Пошук


29.12.2012 00:00  

Каментарый да літургіі

Сёння Касцёл адзначае свята Святой Сям’і: Езуса, Марыі і Юзафа. Але гэта не толькі напамін непасрэдна пра гэтую Сям’ю, але і заклік да святасці ў сваім асяроддзі, а асабліва сярод родных нам людзей. Для кагосьці мы з’яўляемся маці ці бацькам, для кагосьці дачкой ці сынам — кожная роля мае пэўную адказнасць, якая ўскладзена на нас самім Богам. Сёння варта паразважаць у сваім сэрцы: ці сапраўды я імкнуся добра выконваць свае абавязкі — дачкі або сына, бацькі ці маці?


Каментарый да літургіі слова

«Ён сядзеў сярoд настаўнікаў, слухaючы iх i пытaючыся ў iх».

У сённяшнім евангельскім урыўку мы бачым Езуса з іншага боку. Зусім мала ў Новым Запавеце апісана момантаў з дзяцінства Пана. Мы прызвычаіліся да Езуса, які прапаведуе, лечыць, дапамагае… Аднак у гэтым урыўку мы бачым Збаўцу, які вучыцца, слухае, пра штосьці пытаецца.

Умець вучыцца і слухаць — гэта надзвычай важныя рэчы ў жыцці, а асабліва ў сямейным. Вучыцца ў таго, хто ведае болей за цябе, слухаць, каб і цябе выслухалі. У Евангеллі мы бачым прыклад Пана, хоць Ён зусім не мусіў гэтага рабіць, як і не мусіў прыходзіць, каб нас збавіць, але ўчыніў гэта з любові.

Давайце ж і мы будзем накіроўваць свае ўчынкі па сцежках любові. Прыклад гэтага даў нам сам Пан Бог.


Малітва вернікаў

Праз апеку Марыі і Юзафа ўзнясём да Бога нашыя малітвы:

  • молімся за сем’і, у якіх пануе роспач і непаразуменне, каб нованароджаны Езус прынёс ім супакой і любоў
  • молімся за цяжарных жанчын, каб заўсёды мелі падтрымку ад сваіх блізкіх
  • молімся за самотных людзей, каб адчувалі сябе сапраўднай часткай вялікай касцёльнай сям’і
  • молімся за памерлых, каб добры Бог прыняў іх у сваё Валадарства.

Падрыхтавала Рэгіна Гасанна Атрашкевіч ОРs

Абноўлена 25.09.2017 11:23
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа