Пошук


Літургія

Чацвер, 11 ліпеня 2013
Я выбіраю ўсё. Гамілія на 14 ліпеня
11.07.2013 15:17
Дарагія браты і сёстры! Шчыра вітаю вас, якія сабраліся тут у гэтай святыні, каб духоўна падрыхтавацца да падзеі, якую неўзабаве будзем перажываць. У хуткім часе мы з вамі  будзем  сустракаць рэліквіі св. Тэрэзы ад Дзіцятка Езус, кармеліткі босай. Разам з вамі я таксама хачу на працягу гэтага трыдуума паразважаць на тэму святасці, наблізіць да вас асобу св. Тэрэзы ад Дзіцятка Езус, а таксама пераказаць чарговы раз яе заклік да сучаснага чалавека, яе малую дарогу шчырага, простага даверу Богу.
Серада, 10 ліпеня 2013
Нядзельнае казанне: ХV Звычайная нядзеля, Год С
10.07.2013 09:53
Езус Хрыстус — той, каго мы павінны пазнаваць, каб быць збаўленымі, палюбіць бліжняга і быць шчаслівымі. За Хрыстом на самой справе«ва ўсім першынство», «у Ім жыве ўся паўната», «праз Яго прымірыў з сабою ўсё», «у Ім створана ўсё». Езус Хрыстус таму становіцца першым аб'ектам пазнання, з'яўляецца першай і абсалютнай каштоўнасцю, якую трэба свабодна выбраць і палюбіць.
Субота, 6 ліпеня 2013
Абвяшчаць Евангелле Езус кліча кожнага. Гамілія на 7 ліпеня
06.07.2013 09:25
Евангелле можа абвяшчаць не толькі святар з амбоны, заданне абвяшчэння Евангелля належыць кожнаму ахрышчанаму чалавеку. Бо праз сакрамэнт Хросту, кожны ўдзельнічае ў паўсюдным святарстве Езуса Хрыста. Таму кожны з нас пакліканы выконваць апостальскую місію абвяшчэння Добрай Навіны.
Серада, 3 ліпеня 2013
Каментарый да літургіі і малітва вернікаў на XIV Звычайную нядзелю, Год С (7 ліпеня)
03.07.2013 11:40
Для кожнага з нас нядзельная Эўхарыстыя – гэта аднаўленне нашых духоўных сіл. Гэта ўмацаванне нашай веры, надзеі і любові. Таму, схіляючыся перад вялікай таямніцай прысутнасці Хрыста сярод нас, адновім нашу веру і прагненне сапраўднай еднасці з Богам.
Аўторак, 2 ліпеня 2013
Нядзельнае казанне: 7 ліпеня — ХІV Звычайная нядзеля, Год С
02.07.2013 15:08
Місія датычыць усіх — іерархіі і вернікаў на розных узроўнях і розным чынам. Гаворка ідзе пра пакліканне да евангелізацыі, якое датычыць усяго Касцёла, бо Касцёл пабудаваны на гэтай евангелізацыі.
Субота, 29 чэрвеня 2013
Па-сапраўднаму наследаваць Хрыста. Гамілія на 30 чэрвеня
29.06.2013 23:05
Дарагія браты і сёстры! Слухаючы Божае cлова, нельга было не заўважыць, што апошнія радкі сённяшняга Евангелля маюць даволі суровы змест. Дазволю сабе яшчэ раз іх прыгадаць: «Ніводзін, хто паклаў руку сваю на плуг і азіраецца назад, не надаецца да  Валадарства Божага» . Гэта нялёгкія словы! Яны як бы ставяць высокую планку для тых, хто хоча наследаваць Хрыста. Хтосьці можа нават сказаць, што падобныя словы маларэальныя, а нават пазбаўленыя сэнсу. Каб у гэтым разабрацца, прапаную разам паразважаць над сённяшнім Божым словам.
Серада, 26 чэрвеня 2013
Каментарый да літургіі і малітва вернікаў на XIIІ Звычайную нядзелю, Год С (30 чэрвеня)
26.06.2013 20:25
Шмат людзей задаюцца пытаннем: колькі часу ў дзень прысвячаць Богу? І адказ вельмі просты: прысвячаць столькі часу, колькі хацелі б, каб Ён прысвячаў вам.
Нядзельнае казанне: ХІІІ Звычайная нядзеля, Год С
26.06.2013 11:21
Бог патрабуе ад чалавека бескампраміснага і дасканалага рашэння, безумоўнага падпарадкавання і абсалютнай гатоўнасці. Божае пакліканне — гэта незапраграмаваная навіна, яго нельга прадбачыць.
Пятніца, 21 чэрвеня 2013
А вы кім лічыце Мяне? Гамілія на 23 чэрвеня
21.06.2013 20:03
Дарагія браты і сёстры! Гэтае пытанне, якое мы з вамі пачулі сёння ў Евангеллі, Хрыстус паўтарае больш-менш дзве тысячы гадоў. Паўтарае яго няспынна, звяртаючыся як да кожнага чалавека індывідуальна, так і да ўсяго Касцёла: КІМ ВЫ ЛІЧЫЦЕ МЯНЕ?
Чацвер, 20 чэрвеня 2013
Марыя Гарэцці
20.06.2013 15:04
Марыя Тэрэза Гарэцці нарадзілася 16 кастрычніка 1890 г. у гарадку Карынальда, у беднай сям’і. Яе хрысцілі на наступны дзень пасля народзінаў. Калі Марыі споўнілася 6 гадоў, бацька загадаў маці навучыць дачку паслухмянасці, малітвам, любові да Бога і Яго Святой Маці. Калі Марыі было 8 гадоў, уся сям’я пераехала на Пантыйскія Балоты. Бацька Марыі, яго кампаньён Сэрэнэлі і шаснаццацігадовы сын апошняга, Алесандро, уладкаваліся на працу ў графа Мазаліні. Марыетту, як яе часцей за ўсё называлі, усе любілі і шанавалі. Бацька Марыі, Луіджы, сур’ёзна захварэў, ён падхапіў брушны тыф, малярыю, запаленне мазгавых абалонак, пнеўманію. Перад смерцю мужа Асунта правяла каля яго ложка 10 дзён. Дзесяцігадовая Марыя ўзяла на сябе гатаванне ежы, пакупкі і турботы аб малодшых дзецях. Пасля смерці Луіджы, Марыі прыйшлося ўзяць на сябе ролю «маці» і выконваць абавязкі гаспадыні ў сям’і Сэрэнэлі. Вясной 1902 г. Марыя рыхтавалася прыняць Езуса ў Эўхарыстыі. У маі святар праэкзамэнаваў яе і прызнаў, што яна вельмі добра падрыхтавалася. Але дзяўчынка не магла купіць сабе белую сукенку, пацеркі і замест гэтага раніцай 29 мая прыбралася ў тое, што ёй ахвяравалі суседзі. На працягу чэрвеня да Марыі два разы заляцаўся Алесандро Сэрэнэлі. Двойчы ён нават прыгразіў, што заб’е яе, калі яна каму-небудзь раскажа. На працягу ўсяго месяца Марыя старалася знаходзіцца як мага далей ад яго. Раніцай 5 ліпеня 1902 г. Гарэцці і Сэрэнэлі працавалі ў полі. Пасля абеду Сэрэнэлі заснуў, а астатнія вярнуліся ў поле. Марыя сядзелa на ганку і чыніла адзенне, прыглядаючы за маленькай сястрычкай. Іншыя дзеці былі разам з маці. Алесандро саступіў Асунце месца пры першай пары валоў і вярнуўся дамоў. Прайшоў каля Марыі ў свой пакой. Потым зноўку з’явіўся з хусткай у руках і спусціўся ў кладоўку, дзе, як пазней высветлілася, затачыў нож. Пасля зноў вярнуўся ў дом і паклікаў Марыю. Але яна адмовіла. Ён выйшаў на ганак і зацягнуў Марыю ў дом. Яму не хапіла смеласці дакрануцца да цела дзяўчынкі. Тады ён нанёс ёй 14 ран нажом. Ніхто не чуў крыкаў Марыі, бо ўсе былі ў полі. Калі знайшлі Марыю, прыехаў мясцовы ўрач. Калі ён перавязваў раны Марыі, яна крычала ад болю і час ад часу паўтарала: «Ах, Алесандро, які ж ты няшчасны! Ты патрапіш у пекла!» Таму ж святару, які даваў Марыі Першую Камунію, давялося даць і апошнюю. Перад тым як даць ёй віятык, ён спытаў, ці ўсім сэрцам яна прабачае забойцу. «Так, я таксама, у імя любові да Езуса, прабачаю яго і жадаю, каб ён быў са мной у раі… Няхай Пан Бог яму даруе, таму што я ўжо гэта зрабіла», — адказала Марыя. Яна памерла 6 ліпеня. Суд над Алесандро пачаўся 16 кастрычніка 1902 г. Яго прыгаварылі да 30 гадоў зняволення. У вязніцы ён правёў 8 гадоў без ніякіх прыкметаў пакаяння. Але аднойчы ноччу яму прыснілася Марыя Гарэцці, якая стаяла сярод поля, поўнага кветак, і працягвала яму белыя лілеі. 10 лістапада 1910 г. ён напісаў ліст біскупу, у якім прасіў прабачэння за свой учынак. У 1937 г., у вігілію  Божага Нараджэння, Алесандро прыйшоў да Асунты, каб ад яе пачуць, што Марыя яму даравала. Папа Пій Х прадставіў Марыю як прыклад праўдзівай адданасці Пану Богу — прыклад, які павінен натхняць моладзь. У 1947 г. папа Пій ХІІ далучыў Марыю да ліку благаслаўлёных. Яе кананізацыя адбылася 25 чэрвеня 1950 года. Марыя Гарэцці лічыцца апякункай паннаў і моладзі. Паводле zhlobinkap.angelfire.com ,  (LB)
Антоній Марыя Дзаккарыя
20.06.2013 13:25
Нарадзіўся ў Крэмоне ў 1502 г. У Падуі скончыў медыцынскі факультэт, вярнуўшыся ў родны горад, катэхізаваў бедную моладзь.
Паўлін Нольскі
20.06.2013 12:03
Нарадзіўся ў 353 г. Каля Бардо. Належаў да багатага роду патрыцыяў, яго лічылі мудрацом. Паўлін Нольскі быў консулам і губернатарам Кампаніі (Італія). Пра хрысціянскую веру даведаўся ад св. Амброжыя.  У 379 г. ажаніўся з іспанкай Таразіяй (хрысціянкай) і неўзабаве прыняў хрост. Пасля смерці сына сужэнцы склалі шлюбы чыстасці і сваё жыццё прысвяцілі Богу. Калі яны вярнуліся ў Францыю, ля гроба св. Марціна Паўлін атрымаў незвычаўную ласку — выздараўленне ад хваробы вачэй. У 394 годзе з дазволу жонкі прыняў святарскае пасвячэннне. Прадаў маёнтак і арганізаваў супольнасць. У 410 г. быў выбраны біскупам Нолі. Сябраваў са св. Аўгусцінам і св. Еранімам. Паўлін Нольскі памёр 22 чэрвеня 431 г. Св. Паўлін — апякун Нолі (регіён Кампанія ў Італіі). Паводле brewiarz.katolik.pl , (LB)
Джон Фішар
20.06.2013 11:49
Джон Фішар нарадзіўся ў 1469 годзе. Вучыўся, а потым выкладаў ва ўніверсітэце ў Кэмбрыджы. Вядомы як вялікі гуманіст.
Серада, 19 чэрвеня 2013
Нядзельнае казанне: 23 чэрвеня — ХІІ Звычайная нядзеля, Год С
19.06.2013 12:06
Хрысціянінам з'яўляецца той, хто радыкальна і свабодна вырашыў пайсці за Езусам як адзінай Праўдай, якая напоўніць яго чалавечае існаванне. Ісці за Езусам не прыніжае чалавека, не абмяжоўвае яго, а сапраўды вызваляе і робіць роўным у правах.
Каментарый да літургіі і малітва вернікаў на XII Звычайную нядзелю, Год С (23 чэрвеня)
19.06.2013 11:03
Сучасны свет прымушае нас бесперапынна набываць, трымаць, адварочваючы нас такім чынам ад сапраўдных каштоўнасцей. Тое, што тут, на зямлі, нас акружае, з'яўляецца нестабільным і нетрывалым. Толькі добрыя справы, выкананыя з Божай ласкай і з добрымі намерамі, знаходзяць прыгажосць у вачах Творцы.
Субота, 15 чэрвеня 2013
Каментарый да літургіі і малітва вернікаў на ХІ Звычайную нядзелю, Год С (16 чэрвеня)
15.06.2013 12:47
Эўхарыстыя для кожнага хрысціяніна з’яўляецца ўрокам прабачэння ворагаў і любові да іх. Толькі той сапраўды любіць, хто здольны ад усяго сэрца прабачыць віну свайму брату.
Пятніца, 14 чэрвеня 2013
Бог чакае кожнага. Гамілія на 16 чэрвеня
14.06.2013 17:41
Дарагія браты і сёстры! Напэўна, многія з нас задумваліся над сваім жыццём і, калі параўноўвалі яго з жыццём некаторых святых, на сэрцы рабілася вельмі сумна. Наколькі мы яшчэ далёкія ад тых узнёслых ідэалаў, пра якія напісана ў жыццярысах некаторых святых. І калі мы так разважаем, то ў нашым сэрцы могуць узнікнуць такія або падобныя пытанні: ці любіць Бог мяне, такога недасканалага? Ці імкнуся я да святасці? Якая павінна быць святасць у маім жыцці?
Чацвер, 13 чэрвеня 2013
Томас Мор
13.06.2013 15:19
Томас Мор быў вядомым ва ўсёй Еўропе гуманістам.
Серада, 12 чэрвеня 2013
Нядзельнае казанне: 16 чэрвеня — ХІ Звычайная нядзеля, Год С
12.06.2013 14:54
Сучасная культура ўдзяляе вялікую ўвагу «адчуванню віны», але яна яго часта разумее толькі з псіхалагічнага пункту гледжання як «цяжар», як псіхічныя пакуты на мяжы «хваробы». Але Езус указвае нам іншы шлях — Божае прабачэнне і Божую моц, якія могуць нас збавіць ад адчування віны і аднавіць нас.
Серада, 5 чэрвеня 2013
Нядзельнае казанне: 9 чэрвеня — Х Звычайная нядзеля, Год С
05.06.2013 15:26
«Вызваленне» — гэта адно са словаў, якое сёння знаходзіць вялікі водгук… Гэта правільна, таму што сучасны чалавек лепш, чым у мінулым, усведамляе, што яму трэба вызваліцца ад многіх формаў рабства. Хто нас зможа вызваліць ад зла, якое няспынна пагражае нам з усіх бакоў?
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця