Пошук


11.01.2013 00:00  

Каментарый да літургіі

«Вось Пан Бог прыходзіць з моцаю, і плячо Ягонае, што мае ўладу».

Сёння Касцёл адзначае свята Хросту Пана. Надзвычай радасная падзея здзейснілася ў свеце — у асобе Сына Бог дае чалавецтву збаўленне і надзею. Хрыстус прымае сваю місію і становіцца на шлях прапаведвання пасля таго, як прымае ад Яна хрост. Праз гэта Ён паказвае людзям сваю прыналежнасць да Бога, якую Бог-Айцец адкрывае праз Духа Святога. Праз хрост Езус таксама дае людзям прыклад ачышчэння і далучэння да збаўчага шляху.


Каментарый да літургіі слова

«Ты Сын Мой умілаваны, Цябе ўпадабаў Я».

З гэтымі словамі Бог звяртаецца да Езуса. Але на самой справе, калі Хрыстус — сапраўдны Сын Божы, ці ж не ведае Ён сам, кім з’яўляецца? Бог прамаўляў не для самога Сябе, а для людзей, каб яны бачылі знак, каб маглі зразумець шлях збаўлення і паверыць. Святы Дух — гэта не голуб, не паветра і не агонь, бо ўсё гэта толькі бачныя сімвалы нябачнага, якія Бог дае людзям для навяртання.


Малітва вернікаў

Дзякуем Усемагутнаму Богу, што паслаў нам свайго Сына як Збаўцу і ўзносім да Яго свае пакорныя малітвы:

  1. Молімся за святы Касцёл, каб мацярынскай апекай агортваў усіх сваіх дзяцей. Цябе просім…
  2. Молімся за Святога Айца, каб нястомна абвяшчаў аб’яўленую праўду.
  3. Молімся за ўсіх новаахрышчаных, каб на шляху збаўлення заўсёды шукалі ўзмацнення ў Хрыста.
  4. Молімся за сем’і, каб не занядбоўвалі рэлігійнае выхаванне сваіх дзяцей.
  5. Молімся за дарослых, якія рыхтуюцца да прыняцця сакрамэнту хросту. Няхай Дух Святы асвячае іх розум і дапамагае жыць пазнанымі праўдамі веры.
  6. Молімся за памерлых, каб маглі сузіраць аблічча Бога.
  7. Молімся за ўсіх нас, сабраных каля алтара Пана. Божа, падтрымлівай і ахоўвай тых, хто праз хрост прыпадобніўся да Цябе.

Пане Божа, Тваёй волі даручаем нашыя просьбы, які жывеш і валадарыш на векі вечныя. Амэн.
 

    Падрыхтавала Рэгіна Гасанна Атрашкевіч Ops

    Абноўлена 25.09.2017 11:23
    Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

    Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    Папа Францішак

    Спагадлівасць - гэта праява Божай
    Міласэрнасці, адзін з сямі дароў Святога Духа