4 чэрвеня Старшыня Канферэнцыі Каталіцкіх Біскупаў у Беларусі арцыбіскуп Тадэвуш Кандрусевіч скіраваў віншаванні новапрызначанаму прэм’ер-міністру Рэспублікі Беларусь Раману Галоўчанку.
«Глыбокапаважаны Раман Аляксандравіч!
Дазвольце павіншаваць Вас з прызначэннем на высокую і адказную пасаду прэм’ер-міністра Рэспублікі Беларусь.
Вам даручана кіраўніцтва Урадам нашай краіны ў вельмі складаны час, калі неабходна ўмацоўваць эканамічны патэнцыял краіны, вырашаць пытанні міжнароднага супрацоўніцтва, павышаць дабрабыт насельніцтва і гэтак далей.
Ваш багаты вопыт дзяржаўнага, дыпламатычнага і гаспадарчага служэння будзе спрыяць паспяховаму выкананню новай місіі і вырашэнню надзённых задач, якія стаяць перад нашай дзяржавай.
Выказваю надзею на тое, што Ваша служэнне ў якасці Старшыні Ураду таксама будзе спрыяць далейшаму развіццю адносінаў паміж дзяржавай і Каталіцкім Касцёлам на дабро нашай Айчыны»,
— адзначае арцыбіскуп у сваім віншаванні, выказваючы новапрызначанаму прэм’ер-міністру найлепшыя пажаданні і запэўніваючы ў павазе і малітве аб яго служэнні.
