Пошук


Біскуп Алег Буткевіч

Аўторак, 1 лютага 2022
У Мінску з удзелам біскупаў прайшоў Агульнабеларускі дзень кансэкраванага жыцця
01.02.2022 16:09
31 студзеня ў Мінску адбыўся Агульнабеларускі дзень кансэкраванага жыцця. Мерапрыемства на нацыянальным узроўні было арганізавана Каардынацыйнай групай вышэйшых настаяцеляў, дэлегатаў і прадстаўнікоў мужчынскіх і жаночых манаскіх інстытутаў і таварыстваў апостальскага жыцця ў Беларусі.
Серада, 26 студзеня 2022
Біскуп Буткевіч заклікае ў адказ на просьбу Папы Францішка маліцца за мір і міжнародны дыялог
26.01.2022 07:07
Зварот Старшыні Канферэнцыі Каталіцкіх Біскупаў у Беларусі біскупа Віцебскага Алега Буткевіча Дарагія святары, браты і сёстры манаскіх супольнасцяў, паважаныя браты і сёстры ў Хрысце. Папа Францішак падчас малітвы Анёл Панскі ў мінулую нядзелю звярнуўся да ўсіх людзей добрай волі з просьбай аб малітве ў інтэнцыі мірнага вырашэння міжнародных канфліктаў, шляхам паважнага шматбаковага дыялога, а не з дапамогай зброі. Як адзначыў Пантыфік, асаблівым чынам такой малітвы сёння патрабуе Украіна. Таму заклікаю ўсіх адказна падысці да гэтай просьбы Святога Айца і падчас Імшаў у сераду 26 студзеня, а таксама ў бліжэйшую нядзелю, 30 студзеня, дадаць у малітве вернікаў інтэнцыю аб міры ва Украіне. Калі ёсць такая магчымасць, то прашу таксама цэлебраваць у бліжэйшы час Эўхарыстыю ў гэтай інтэнцыі і правесці малітоўнае набажэнства аб міры ў свеце. Наша малітва можа не абмяжоўвацца толькі гэтымі днямі, але няхай вынікае з нашай заклапочанасці аб міры і дыялогу ў нашым супольным доме, сярод тых, з кім жывем побач. Моц гэтай малітвы няхай стане падтрымкай гля тых, хто гэты мір сёння будуе і абаронай ад сілаў, якія імкнуцца яго зруйнаваць. Моц Духа Святога і заступніцтва Багародзіцы няхай спадарожнічае нам у гэтай важнай справе. З пастырскім благаслаўленнем, ✠ Алег Буткевіч Біскуп Віцебскі Старшыня Канферэнцыі Каталіцкіх Біскупаў у Беларусі
Пятніца, 21 студзеня 2022
Біскуп Буткевіч у Полацку: Скарына з’яўляецца для нас прарокам
21.01.2022 12:46
20 студзеня з удзелам Старшыні Канферэнцыі Каталіцкіх Біскупаў у Беларусі біскупа Віцебскага Алега Буткевіча ў касцёле святога Андрэя Баболі ў Полацку адзначылі 500-годзе выдання Францішкам Скарынам «Малой падарожнай кніжыцы».
Нядзеля, 16 студзеня 2022
Біскуп Буткевіч ад імя беларускага каталіцкага епіскапату віншуе Нунцыя Ёзіча з 55-годдзем
16.01.2022 11:22
16 студзеня Апостальскі нунцый у Рэспубліцы Беларусь арцыбіскуп Антэ Ёзіч адзначае 55-годдзе з дня нараджэння. Ад імя Канферэнцыі Каталіцкіх Біскупаў у Беларусі віншаванне прадстаўніку Папы Францішка ў нашай краіне скіраваў Старшыня ККББ біскуп Алег Буткевіч.
Аўторак, 4 студзеня 2022
Біскуп Буткевіч у эфіры віцебскага тэлебачання: «Варта даверыцца Богу»
04.01.2022 11:49
Напярэдадні ўрачыстасці Нараджэння Пана Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч узяў удзел у тэлеперадачы «Вечерний Витебск», якая выйшла ў прамым эфіры тэлерадыёкампанiі «Вiцебск» 24 снежня.
Панядзелак, 3 студзеня 2022
Біскуп Буткевіч удзяліў прэзбітэрскае пасвячэнне сэрцаніну з Паставаў
03.01.2022 07:07
30 снежня ў касцёле святога Антонія Падуанскага і Беззаганнага Зачацця Найсвяцейшай Панны Марыі ў Паставах біскуп Віцебскі Алег Буткевіч удзяліў прэзбітэрскае пасвячэнне Валерыю Пупкевічу з законніцкай супольнасці сэрцанаў.
Чацвер, 30 снежня 2021
Біскуп Буткевіч удзяліў вернікам у Віцебскай дыяцэзіі дыспенсацыю ад абавязку ўстрымання ад спажывання мясных страваў
30.12.2021 06:06
Біскуп Віцебскі Алег Буткевіч удзяліў вернікам на тэрыторыі Віцебскай дыяцэзіі дыспенсацыю на дзень 7 студзеня 2022 года ад абавязку ўстрымання ад спажывання мясных страваў для асоб, старэйшых за 14 гадоў у сувязі са святкаваннем Божага Нараджэння ў Праваслаўнай Царкве.
Панядзелак, 20 снежня 2021
Фотафакт: на вечарыне ў Віцебску біскуп Буткевіч пад уласны акампанемент заспяваў калядную песню
20.12.2021 12:09
16 снежня ў Віцебскай абласной бібліятэцы адбылася традыцыйная перадкалядная вечарына «Ціхая ноч, святая ноч».
Пятніца, 17 снежня 2021
Біскуп Буткевіч ад імя ўсіх вернікаў Касцёла ў Беларусі віншуе Папу Францішка з 85-годдзем
17.12.2021 14:52
З нагоды дня нараджэння Папы Францішка, якому 17 снежня споўнілася 85 гадоў, Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч ад імя духавенства і вернікаў нашай краіны выказвае віншаванні Святому Айцу.
Аўторак, 14 снежня 2021
У Браславе біскуп Алег Буткевіч узначаліў абрады пахавання ксяндза Міхала Сапеля
15.12.2021 01:15
14 снежня ў Браславе адбылося пахаванне ксяндза Міхала Сапеля, першага пробашча адроджанай парафіі Найсвяцейшай Тройцы (святога Роха) на Залатой Горцы ў Мінску, першага старшыні камісіі па перакладах літургічных тэкстаў на беларускую мову і першага дырэктара Сaritas Мінск і Сaritas  Беларусь.
Пятніца, 3 снежня 2021
Пастырскі ліст біскупа Алега Буткевіча на перыяд Адвэнту 2021 года
03.12.2021 21:11
Біскуп Алег Буткевіч кіруе святарам, кансэкраваным асобам і ўсім вернікам Віцебскай дыяцуэзіі Пастырскі ліст на Адвэнт 2021 года.
Панядзелак, 22 лістапада 2021
Міжнародны малітоўны кангрэс у абарону жыцця з удзелам біскупаў прайшоў у Навагрудку
22.11.2021 15:51
З 18 па 21 лістапада ў Навагрудку праходзіў першы Міжнародны малітоўны кангрэс у абарону жыцця, у якім узялі ўдзел Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч і арцыбіскуп эмерыт Тадэвуш Кандрусевіч.
Пятніца, 19 лістапада 2021
425-годдзе Берасцейскай уніі. У Беларусі адбыўся чарговы этап юбілейнага святкавання з удзелам біскупа Буткевіча
19.11.2021 09:09
Святкаванне 425-годдзя Берасцейскай царкоўнай Уніі — аднаўлення еднасці Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаванне шляху даўжынёю ў 425 гадоў, на працягу якіх рыма-католікі і грэка-католікі сумесна абвяшчалі Хрыстовае Евангелле.
Субота, 23 кастрычніка 2021
Віншаванне з афіцыйным уступленнем на пасаду арцыбіскупу Станеўскаму Старшыні ККББ біскупа Буткевіча
23.10.2021 16:20
Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч кіруе віншаванне арцыбіскупу Юзафу Станеўскаму з нагоды афіцыйнага ўступлення на пасаду Мітрапаліта Мінска-Магілёўскага.
Субота, 16 кастрычніка 2021
Старшыня ККББ біскуп Буткевіч віншуе беларускіх грэка-католікаў з 425-годдзем Берасцейскай уніі
16.10.2021 07:07
Сёлета вернікі Беларускай Грэка-Каталіцкай Царквы адзначаюць 425-годдзе падпісання Берацейскай уніі 1596 года, якая на нашых землях стала спробаю аднавіць адзінства хрысціянаў Усходу і Захаду. З гэтым юбілеем ад імя ККББ іх віншуе кіраўнік беларускага каталіцкага епіскапату біскуп Віцебскі Алег Буткевіч .
Аўторак, 12 кастрычніка 2021
У Лучаі з удзелам біскупа Буткевіча прайшло пахаванне мамы ксяндза прэлата Аляксандра Рагіні
12.10.2021 15:20
11 кастрычніка ў парафіі святога апостала Юды Тадэвуша ў Лучаі (Пастаўскі дэканат, Віцебская дыяцэзія) прайшлі развітальныя абрады і пахаванне Ганны Рагіні, мамы ксяндза прэлата Аляксандра Рагіні — адзінага святара з Беларусі, які працуе на дыпламатычнай службе Святога Пасаду.
Аўторак, 5 кастрычніка 2021
100-годдзе з моманту кананічнага зацвярджэння супольнасці міхалітаў адзначылі ў Мінску з удзелам біскупаў
05.10.2021 17:45
29 верасня і 2 кастрычніка ў дзвюх парафіях Мінска-Магілёўскай архідыяцэзіі, дзе нясуць служэнне міхаліты — святары з Кангрэгацыі святога Арханёла Міхала, — з удзелам біскупаў Касабуцкага і Буткевіча ўрачыста адзначалі 100-годдзе з моманту кананічнага зацвярджэння гэтай законніцкай супольнасці.
Панядзелак, 4 кастрычніка 2021
На падрыхтоўчым курсе Міждыяцэзіяльнай духоўнай семінарыі з удзелам біскупаў урачыста распачаўся новы навучальны год
04.10.2021 13:43
30 верасня ў Пастырскім цэнтры Канферэнцыі Каталіцкіх Біскупаў у Беларусі ў чацвёрты раз адбылося ўрачыстае распачацце новага навучальнага года на першым курсе Міждыяцэзіяльнай вышэйшай духоўнай семінарыі.
Панядзелак, 27 верасня 2021
Біскуп Буткевіч узяў удзел ў працы пленарнага пасяджэння Рады Канферэнцый Біскупаў Еўропы
27.09.2021 11:10
З 23 па 26 верасня ў Рыме праходзіла чарговае пленарнае пасяджэнне Рады Канферэнцый Біскупаў Еўропы (РКБЕ), прысвечанае 50-годдздю існавання гэтай касцёльнай структуры. У пасяджэнні узяў удзел Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч.
Пятніца, 17 верасня 2021
Біскуп Буткевіч у Бялынічах: «Маці Божая змагалася за Беларусь»
17.09.2021 22:26
Увечары 17 верасня на двары побач з адзінай каталіцкай святыняй у дзесяцітысячных Бялынічах — невялічкай капліцай Маці Божай Бялыніцкай, адбылася святая Імша, якую цэлебравалі каталіцкія біскупы Беларусі.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа