Пошук


04.01.2013 00:00  

Каментарый да літургіі

Сёння перажываем урачыстасць Аб’яўлення Пана, вядомае таксама як свята Трох Каралёў. У літургіі ўспамінаем той дзень, калі мудрацы з Усходу пакланіліся нованароджанаму Езусу і прынеслі Яму дары: золата, кадзіла і міра. Аднак гэта таксама дзень, у які Хрыстус явіў усяму свету сваю сілу і хвалу, якая заззяла, як Бэтлеемская зорка. Асвячоныя хвалой  Хрыста, падыдзем да алтара і, як мудрацы з Усходу, паклонімся і складзем  перад Ім свае дары.


Каментарый да літургіі слова

Хрыстус аб’яўляе сваю хвалу перш за ўсё ў слове, якое скіроўвае да нас. Таму, слухаючы літургію слова, будзем старацца пачуць, што Пан прамаўляе непасрэдна да нас. А сёння Ён кажа нам пра хвалу, якая заззяла над усім Ізраэлем.

У другім чытанні пачуем пра атрыманую ласку, дзякуючы якой мы ўсе сталі ўдзельнікамі збаўлення. У Евангеллі паводле св. Мацвея гаворыцца пра пакланенне Божаму Дзіцяці трох мудрацоў, а таксама пра подступы Ірада.


Малітва вернікаў

Да нашага Збаўцы, якому сёння пакланяюцца мудрацы, з вялікай радасцю і пакорай узнясём нашыя просьбы:

  1. Езу Хрыстэ, якому аддалі паклон мудрацы з Усходу, просім за паўсюдны Касцёл, каб узрастаў у святасці і моцнай веры. Цябе просім…
  2. Езу Хрыстэ, якому аддалі паклон мудрацы з Усходу, просім за кіруючых краінамі, каб па прыкладу мудрацоў упакорыліся перад Табою.
  3. Езу Хрыстэ, якому аддалі паклон мудрацы з Усходу, просім за беспрацоўных, каб знайшлі працу, якая дапаможа ўтрымаць іх сем'і.
  4. Езу Хрыстэ, якому аддалі паклон мудрацы з Усходу, просім аб збаўленні нашых памерлых братоў.
  5. Езу Хрыстэ, якому аддалі паклон мудрацы з Усходу, молімся за нас саміх, адары нас духам пакланення і служэння.

Езу Хрыстэ, мудрацы з Усходу пакланіліся Табе. Мы разам з імі складаем нашыя просьбы і нашыя сэрцы, бо верым, што выслухаеш нашыя малітвы, які жывеш і валадарыш на векі вечныя. Амэн.
 

    Падрыхтавала с. Людміла Леўдаровіч MChR

    Абноўлена 25.09.2017 11:23
    Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

    Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    Папа Францішак

    Спагадлівасць - гэта праява Божай
    Міласэрнасці, адзін з сямі дароў Святога Духа