Пошук


Іерархі

Пятніца, 24 студзеня 2020
Біскуп Юзаф Станеўскі павіншаваў супрацоўнікаў каталіцкіх СМІ са святам
24.01.2020 13:04
24 студзеня, ва ўспамін святога Францішка Сальскага , апекуна каталіцкіх СМІ, біскуп Юзаф Станеўскі павіншаваў каталіцкіх журналістаў з патранальным святам.
Аўторак, 21 студзеня 2020
Кардынал Шонбарн застанецца Венскім арцыбіскупам і пасля дасягнення 75-гадовага ўзросту
21.01.2020 16:32
Папа Францішак вырашыў, што і пасля дасягнення 75-гадовага ўзросту аўстрыйскі кардынал Крыстаф Шонбарн застанецца арцыбіскупам Венскім, пра што юбіляру паведамілі з Ватыкана 21 студеня, напярэдадні яго 75-а дня нараджэння.
Серада, 1 студзеня 2020
Біскупу Пінскаму Антонію Дзям’янку — 60
01.01.2020 18:18
У першы дзень 2020 года Пінскаму біскупу Антонію Дзям’янку споўнілася 60 гадоў.
Аўторак, 31 снежня 2019
Каментар арцыбіскупа Тадэвуша Кандрусевіча да Паслання папы Францішка на Сусветны дзень міру
31.12.2019 08:00
Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Тадэвуш Кандрусевіч каментуе Пасланне папы Францішка на 53-і Сусветны дзень міру, які адзначаецца 1 студзеня 2020 г.
Аўторак, 24 снежня 2019
Каб «ажыла» батлейка ў маім касцёле. Біскуп Юзаф Станеўскі віншуе моладзь са святамі
24.12.2019 11:17
У вігілію Божага Нараджэння адказны за душпастырства моладзі ў беларускім каталіцкім епіскапаце біскуп Юзаф Станеўскі ў сваім блогу дзеліцца з маладымі вернікамі сваімі разважаннямі і святочнымі пажаданнямі.
Пятніца, 20 снежня 2019
Арцыбіскуп Кандрусевіч распавёў журналістам пра цяжкасці ў адносінах паміж Касцёлам і дзяржавай і пра свой выхад на пенсію
20.12.2019 15:12
20 снежня ў канферэнц-зале Мінска-Магілёўскай мітрапалітальнай курыі прайшла традыцыйная перадкалядная прэс-канферэнцыя з удзелам арцыбіскупа Тадэвуша Кандрусевіча, біскупа Юрыя Касабуцкага і біскупа Аляксандра Яшэўскага SDB.
Пастырскае пасланне арцыбіскупа Тадэвуша Кандрусевіча на Нараджэнне Пана 2019 года
20.12.2019 09:06
Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Тадэвуш Кандрусевіч перад святамі Божага Нараджэння скіроўвае сваё традыцыйнае пасланне да духавенства, вернікаў і ўсіх суайчыннікаў.
Аўторак, 17 снежня 2019
Апостальскі нунцый Габар Пінтэр развітаецца з беларускімі вернікамі
17.12.2019 08:18
Як паведамлялася раней , 12 лістапада папа Францішак прызначыў арцыбіскупа Габара Пінтэра Апостальскім нунцыем у Гандурасе, у сувязі з чым іерарх завяршае сваю місію ў нашай краіне і развітваецца з беларускімі вернікамі.
Нядзеля, 15 снежня 2019
«Радуйцеся — Пан блізка». Арцыбіскуп Кандрусевіч узяў удзел у чуванні моладзі ў Мінску
15.12.2019 03:46
Увечары 14 снежня ў мінскім катэдральным касцёле Найсвяцейшага Імя Марыі распачалося чуванне моладзі, прысвечанае тэме, якую выбралі самі юнакі і дзяўчаты: «Быць, як Марыя і Юзаф, з’яднанымі ў Хрысце».
Чацвер, 12 снежня 2019
Ва Украіне пасвяцілі першага біскупа дамініканіна
12.12.2019 08:51
10 снежня ў Мукачаве на Закарпацці (Украіна) адбылося біскупскае пасвячэнне айца Міколы Лучка ОР, якога 11 лістапада папа Францішак менаваў дапаможным біскупам Мукачаўскай дыяцэзіі.
Панядзелак, 9 снежня 2019
Першая ў гэтым годзе калядная сустрэча з дзяленнем аплаткай прайшла ў «Школе сямейнага жыцця» ў Мінску
09.12.2019 14:02
У Мінска-Магілёўскай архідыяцэзіі 8 снежня распачаліся традыцыйныя калядныя сустрэчы з удзелам іерархаў , першай з якіх сёлета стала сустрэча біскупа Аляксандра Яшэўскага SDB са студэнтамі і выкладчыкамі «Школы сямейнага жыцця» ў Мінску.
Субота, 7 снежня 2019
Арцыбіскуп Кандрусевіч беларускім мусульманам: «Нягледзячы на адрозненні, мы можам быць разам»
07.12.2019 11:37
6–7 снежня ў мінскай саборнай мячэці адбыліся ўрачыстасці, у якіх узяў удзел Старшыня Канферэнцыі Каталіцкіх Біскупаў у Беларусі арцыбіскуп Тадэвуш Кандрусевіч, Мітрапаліт Мінска-Магілёўскі.
Пятніца, 29 лістапада 2019
Пастырскі ліст на Адвэнт 2019 года біскупа Пінскага Антонія Дзям’янкі
29.11.2019 10:19
На перыяд Адвэнту біскуп Пінскі Антоні Дзям’янка кіруе вернікам сваёй дыяцэзіі ліст, у якім разважае на тэму наступнага пастырскага года ў Касцёле на Беларусі, прысвечаны 100-гадоваму юбілею святога Яна Паўла ІІ, а таксама пра духоўную сувязь Вялікага Папы з першым Пінскім біскупам Слугой Божым Зыгмунтам Лазінскім.
Аўторак, 12 лістапада 2019
Біскуп Алег Буткевіч прадставіў Касцёл у Беларусі на пасвячэнні новага біскупа ва Украіне
12.11.2019 08:36
9 лістапада ў Кіеве адбылася ўрачыстасць біскупскага пасвячэння ксяндза Аляксандра Язлавецкага, на якой Каталіцкі Касцёл у Беларусі прадставіў біскуп Віцебскі Алег Буткевіч.
Панядзелак, 11 лістапада 2019
Ва Украіне прызначаны першы біскуп дамініканін
11.11.2019 17:04
Папа Францішак прызначыў айца Міколу Лучка OP дапаможным біскупам Мукачаўскай дыяцэзіі Каталіцкага Касцёла ва Украіне. Пра гэта 11 лістапада паведамілі ў Ватыкане.
Панядзелак, 21 кастрычніка 2019
Адэльск — мястэчка чатырох біскупаў. Арцыбіскуп Кандрусевіч наведаў малую радзіму, дзе дзякаваў за 30 гадоў біскупскага служэння
21.10.2019 11:09
20 кастрычніка споўнілася 30 гадоў з моманту біскупскага пасвячэння першага пасля савецкіх часоў пераследу веры каталіцкага іерарха ў Беларусі Тадэвуша Кандрусевіча — сённяшняга Старшыні Канферэнцыі Каталіцкіх Біскупаў у Беларусі.
Субота, 19 кастрычніка 2019
Паведамленне на Сусветную нядзелю місій біскупа Пінскага Антонія Дзям’янкі
19.10.2019 14:04
Да вернікаў Пінскай дыяцэзіі Пінск, 17 кастрычніка 2019 г. Дарагія дыяцэзіяне! На працягу апошняга тыдня ў лучнасці з Паўсюдным Касцёлам мы асаблівым чынам молімся ў інтэнцыях місійных спраў. Памятаем заданне нашага Пана Езуса Хрыста, якое Ён нам пакінуў перад Унебаўшэсцем: занесці Добрую Вестку аб збаўленні да кожнага без выключэнняў (гл. Мк 16, 15–16). Атрымаўшы гэтае заданне ад Боскага Настаўніка, усе вучні, напоўненыя Духам Святым, распачалі сваю місійную евангелізацыйную справу. Яна працягваецца па сённяшні дзень. І будзе працягвацца «аж да сканчэння веку» ( Мц 28, 20). Гэтая евангелізацыйная «эстафета» на пэўным этапе гісторыі дайшла да нашых продкаў і да нас. У сваю чаргу нашым заданнем з’яўляецца перадаць гэтую «эстафету» веры далей. Уся наша гісторыя — гэта драматычная, напоўненая разнастайнымі радасцямі і болем місія перадачы веры ў Езуса Хрыста. Папа Францішак заахвочвае нас, каб у кастрычніку мы асаблівым чынам звярнулі ўвагу на гэтую надзвычай важную справу і заданне кожнага хрысціяніна: быць місіянерам збаўлення. Нашае пакліканне да місіянерства бярэ пачатак у сакрамэнце хросту — браме новага жыцця кожнага вызнаўцы Езуса. Нездарма Ён заклікае нас не проста прапаведаваць, але ісці і дапамагаць кожнаму ахрысціцца «ў імя Айца і Сына, і Духа Святога» ( Мц 28, 19). Умілаваныя! Мы не адны ў гэтым свеце, і нельга нам клапаціцца толькі пра саміх сябе. Папа Францішак заклікае нас пачынаць сваю хрысціянскую місійную дзейнасць з асяроддзя сям’і і працы, але на гэтым не спыняцца. Ісці далей. Асабліва сёння, калі ва ўсім свеце адзначаем Місійную нядзелю, мы павінны памятаць пра тых, хто прапаведуе веру на далёкіх кантынентах, у аддаленых кутках зямлі. Там жывуць людзі і служаць місіянеры, якія чакаюць нашай падтрымкі, выражанай у малітве і ахвярным чыне салідарнасці. Некалькі гадоў таму арцыбіскуп Вены кардынал Крыстаф Шонбарн праводзіў у горадзе Арс у Францыі рэкалекцыі для святароў, сабраных з розных краін свету. Падчас гэтых духоўных практыкаванняў адбываліся размовы аб жыцці Касцёла. Хтосьці выказаў даволі песімістычны погляд пра будучыню хрысціянства і запытаўся, ці вытрымае Касцёл усе выпрабаванні, якія яго чакаюць. Кардынал адказаў: «Напэўна, вытрымае, але нідзе не сказана, што гэта будзе Касцёл у Еўропе». Божая справа не мае ні геаграфічных, ні гістарычных межаў. Касцёл трывае вечна. Ён павінен выконваць сваю збаўчую місію ў тым часе і месцы, дзе кожнаму пакаленню хрысціянаў дадзена жыць. Сёння, у Сусветную місійную нядзелю, мы дзякуем Пану Богу за дар місіянераў, якія прынеслі веру на нашу зямлю. Дзякуем і молімся за нашых продкаў, якія перадалі нам дар веры і святога хросту. Молімся за тых, хто ахвяраваў сябе, каб быць місіянерам Хрыста сярод людзей, якія яшчэ не ведаюць Касцёла. Просім таксама Бога аб тым, каб мы не забывалі пра місійнасць нашай веры. Быць хрысціянінам, католікам — гэта дзяліцца радасцю Евангелля, прыводзіць да святых сакрамэнтаў збаўлення кожнага. Таму будзем жа місіянерамі ў перадачы «эстафеты» веры наступнаму пакаленню людзей, якія вакол нас. Агорнем малітвай тых, хто прысвяціў сваё жыццё місіянерскаму служэнню. Будзем мець адкрытае сэрца і ахвярныя далоні, каб дапамагаць Касцёлу ў выкананні яго збаўчага місіянерскага задання ў гэтым свеце. З пастырскім благаслаўленнем, + Антоні Дзям’янка        Біскуп Пінскі
Чацвер, 17 кастрычніка 2019
Арцыбіскуп Кандрусевіч на сваёй малой радзіме падзякуе за 30 гадоў біскупскага служэння
17.10.2019 14:25
У нядзелю 20 кастрычніка спаўняецца 30 гадоў з моманту біскупскага пасвячэння першага пасля савецкіх часоў пераследу веры каталіцкага іерарха ў Беларусі Тадэвуша Кандрусевіча.
Панядзелак, 7 кастрычніка 2019
У Сант’яга-дэ-Кампастэла завяршылася Пленарнае пасяджэнне Рады Канферэнцый Біскупаў Еўропы
07.10.2019 15:15
5 кастрычніка ў горадзе святога Якуба Сант’яга-дэ-Кампастэла ў Іспаніі завяршылася Пленарнае пасяджэнне Рады Канферэнцый Біскупаў Еўропы , на якім беларускі каталіцкі епіскапат прадставіў біскуп Аляксандр Яшэўскі SDB.
Пятніца, 4 кастрычніка 2019
Біскуп Аляксандр Яшэўскі бярэ ўдзел у пасяджэнні Рады Канферэнцый Біскупаў Еўропы
04.10.2019 10:40
З 3 па 6 кастрычніка ў Сант’яга-дэ-Кампастэла ў Іспаніі праходзіць пленарнае пасяджэнне Рады Канферэнцый Біскупаў Еўропы, на якім беларускі епіскапат прадстаўляе біскуп Аляксандр Яшэўскі SDB.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця