Пошук


Літургія

Чацвер, 10 красавіка 2014
Гамілія на Пальмовую нядзелю (13 красавіка)
10.04.2014 10:40
Дарагія браты і сёстры! Хуткім крокам бяжыць час, ужо няшмат засталося да святкавання пасхальнай таямніцы, таямніцы нашага збаўлення. Сённяшняя нядзеля распачынае Вялікі тыдзень, а пачутае намі Божае слова набліжае да нас падзеі Мукі нашага Пана. Гэтаму папярэднічае ўрачысты ўваход Езуса ў Ерузалем.
Панядзелак, 7 красавіка 2014
Каментарый да літургіі і малітва вернікаў на Пальмовую нядзелю (13 красавіка)
07.04.2014 13:22
Галінкі, якія сёння прыносім у касцёл, азначаюць вясну і адначасова выражаюць нашае прагненне, каб уключыцца ў радаснае прывітанне Езуса Хрыста жыхарамі Ерузалема. Сённяшняя нядзеля таксама называецца Нядзеляй Мукі Пана і пачынае Вялікі тыдзень. Мы прыйшлі, каб прывітаць Пана, які прыходзіць, і трымаем у руках сімвал жыцця, якое прачынаецца.
Субота, 5 красавіка 2014
Гамілія на V нядзелю Вялікага посту (6 красавіка)
05.04.2014 14:56
Дарагія браты і сёстры! Як жа часта ў нашым штодзённым жыцці мы імкнемся да таго, каб нешта мець. Можа, таму нашае шчасце часта прапарцыянальнае нашаму набытку. Чым больш дабротаў мы маем, тым у большай ступені становімся шчаслівымі. Гэта датычыць не толькі матэрыяльных дабротаў - нашае жаданне мець ахоплівае значна большую сферу: каб мець добрых бацькоў, сяброў, настаўнікаў, мець добрую жонку, мужа, паслухмяных дзяцей…
Чацвер, 3 красавіка 2014
Каментарый да літургіі і малітва вернікаў на V нядзелю Вялікага посту
03.04.2014 10:16
Праз сакрамэнт хросту мы атрымалі Духа Святога, і, хоць мы паміраем, аднак маем жыццё вечнае, – вучыць святы Павел. Праз пакаянне мы атрымліваем новую надзею на вечнае жыццё.
Субота, 29 сакавіка 2014
Гамілія на IV нядзелю Вялікага посту (30 сакавіка)
29.03.2014 13:21
Дарагія браты і сёстры! Як жа цяжка быць сляпым. Бачыць вакол сябе толькі цемру. Мы можам гэта толькі крыху сабе ўявіць, але адчуць усю трагедыю і абмежаванне, звязанае з адсутнасцю зроку, не можам. Слепата, без сумніву, вельмі цяжкі стан чалавека. Такі чалавек не толькі нічога не бачыць, але і самастойна, як здаровы відушчы чалавек, не можа развівацца ў грамадстве. Ён патрабуе асаблівай апекі і дапамогі. І ягонымі вачыма становяцца іншыя людзі, якія яму дапамагаюць, раздзяляючы з ім цяжар яго нядолі.
Серада, 26 сакавіка 2014
Каментарый да літургіі і малітва вернікаў на IV Нядзелю Вялікага посту (30 сакавіка)
26.03.2014 11:22
Усе мы сляпыя ад нараджэння. Магчыма, шмат бачым, але не бачым таго, што самае галоўнае. “Чалавек бачыць тое, што навідавоку, а Пан заглядае ў сэрца” (1Сам 16, 7). Гэты цуд, які здарыўся дзве тысячы гадоў таму каля купальні Сілаам, павінен здзейсніцца ў кожным з нас. Толькі тады, калі будзем глядзець на людзей і навакольны свет вачыма Бога, пачнем паволі разумець нашую рэчаіснаць.
Панядзелак, 24 сакавіка 2014
Гамілія на ўрачыстасць Звеставання Пана (25 сакавіка)
24.03.2014 12:37
Дарагія браты і сёстры! Сённяшняя ўрачыстасць адкрывае перад намі план Божага збаўлення і з'яўляецца прадвесцем уцелаўлення Божага Сына. Першае чытанне з кнігі прарока Ісаі, якое мы з вамі чулі, ясна паказвае той будучы момант, які стане пераломным у гісторыі збаўлення: «Вось Дзева зачне і народзіць Сына, і дасць Яму імя Эммануэль, што значыць Бог з намі».
Субота, 22 сакавіка 2014
Гамілія на ІІІ нядзелю Вялікага посту (23 сакавіка)
22.03.2014 13:44
Дарагія браты і сёстры! Сённяшняе першае чытанне з Кнігі Зыходу прыводзіць нас да высновы, што незадавальненне і нараканне ізраэльскага народу, якога вывеў з Егіпта Майсей, узнікла з недахопу вады. Але калі больш пільна прыгледзецца - не столькі вада стала прычынай гэтага бунту, колькі недахоп пакоры.  Сёння хачу крыху засяродзіцца і паразважаць аб гэтай цноце.
Пятніца, 21 сакавіка 2014
Каментарый да літургіі і малітва вернікаў на ІІІ нядзелю Вялікага посту (23 сакавіка)
21.03.2014 21:22
Езус паабяцаў нам дары сваёй ласкі, калі размаўляў з самаранкай пра “жывую ваду”, якая будзе гасіць прагненні ўсіх, хто будзе піць яе. Прадвеснікам гэтага была таксама вада, якую даў Майсей выбранаму народу ў пустыні. Мы праз хрост атрымліваем усяго Бога, а Ён атрымлівае нас, як сваіх дзяцей.
Субота, 15 сакавіка 2014
Гамілія на ІІ нядзелю Вялікага посту (16 сакавіка)
15.03.2014 14:12
Дарагія браты і сёстры! У тым, што Богу неабыякавы лёс чалавека, можна пераканацца ўжо на першых старонках Святога Пісання. Спачатку Стварыцель кліча чалавека з небыцця да існавання, пераказвае яму свой подых жыцця, укладвае ў чалавека свой вобраз і падабенства, ставіць галоўным і пануючым сярод усяго стварэння. І нягледзячы на тое, што чалавек здзейсніў першародны грэх, усе гэтыя якасці надалей застаюцца ў натуры чалавека. Адзінае, чаго чалавек стаў пазбаўлены, што пачало яго адрозніваць, пасля здзяйснення першароднага граху, - гэта яго паслабленая чалавечая натура, схільная да злога. Яна да грахоўнага ўпадку не была такой.
Серада, 12 сакавіка 2014
Каментарый да літургіі і малітва вернікаў на II нядзелю Вялікага посту (16 сакавіка)
12.03.2014 13:22
Бог заклікае людзей, каб перамяніць іх і адарыць хвалой. Сённяшняя другая нядзеля Вялікага посту падрыхтоўвае нашыя сэрцы да перажывання таямніцы Уваскрасення Хрыста, які паклікаў нас да супольнасці Касцёла,  каб змяніць нашае жыццё сваёй ласкай і каб ужо тут, на зямлі, заяснела Яго хвала.
Субота, 8 сакавіка 2014
Гамілія на І нядзелю Вялікага посту, Год А (9 сакавіка)
08.03.2014 17:28
Дарагія браты і сёстры! Вялікі пост, які ўжо распачаўся, адкрывае перад намі патрэбу навяртання. Чаму? Бо нават праз дробную нявернасць мы адыходзім ад Бога. Таму шчырае пакаянне, навяртанне і моцная вера — гэта тое, да чаго нас рыхтуе гэты перыяд саракадзённага посту. Літургія слова сёння ў першым чытанні апавядае аб стварэнні чалавека, а таксама расказвае праўду пра грэх, які ўвайшоў у жыццё праз непаслухмянасць чалавека.
Пятніца, 7 сакавіка 2014
Каментарый да літургіі і малітва вернікаў на І нядзелю Вялікага посту, Год А (9 сакавіка)
07.03.2014 10:54
У кожным чалавеку ёсць крыху зла. Гэта з'яўляецца наступствам упадшай натуры людзeй, граху непаслухмянасцi першых бацькоў. Езус Хрыстус праз сваю паслухмянасць Богу Айцу даў нам сiлу, каб перамагаць зло дабром.
Аўторак, 4 сакавіка 2014
Гамілія на Папяльцовую сераду (5 сакавіка)
04.03.2014 11:33
Роля посту вялікая, але Езус у Евангеллі таксама перасцерагае нас ад павярхоўнасці посту. Бывае так, што мы выконваем пабожныя чыны аўтаматычна або, што яшчэ горш, каб паказацца перад іншымі людзьмі.
Пятніца, 28 лютага 2014
Каментарый да літургіі і малітва вернікаў на VIII Звычайную нядзелю, Год А (2 сакавіка)
28.02.2014 13:27
Аднолькавыя справы ў розныя дні могуць прынесці зусім розныя плёны для душы, у залежнасці ад таго, як мы іх будзем пражываць. Можам асэнсоўваць рэчаіснасць праз акуляры, дадзеныя Богам, – Божае слова, малітву, сакрамэнты, а можам ісці праз жыццё, не заўважаючы нічога і нікога вакол сябе, будуючы мары пра добрыя дні ў будучыні. Але варта памятаць тады, што ніхто не ведае, колькі дзён засталося пражыць яму.
Гамілія на VIII Звычайную нядзелю, Год А (2 сакавіка)
28.02.2014 13:18
Дарагія браты і сёстры! Здараецца так, што пад націскам складаных жыццёвых выпрабаванняў чалавек пачынае губляць веру. Яму ў той час здаецца, што Бог яго пакінуў. Што ён застаўся сам-насам з праблемамі, якія яго ахапілі.
Пятніца, 21 лютага 2014
Гамілія на VIІ Звычайную нядзелю, Год А
21.02.2014 17:32
Бог жадае, каб мы наследавалі менавіта Яго ў Яго міласэрнасці і прабачэнні, якое Ён аказвае кожнаму чалавеку. Менавіта ў гэтым кантэксце можам па-сапраўднаму зразумець пачутыя сёння словы Езуса: «Будзьце дасканалымі, як дасканалы Айцец ваш Нябесны».
Каментарый да літургіі і малітва вернікаў на VII Звычайную нядзелю, Год А (23 лютага)
21.02.2014 10:25
Тыдзень таму літургія нагадвала нам пра важнасць ісці шляхам запаведзяў, які з’яўляецца сапраўдным вызваленнем чалавека. Сёння ж Пан кажа нам, што першая і найбольшая з Яго запаведзяў – гэта запаведзь любові. І любові нават да ворагаў.
Пятніца, 14 лютага 2014
Гамілія на VI Звычайную нядзелю, Год А
14.02.2014 22:09
Дарагія браты і сёстры! Сёння Езус звяртаецца да нашых сэрцаў, кажучы аб тым, як належыць выконваць  Божыя запаведзі: «Калі справядлівасць вашая не пераўзыдзе справядлівасці кніжнікаў і фарысеяў, то вы не ўвойдзеце ў Валадарства Нябеснае».
Чацвер, 13 лютага 2014
Каментарый да літургіі і малітва вернікаў на VI Звычайную нядзелю, Год А (16 лютага)
13.02.2014 10:59
Сярод нас няма двух аднолькавых людзей, мы ўсе асаблівыя ў вачах Бога. Кожны прыходзіць з асабістымі перажываннямі, просьбамі, падзякамі. Але ўсіх нас яднае Хрыстус. Падчас Эўхарыстыі Ён кожнага ўмацуе і адорыць спакоем.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа