21 верасня Катэхетычны каледж імя Зыгмунта Лазінскага ў Баранавічах — першая ў Беларусі духоўная навучальная ўстанова для свецкіх вернікаў — распачаў навучальны год і адзначыў дзесяцігоддзе з моманту афіцыйнай рэгістрацыі.
Панядзелак, 16 верасня 2019
Біскуп Антоні Дзям’янка цэлебраваў першую Імшу ў адноўленым касцёле ў Целяханах
16.09.2019 17:55
14 верасня, у адпустовае свята ў парафіі Узвышэння Святога Крыжа ў мястэчку Целяханы (Пінская дыяцэзія), адбылася ўрачыстасць благаслаўлення адроджанай парафіяльнай святыні.
Панядзелак, 9 верасня 2019
Юбілейны медаль ад папы Францішка. Католікі Брэста дзякавалі Богу за 1000-годдзе існавання горада
09.09.2019 12:21
Субота 7 ліпеня стала ў Брэсце кульмінацыяй святкавання міленіума, да якога актыўна далучыліся таксама мясцовыя каталіцкія вернікі разам са сваімі духоўнымі пастырамі.
Нядзеля, 8 верасня 2019
У адноўленым касцёле ў Целяханах адбудзецца першая пасля 80-гадовага перапынку Імша
08.09.2019 08:50
14 верасня а 12-й гадзіне адбудзецца першая святая Імша ў адноўленым гістарычным касцёле Узвышэння Святога Крыжа ў мястэчку Целяханы ў Івацэвіцкім раёне. Імша будзе цэлебравацца ў святыні пасля 80-гадовага перапынку, калі касцёл быў забраны ў вернікаў.
Біскуп Пінскі Антоні Дзям’янка благаславіў у Брэсце «касцёл тысячагоддзя» ў гонар Найсвяцейшага Сэрца Езуса
08.09.2019 08:44
6 верасня ў межах святкавання 1000-годдзя горада Брэста біскуп Пінскі Антоні Дзям’янка благаславіў новазбудаваную святыню ў брэсцкім мікрараёне Рэчыца.
Чацвер, 5 верасня 2019
У Ляхавічах нанава асвяцілі касцёл, забраны пасля вайны і нядаўна вернуты католікам
05.09.2019 16:55
4 верасня біскуп Пінскі Антоні Дзям’янка нанава здзейсніў асвячэнне касцёла святога Юзафа ў Ляхавічах, у якім на працягу дзесяцігоддзяў знаходзіўся шпіталь. У 1910 г. касцёл быў асвячаны біскупам Янам Цеплякам.
Набажэнствы падзякі за 1000 гадоў Брэста пройдуць у горадзе з удзелам біскупа Антонія Дзям’янкі
05.09.2019 09:09
У Пінскую дыяцэзію ўваходзяць дзве вобласці — Брэсцкая і Гомельская. Біскуп Пінскі Антоні Дзям’янка звярнуўся да жыхароў Брэстчыны са спецыяльным паведамленнем і запрашэннем на набажэнствы з нагоды 1000-годдзя горада Брэста, якое ўрачыста адзначаецца сёлета.
Католікі Брэста разам з біскупам Дзям’янкам адзначаць 1000-годдзе свайго горада ўрачыстым набажэнствам
05.09.2019 08:42
Цэнтральнае каталіцкае набажэнcтва ў межах святкавання 1000-годдзя горада Брэста адбудзецца ў суботу, 7 верасня, у касцёле Узвышэння Святога Крыжа.
У Брэсце благаславяць «касцёл тысячагоддзя» ў гонар Найсвяцейшага Сэрца Езуса
05.09.2019 08:14
6 верасня ў Брэсце адбудзецца благаслаўленне касцёла Найсвяцейшага Сэрца Езуса і святая Імша падзякі за 1000 гадоў апекі Божага Провіду над горадам.
Аўторак, 3 верасня 2019
Біскуп Антоні Дзям’янка запрашае на асвячэнне тэрыторыі пры вернутым касцёле святога Юзафа ў Ляхавічах
03.09.2019 17:47
4 верасня біскуп Пінскі Антоні Дзям’янка здзейсніць асвячэнне тэрыторыі касцёла св. Юзафа ў Ляхавічах. 
Аўторак, 27 жніўня 2019
Паведамленне біскупа Антонія Дзям’янкі на пачатак 2019–2020 катэхетычнага года
27.08.2019 13:20
«Перш за ўсё трэба абапірацца на веру і з яе дапамогаю будаваць сапраўдную іерархію каштоўнасцяў. Гэта не менш важна, чым матэматыка альбо іншыя прадметы», — адзначае біскуп Пінскі ў спецыяльным паведамленні на пачатак 2019–2020 катэхетычнага года.
Пятніца, 23 жніўня 2019
Дыяцэзіяльныя ўрачыстасці адбыліся ў Лагішыне
23.08.2019 19:16
21–22 жніўня ў санктуарыі ў Лагішыне адбыўся традыцыйны дыяцэзіяльны фэст з нагоды ўрачыстасці Маці Божай Каралевы Палесся, Апякункі Пінскай дыяцэзіі.
Панядзелак, 19 жніўня 2019
Адпустовая ўрачыстасць Унебаўзяцця Найсвяцейшай Панны Марыі адбылася ў пінскай катэдры
19.08.2019 14:57
15 жніўня ў катэдральнай базыліцы ў Пінску адбылася адпустовая ўрачыстасць Унебаўзяцця Найсвяцейшай Панны Марыі. На свята сабраліся госці з розных куткоў Беларусі, а таксама з абедзвюх парафій некаранаванай сталіцы беларускага Палесся.
Аўторак, 13 жніўня 2019
У Беліцы, што пад Лідай, адбылося асвячэнне новага касцёла
13.08.2019 12:23
10 жніўня біскуп Гродзенскі Аляксандр Кашкевіч урачыста асвяціў новую святыню — касцёл святога Юрыя ў Беліцы (Лідскі дэканат), пабудаваны руплівасцю мясцовых парафіянаў і іх шматгадовага пробашча ксяндза Валянціна Хведука.
Серада, 31 ліпеня 2019
Пастырскі ліст біскупа Антонія Дзям’янкі на жнівень — месяц цвярозасці і малітваў аб цвярозасці
31.07.2019 14:41
Біскуп Пінскі заахвочвае вернікаў пражыць жнівень як месяц асаблівага сведчання і малітвы аб цвярозасці нашага народа.
Чацвер, 25 ліпеня 2019
Арганны фестываль памяці кардынала Свёнтка завяршыўся ў Пінску
25.07.2019 11:44
21 ліпеня ў катэдральным касцёле Унебаўзяцця Найсвяцейшай Панны Марыі ў Пінску завяршыўся арганны фестываль духоўнай музыкі Mater Misericordiæ , прысвечаны памяці кардынала Казіміра Свёнтка.
Нядзеля, 30 чэрвеня 2019
Там, дзе хрысціўся Міндоўг і была першая ў ВКЛ каталіцкая святыня, біскуп Кашкевіч благаславіў новы касцёл
30.06.2019 23:21
29 чэрвеня, ва ўрачыстасць святых апосталаў Пятра і Паўла, у Любчы, што на Навагрудчыне, Гродзенскі біскуп Аляксандр Кашкевіч з удзелам біскупа Пінскага Антонія Дзям’янкі благаславіў новы касцёл Найсвяцейшага Сэрца Езуса і святой Марыі ад Езуса Укрыжаванага.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа