Пошук


21.03.2014 21:22  

Каментарый да літургіі

“…Пане, Ты сапраўдны Збаўца свету,
дай мне жывой вады, каб нам не прагнуць...”


Распачынаецца трэці тыдзень Вялікага посту, які дадзены чалавеку для набліжэння да таямніцы збаўлення – Езуса Хрыста. Ён для кожнага хрысціяніна ёсць крыніцай жывой вады, крыніцай ачышчэння, да якой спачатку прыносяць нас бацькі і просяць Касцёл аб удзяленні сакрамэнту хросту. Потым прыходзім мы самі, атрымліваючы ачышчэнне ў святой споведзі. І на гэтым шляху Езус хоча заспакоіць нашае прагненне “звычайнай вады”, якой ёсць гэты свет, і прапанаваць “жывую ваду”, якая заспакоіць нашае сэрца.

Каментарый да літургіі слова


“…Дай мне гэтай вады, каб я не мела больш прагі і не прыходзіла сюды чэрпаць…”

Езус паабяцаў нам дары сваёй ласкі, калі размаўляў з самаранкай пра “жывую ваду”, якая будзе гасіць прагненні ўсіх, хто будзе піць яе. Прадвеснікам гэтага была таксама вада, якую даў Майсей выбранаму народу ў пустыні. Мы праз хрост атрымліваем усяго Бога, а Ён атрымлівае нас, як сваіх дзяцей. Дзякуючы Езусу Хрысту і Святому Духу гэта здзяйсняецца шмат гадоў – Жывая Вада цячэ ў сэрцы чалавечыя.

Малітва вернікаў


Усім сэрцам просім Бога Усемагутнага:

- Молімся за Святы Касцёл, каб узрастаў у супольнай любові.
- Падтрымай Папу Францішка, усіх біскупаў, святароў і дыяканаў, каб хапала сілаў і жадання на выкананне штодзённых паслуг верным.
- Дадай уладам усіх краін разважлівасці ў дзеяннях, каб усё рабілі для дабрабыту грамадзян.
- Даручаем Табе ўсіх церпячых і хворых, дадай ім вытрымкі і вернасці Табе.
- Прымі ў сваё Валадарства ўсіх, хто пакінуў гэты свет, няхай цешацца з Табой у вечнасці.
- Благаславі нас, прысутных ля Твайго алтара, каб мы як мага часцей чэрпалі “жывую ваду”, якой ёсць Езус Хрыстус.

Праз Хрыста, Пана нашага. Амэн.

Падрыхтавала Рэгіна Гасанна Атрашкевіч ОРs

Абноўлена 25.09.2017 11:23
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.