Пошук


Літургія

Чацвер, 10 студзеня 2013
Каментарый да літургіі і малітва вернікаў на свята Хросту Пана (13 студзеня)
11.01.2013 00:00
Сёння Касцёл адзначае свята Хросту Пана. Надзвычай радасная падзея здзейснілася ў свеце — у асобе Сына Бог дае чалавецтву збаўленне і надзею. Хрыстус прымае сваю місію і становіцца на шлях прапаведвання пасля таго, як прымае ад Яна хрост.
Нядзельнае казанне: свята Хросту Пана
11.01.2013 00:00
Мы жывём у грамадстве, у якім так часта адмаўляецца жыццё — пачынаючы ад забойстваў ва ўлонні маці і заканчваючы забойствамі людзей, якім бацькі далі жыццё і якія сталі часткай чалавечай супольнасці. Гэтае грамадства штодзень засейвае ў адносіны паміж людзьмі вялікую долю цынізму, нянавісці, эгаізму і насілля. Адным словам, яно варожа ставіцца да жыцця. І ўсё ж такі людзі жадаюць жыць, яны носяць у сабе моцнае жаданне паўнацэннага жыцця.
Чацвер, 3 студзеня 2013
Каментарый да літургіі і малітва вернікаў на ІІ Нядзелю пасля Нараджэння Пана. Урачыстасць Аб'яўлення Пана
04.01.2013 00:00
Сёння перажываем урачыстасць Аб’яўлення Пана, вядомае таксама як свята Трох Каралёў. У літургіі ўспамінаем той дзень, калі мудрацы з Усходу пакланіліся нованароджанаму Езусу і прынеслі Яму дары: золата, кадзіла і міра. Аднак гэта таксама дзень, у які Хрыстус явіў усяму свету сваю сілу і хвалу, якая заззяла, як Бэтлеемская зорка.
Нядзельнае казанне: 6 студзеня — ІІ Нядзеля пасля Нараджэння Пана. Урачыстасць Аб'яўлення Пана
04.01.2013 00:00
Мы ўсе здзяйсняем падарожжа да праўды і Бога. У дзяцінстве мы атрымалі святло веры, але падобна як і веды пра свет — у форме дзіцячай, недасканалай. Таму на працягу ўсяго жыцця мы павінны папаўняць свае веды пра Бога і паралельна паглыбляць свае веды пра свет. Паглыбляць і пашыраць не толькі веды, але і дасканаліцца ў практыкаванні хрысціянскага жыцця.
Пятніца, 28 снежня 2012
Каментарый да літургіі і малітва вернікаў на нядзелю ў актаве Нараджэння Пана. Свята Святой Сям'і: Езуса, Марыі і Юзафа (30 снежня)
29.12.2012 00:00
Сёння Касцёл адзначае свята Святой Сям’і: Езуса, Марыі і Юзафа. Але гэта не толькі напамін непасрэдна пра гэтую Сям’ю, але і заклік да святасці ў сваім асяроддзі, а асабліва сярод родных нам людзей. Для кагосьці мы з’яўляемся маці ці бацькам, для кагосьці дачкой ці сынам — кожная роля мае пэўную адказнасць, якая ўскладзена на нас самім Богам.
Чацвер, 27 снежня 2012
Нядзеля ў актаве Нараджэння Пана: свята Святой Сям'і: Езуса, Марыі і Юзафа (казанне)
28.12.2012 00:00
...Калі Ганна прыйшла ў святыню, яна ўсклікнула: «Я — тая самая жанчына, якая тут перад табою стаяла і малілася да Пана. Маліла аб гэтым хлопцы, і выканаў Пан просьбу маю, якую ўзносіла да Яго. І вось я аддаю яго Пану; ва ўсе дні, пакуль жыць будзе, ён прызначаны будзе для Пана». Сын Самуэль быў прысвечаны Пану і жыў не толькі як сын Ганны, але таксама як «сын Пана».
Пятніца, 21 снежня 2012
Каментарый да літургіі і малітва вернікаў на ІV Нядзелю Адвэнту, Год С (23 снежня)
21.12.2012 15:43
Сёння мы распачынаем чацвёрты, апошні тыдзень Адвэнту, часу радаснага чакання і падрыхтоўкі да Нараджэння Езуса Хрыста. На адвэнтавым вянку запалены ўжо чатыры свечкі, таму можна сказаць, што Пан зусім блізка. Чакаем Нараджэння Езуса Хрыста асаблівым чынам у нашых сэрцах.
Серада, 19 снежня 2012
Нядзельнае казанне: ІV Нядзеля Адвэнту, Год С
20.12.2012 00:00
Божае Нараджэнне ўжо зусім блізка. У сённяшніх літургічных чытаннях на першым плане жанчыны, якія нараджаюць у свет Божы «дар». Варта ўсвядоміць сабе, што Божае Нараджэнне з’яўляецца дарам, а не справай нашых рук. Што гэта абяцанне, а не заваяванне. Што гэта прыйсце, а не наш шлях. А значыць, сёння мы атрымліваем запрашэнне падрыхтавацца да Нараджэння Пана так, як гэта зрабіла Марыя.
Чацвер, 13 снежня 2012
Каментарый да літургіі і малітва вернікаў на ІІІ Нядзелю Адвэнту, Год С (16 снежня)
14.12.2012 00:00
Сёння перажываем III Нядзелю Адвэнту, так званую нядзелю радасці. Ужо хутка мы будзем радавацца Нараджэнню Езуса. Гэтая радасць павінна быць відавочнай у нашым жыцці не толькі ў калядную ноч, але і кожны дзень.  
Нядзельнае казанне: ІІI Нядзеля Адвэнту, Год С
14.12.2012 00:00
Біялагічныя законы бязлітасна звяртаюць нашую ўвагу на тое, што час мінае, мы старэем, што нашыя сілы не з’яўляюцца невычарпальнымі. Нігілістычныя і песімістычныя ідэалогіі нараджаюць пачуццё пустэчы, дарэмнасці або выклікаюць пасіўнасць перад наканаванай непазбежнасцю.
Чацвер, 6 снежня 2012
Нядзельнае казанне: ІI нядзеля Адвэнту, Год С
07.12.2012 00:00
З даўніх часоў людзі шукалі спосабы і сродкі «збаўлення», яны правяралі ўсе шляхі. Яны стваралі імперыі і спадзяваліся, што «збаўленне» ім прынясе палітыка. Яны прапаноўвалі розныя эканамічныя парадкі, стваралі філасофскія дактрыны і самыя шматвобразныя ідэалогіі. Але людзям не ўдалося «збавіць» іншых людзей. І гэта не песімізм без падставы, а паражэнне. Гэта аб’ектыўная канстатацыя.
Серада, 5 снежня 2012
Каментарый да літургіі і малітва вернікаў на ІІ Нядзелю Адвэнту, Год С (9 снежня)
06.12.2012 00:00
Меркаванне аб тым, што рэлігія з’яўляецца асабістай справай, — небяспечнае і фальшывае. Такой пазіцыі трымаюцца тыя, хто хоча знішчыць яе. Калі ж такое паўтараюць хрысціяне, можна сказаць, што яны не ведаюць, што чыняць.
Чацвер, 29 лістапада 2012
Каментарый да літургіі і малітва вернікаў на першую нядзелю Адвэнту, Год С (2 снежня)
29.11.2012 15:37
Збіраемся ў святыні на нядзельнай Эўхарыстыі, каб разам з усім Касцёлам распачаць Адвэнт. Час радаснага чакання нараджэння Хрыста, час умацавання і аднаўлення сваёй веры.  
Серада, 28 лістапада 2012
Нядзельнае казанне: І Нядзеля Адвэнту, Год С
29.11.2012 00:00
Чаканне — гэта пачуццё, якое мы зведваем штодзённа. Чаканне выклікана тым, што нам чаго-небудзь нестае ці хто-небудзь знаходзіцца далёка ад нас, або яно паходзіць з пэўнага непакою, якое выплывае з нядобрай рэчаіснасці. Ва ўсіх выпадках чаканне арыентуецца на новую «будучыню». Праз чаканне чалавек адасабляецца ад самога сябе, робіць планы, займае пазіцыю прыняцця.
Чацвер, 22 лістапада 2012
Нядзельнае казанне: Урачыстасць Пана Нашага Езуса Хрыста, Валадара Сусвету, Год В
23.11.2012 00:00
Касцёл — гэта Божы народ, які верыць у «Езуса Хрыста, вернага сведку, першароднага сярод памерлых і першага сярод зямных валадароў». Таму хрысціяне даведваюцца, што іх валадаром з’яўляецца Езус Хрыстус. Але ў якім сэнсе Езус стаў валадаром? У кнізе Апакаліпсіса гэта тлумачыцца наступнымі словамі: «Таму, хто любіць нас і хто праз сваю кроў вызваліў нас ад нашых грахоў, і ўчыніў нас валадарствам і святарамі для Бога і Айца свайго, Яму хвала і моц на вякі вечныя. Амэн».
Серада, 21 лістапада 2012
Каментарый да літургіі і малітва вернікаў на ўрачыстасць Пана Нашага Езуса Хрыста, Валадара Сусвету, Год В (25 лістапада)
22.11.2012 00:00
Сёння, ва ўрачыстасць Пана Нашага Езуса Хрыста, Валадара Сусвету, будзем маліцца аб святасці жыцця для кожнага з нас, каб бралі прыклад з нашага Пана, які ў самыя цяжкія хвіліны заставаўся годным нябеснай хвалы...
Чацвер, 15 лістапада 2012
Каментарый да літургіі і малітва вернікаў на XXXІІІ Звычайную нядзелю, Год B (18 лістапада)
16.11.2012 00:00
Усё, што мы маем, маем ад Бога. Ён адарыў нас сваімі дарамі: ласкай, любоўю і збаўленнем. Праз сваё жыццё, веру і добрую волю, мы павінны памнажаць даброты, атрыманыя ад Бога. Падчас гэтай Эўхарыстыі станем перад Богам, як слугі, з пустымі рукамі. …Нашыя сэрцы скалечаны грахом, аслаблены адсутнасцю стараннасці і малой верай. Памолімся аб прабачэнні і дапамозе, каб мы маглі ісці шляхам, які вядзе да неба.
Аўторак, 13 лістапада 2012
Нядзельнае казанне: ХХXIII Звычайная нядзеля, Год B
14.11.2012 00:00
Святая Імша ў нядзелю з’яўляецца падзеяй у жыцці хрысціянскай супольнасці, калі справа збаўлення — Хрыстус — уключаецца ў наша асабістае жыццё і ў жыццё касцёльнай абшчыны, каб мы ажывілі яе, напоўнілі дынамікай і падштурхнулі да больш высокага спаўнення. Хрысціянскае чаканне — гэта не ўцёкі ад жыцця і абавязкаў у нашым свеце. Гэта далучэнне да нашага збаўлення — Хрыста, які адзіны можа даць сэнс і забяспечыць канчатковы поспех нашых намаганняў.
Чацвер, 8 лістапада 2012
Каментарый да літургіі і малітва вернікаў на XXXІІ Звычайную нядзелю, Год B (11 лістапада)
09.11.2012 00:00
Збіраемся сёння каля алтара Пана, каб аддаць Яму пашану, падзякаваць за атрыманыя ласкі, асабліва за тое, што, дзякуючы ахвяры Езуса, кожны з нас атрымаў вольнасць, стаў умілаваным дзіцём Божым.
Нядзельнае казанне: ХХXII Звычайная нядзеля, Год B
09.11.2012 00:00
Чысціня адносінаў да Бога можа быць парушана няправільным разуменнем слова «даваць»: можа нарадзіцца думка, нібы мы даём нешта Богу. У гэтым выпадку чалавек бы ўяўляўся падначаленым, а Бог — гаспадаром. Чаму так можа стацца? Таму, што так мы разумеем міжчалавечыя адносіны, якія заснаваны на прынцыпе абмену. Як жа цяжка нам разважаць пра бескарыснасць!
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця