Пошук


Біскуп Аляксандр Кашкевіч

Панядзелак, 22 студзеня 2024
У Гродне біскуп Кашкевіч узначаліў экуменічнае набажэнства з удзелам прадстаўнікоў розных хрысціянскіх канфесій
22.01.2024 17:00
20 студзеня, у межах Тыдня малітваў аб адзінстве хрысціянаў, у катэдральнай базыліцы святога Францішка Ксавэыя ў Гродне адбылося экуменічнае набажэнства з удзелам прадстаўнікоў розных хрысціянскіх канфесій.
Чацвер, 18 студзеня 2024
У гродзенскай катэдры пройдзе экуменiчнае набажэнства ў межах Тыдня малiтваў аб адзiнстве хрысцiянаў
18.01.2024 11:01
20 студзеня ў гродзенскай катэдральнай базыліцы св ятога Францішка Ксавэрыя пройдзе экуменічнае набажэнства з удзелам прадстаўнікоў розных хрысціянскіх канфесій у межах Тыдня малітваў аб адзінстве хрысціянаў.
Серада, 17 студзеня 2024
Біскуп Кашкевіч падзяліўся аплаткай з удзельнікамі малітоўнага руху «Маргарытка»
17.01.2024 10:56
14 студзеня ў будынку Міждыяцэзіяльнай вышэйшай духоўнай семінарыі ў Гродне прайшла аплаткавая сустрэча для малітоўнага руху «Маргарытка».
Аўторак, 9 студзеня 2024
Біскуп Кашкевіч благаславіў крыж і парафіяльны дом у гродзенскай парафіі Святога Духа
09.01.2024 10:08
6 студзеня, ва ўрачыстасць Аб’яўлення Пана, у парафіі Святога Духа ў Гродне адбылося благаслаўленне парафіяльнага дома і крыжа, які будзе ўпрыгожваць новы касцёл.
Чацвер, 28 снежня 2023
З удзелам біскупаў у Міждыяцэзіяльнай семінарыі прайшла аплаткавая сустрэча
28.12.2023 11:15
21 снежня ў Міждыяцэзіяльнай вышэйшай духоўнай семінарыі ў Гродне прайшла традыцыйная вігілійная сустрэча перад Божым Нараджэннем.
Біскуп Кашкевіч на Нараджэнне Пана: «Няхай цуд Божага нараджэння здзейсніццa ў кожнай сям’і і кожным сэрцы»
28.12.2023 10:33
У ноч Нараджэння Пана святую Імшу пастэрку ў катэдральнай базыліцы святога Францішка Ксавэрыя ў Гродне цэлебраваў біскуп Гродзенскі Аляксандр Кашкевіч.
Субота, 23 снежня 2023
У Міждыяцэзіяльнай семінарыі адбылася аплаткавая сустрэча святароў Гродзенскай дыяцэзіі з біскупам Кашкевічам, у якой узяў удзел арцыбіскуп Станеўскі
23.12.2023 10:35
20 снежня ў Міждыяцэзіяльнай вышэйшай духоўнай семінарыі ў Гродне адбылася перадкалядная сустрэча святароў і асобаў кансэкраванага жыцця, якія нясуць служэнне на тэрыторыі Гродзенскай дыяцэзіі.
Пятніца, 22 снежня 2023
Гродна: перад Божым Нараджэннем біскуп Кашкевіч падзяліўзся аплаткай з беднымі
22.12.2023 13:33
21 снежня ў Гродне адбылася традыцыйная аплаткавая сустрэча для бедных, бяздомных i маламаёмных напярэдадні святаў Божага Нараджэння. На сустрэчы, у якой узяў удзел біскуп Гродзенскаі Аляксандр Кашкевіч, сабралося больш за 100 чалавек.
Чацвер, 21 снежня 2023
У Навагрудку прайшла аплаткавая сустрэча святароў і кансэкраваных асоб Гродзенскай дыяцэзіі
21.12.2023 11:02
18 снежня, напярэдадні свята Божага Нараджэння, у парафіі святога Арханёла Міхала ў Навагрудку (Гродзенская дыяцэзія) адбылася сустрэча святароў і кансэкраваных асобаў, якія служаць на тэрыторыі Гродзенскай дыяцэзіі.
Аўторак, 19 снежня 2023
У санктуарыі Гродзенскай дыяцэзіі ў Тракелях біскуп Кашкевіч благаславіў Дом пілігрыма
19.12.2023 14:38
16 снежня ў дыяцэзіяльным санктуарыі Каралевы нашых сем’яў у Тракелях (Гродзенская дыяцэзія, Радунскі дэканат) біскуп Гродзенскі Аляксандр Кашкевіч благаславіў Дом пілігрыма святой Марты.
Пятніца, 15 снежня 2023
Бэтлеемскае святло міру сустрэлі ў Гродне
15.12.2023 18:03
15 снежня ў катэдральную базыліку святога Францішка Ксавэрыя ў Гродне прыбыў Агонь міру, запалены ад нязгаснай лампады ў базыліцы Нараджэння Пана ў Бэтлееме.
Панядзелак, 4 снежня 2023
Пастырскі ліст біскупа Аляксандра Кашкевіча на першую нядзелю Адвэнту 2023 года
04.12.2023 10:00
Умілаваныя ў Хрысце Пану браты і сёстры, дарагія вернікі нашай дыяцэзіі! Сёння мы адзначаем у літургіі Касцёла першую нядзелю Адвэнту – пачатак новага літургічнага года. Перад намі гадавы цыкл касцёльных урачыстасцяў і святаў, а таксама літургічных перыядаў, якія, змяняючы адно аднаго, нагадваюць нам пра найважнейшыя падзеі гісторыі збаўлення і дазваляюць нанова іх перажыць. Гэта гісторыя любові Бога да чалавека, а найдасканалейшым чынам гэтую любоў нам аб’явіў Езус Хрыстус, Сын Божы, які для нас стаўся чалавекам, каб праз муку, смерць і ўваскрасенне адкупіць усё чалавецтва. Адвэнт, які пачынаецца, – гэта запрашэнне ўвайсці ў настрой суму па Збаўцу і чакання Яго прыйсця. У Старым Запавеце чытаем, як Пан Бог спрадвеку рыхтаваў свой народ да сустрэчы з абяцаным Месіяй. Натхнёныя Богам прарокі нястомна павучалі ізраэлітаў, указвалі на шматлікія выпадкі іх нявернасці і грахі, абвінавачвалі ў жорсткасці сэрца і пагардзе да Божага слова. Адначасова ў пасланнях прарокаў мы можам пачуць заклік апамятацца, распачаць пакаянне і навяртанне, разам з запэўніваннем, што Бог у сваёй бясконцай міласэрнасці акажа грэшнікам прабачэнне і літасць, а Яго ласка пераменіць і адновіць чалавечыя сэрцы. “Завялі мы, як лісце, – вызнае сёння з пакорай прарок Ісая, – а правіны нашыя, як вецер, нясуць нас. І няма нікога, хто заклікаў бы імя Тваё, хто ўстаў бы, каб моцна трымацца за Цябе. […] Але, Пане, Ты – Айцец наш, мы – гліна, а Ты – наш ганчар. І ўсе мы – справа рукі Тваёй” (Iс 64, 5-7). У перыяд Адвэнту Касцёл запрашае нас з такой жа ахвотай, у духу шчырага навяртання, з верай у Божую міласэрнасць і прабачэнне падрыхтаваць сэрцы да сустрэчы з Езусам Хрыстом, які да нас прыходзіць у таямніцы Нараджэння. Хоць Адвэнт не мае характару вузка пакаяннага, традыцыя Касцёла заахвочвае нас адмовіцца ад павярхоўных пацехаў і гучных забаваў, унутрана сцішыцца і звярнуць большую ўвагу на духоўныя справы. Не дазволім, каб гарачка перадсвяточных закупак, прысутныя паўсюль рэкламы ці спакуслівыя прапановы ў крамах заглушылі ў нас жаданне таго, што самае істотнае: больш інтэнсіўнай малітвы, больш уважлівага слухання Божага слова, больш стараннага прыняцця святых сакрамэнтаў. Няхай Адвэнт стане часам глыбокага аднаўлення нашай веры, ажыўлення надзеі, узрастання ў любові да Бога і бліжняга. Двухтысячагадовая традыцыя Касцёла выпрацавала разнастайныя адвэнтавыя практыкі, якія могуць быць карыснымі ў актыўным і свядомым перажыванні гэтага асаблівага часу ласкі. У многіх парафіях арганізоўваюцца рэкалекцыі і дні засяроджання, якія маюць на мэце нагадаць нам важныя праўды, звязаныя з верай, і дапамагчы прыняць адпаведныя адвэнтавыя пастановы, якія палегчаць нам пераадоленне ўласных слабасцяў і грахоў. Ужо цяпер сплануем час так, каб мы маглі ўзяць удзел у гэтых духоўных практыкаваннях, такіх важных і вельмі патрэбных. Па меры магчымасці пастараемся ўдзельнічаць у раратніх святых Імшах, якія традыцыйна цэлебруюцца ў Адвэнт у гонар Маці Божай. Паклапоцімся асабліва аб тым, каб у гэтых Імшах бралі ўдзел дзеці і моладзь. Няхай духоўнае знаходжанне побач з Найсвяцейшай Паннай Марыяй у чаканні прыйсця Сына Божага прынясе ва ўсіх нас плён паглыблення Марыйнай пабожнасці і яшчэ глыбейшага перажывання радасці Божага Нараджэння. Не забудзем прыступіць у перыяд Адвэнту да сакрамэнту паяднання, каб мы маглі сустрэць Хрыста, які прыходзіць, у стане асвячальнай ласкі ў нашых сэрцах. Няхай паяднанне з Панам Богам будзе для нас заахвочваннем да паяднання з бліжнімі шляхам узаемнага прабачэння, даравання правінаў і кампенсавання ўчыненых крыўдаў. Перыяд Адвэнту – гэта таксама час агарнуць асаблівым клопатам тых, хто знаходзіцца ў цяжкай жыццёвай сітуацыі, і аказаць ім сардэчную, бескарыслівую дапамогу. У гэты святы час агледзімся вакол сябе і заўважым людзей бедных, самотных, беспрацоўных, хворых, пажылога ўзросту, тых, якія перажываюць розныя жыццёвыя крызісы і цяжкасці. Пачуем іх нямое маленне аб дапамозе, зацікавімся імі, выкажам ім братэрскае спачуванне, падзелімся тым, што маем, і не пашкадуем для іх хвіліны часу, добрага слова і крупінкі сэрца. Будзем памятаць пра словы Езуса Хрыста: “Сапраўды кажу вам: тое, што вы зрабілі аднаму з гэтых братоў Маіх меншых, вы Мне зрабілі” (Мц 25, 40). Умілаваныя браты і сёстры! Сёлетні перыяд Адвэнту надзвычай кароткі. Ужо праз тры тыдні мы сядзем сем’ямі за вігілійным сталом, падзелімся аплаткай, выкажам адзін аднаму віншаванні і ў чарговы раз у жыцці адчуем выключную радасць, цеплыню, дабро, мір і любоў – штосьці, што мы часта называем магіяй святаў. Спытаемся ў сябе сёння, на пачатку Адвэнту: чаму мы так мала прыкладваем старанняў, каб падобная атмасфера любові, дабрыні і міру панавала ў нашых дамах штодзень, а не толькі ў святы? Можа, варта ўжо цяпер пачаць штосьці змяняць у нашым сямейным жыцці, каб зрабіць яго паўнейшым і прыгажэйшым, больш падобным да найдасканалейшага ўзору, якім з’яўляецца для нас, хрысціян, жыццё Святой Сям’і з Назарэта? Няхай пуцяводным святлом для кожнай сям’і будуць прыгожыя словы Папы Францішка з апостальскай адгартацыі Amoris Laetitia пра любоў у сям’і: “Уцелаўленне Слова ў чалавечай сям’і ў Назарэце, – піша Святы Айцец, – ўзрушвае сваёй навізной гісторыю свету. Мы павінны паглыбіцца ў таямніцу нараджэння Езуса, у „так“ Марыі, сказанае падчас нябеснага звеставання, калі ў Яе ўлонні было зачата Слова; таксама ў „так“ Юзафа, які даў імя Езусу і паклапаціўся пра Марыю; у радасць пастухоў пры яслях; у пакланенне трох Мудрацоў; у таямніцу ўдзелу Езуса ў пакутах свайго выгнанага, пераследаванага і прыніжанага народу. […] Далей трэба паглыбіцца ў перыяд трыццаці доўгіх гадоў, калі Езус зарабляў на сваё жыццё, працуючы сваімі рукамі, узносячы малітвы і захоўваючы рэлігійныя традыцыі свайго народу, выхоўваючыся ў веры сваіх айцоў, клапоцячыся, каб яна дала плён ў таямніцы Валадарства. Гэта таямніца Божага Нараджэння і таямніца Назарэта, […] з яе таксама чэрпаюць прыклады хрысціянскія сем’і, каб аднавіць сваю надзею і радасць. Запавет любові і вернасці, якім жыве Святая Сям’я з Назарэта, пралівае святло на прынцып, які надае форму кожнай сям’і і дазваляе ёй лепш спраўляцца са зменлівасцю жыцця і гісторыі. На гэтым падмурку кожная сям’я таксама ў сваёй слабасці можа стаць святлом у змроку свету. […] Няхай Назарэт сам нагадае, чым ёсць сям’я, чым ёсць еднасць любові, яе суровая і простая прыгажосць, яе святы і непарушны характар” (AL, 65-66). З усяго сэрца жадаю кожнаму з вас, дарагія браты і сёстры, цудоўнага і глыбокага, поўнага сэнсу і шчодрага на духоўныя плёны перажывання Адвэнту. Няхай гэты святы час будзе ўзбагачаны асабістай малітвай, прыняццем святых сакрамэнтаў і ўважлівым слуханнем Божага слова. Няхай не будзе ў вас недахопу ва ўнутранай цішыні і засяроджанасці, якія дазволяць пачуць у сэрцы далікатны і поўны любові Божы голас. Памятаю пра вас, дарагія вернікі дыяцэзіі, у маіх малітвах, даручаю ваш шлях адвэнтавага чування клапатлівай апецы Беззаганнай Панны Марыі і на плённую падрыхтоўку да святаў Божага Нараджэння ўсіх з усяго сэрца благаслаўляю. Aляксандр Кашкевіч Біскуп Гродзенскі Гродна, 27.11.2023 г.
Серада, 29 лістапада 2023
У Лідзе 25-ю гадавіну адзначыла парафія, заснаваная біскупам Кашкевічам
29.11.2023 12:47
25 лістапада ў касцёле святога Юзафа Каласанса ў Лідзе 25-гадовы юбілей адзначыла парафія Унебаўзяцця Найсвяцейшай Панны Марыі.
Серада, 22 лістапада 2023
У Гродне адбыўся дзень засяроджання для духавенства і кансэкраваных асоб Гродзенскай дыяцэзіі
22.11.2023 09:17
20 лістапада ў святынях Гродна прайшоў дзень засяроджання для духавенства і законных сясцёр, якія служаць на тэрыторыі Гродзенскай дыяцэзіі.
Панядзелак, 20 лістапада 2023
У гродзенскай катэдры адзначылі ўрачыстасць галоўнай Апякункі дыяцэзіі
20.11.2023 09:38
16 лістапада, ва ўрачыстасць Найсвяцейшай Панны Марыі, Маці Міласэрнасці (Вастрабрамскай), у катэдральнай базыліцы святога Францішка Ксавэрыя адбылася святая Імша, цэлебрыцыю якой узначаліў біскуп Гродзенскі Аляксандр Кашкевіч.
Серада, 15 лістапада 2023
За спачылася ксяндза Здзіслава Вэдэра SDB малілася духавенства Гродзенскай дыяцэзіі ў Ашмянах
15.11.2023 11:59
14 лістапада ў парафіі святога Міхала Арханёла ў Ашмянах адбыўся дзень засяроджання для духавенства і асоб кансэкраванага жыцця, якія служаць у Гродзенскай дыяцэзіі.
Аўторак, 14 лістапада 2023
У Сапоцкіне з удзелам біскупа Кашкевіча адзначылі 400-годдзе мучаніцкай смерці святога Язафата Кунцэвіча
14.11.2023 13:13
12 лістапада ў касцёле Унебаўзяцця Найсвяцейшай Панны Марыі і святога Язафата ў Сапоцкіне (Гродзенская дыяцэзія) адбылася адпустовая ўрачыстасць у гонар нябеснага апекуна мясцовай парафіі.
Аўторак, 7 лістапада 2023
Парафіяне гродзенскай катэдры разам з біскупамі памаліліся за спачылых святароў
07.11.2023 10:34
3 лістапада, у актаву малітваў за памерлых, у катэдральнай базыліцы святога Францішка Ксавэрыя ў Гродне адбылася Эўхарыстыя ў інтэнцыі спачылага духавенства Гродзенскай дыяцэзіі.
Чацвер, 26 кастрычніка 2023
Біскуп Кашкевіч зацвердзіў статут апостальскага руху «Маленькі курс хрысціянскага жыцця» і прызначыў яго дыяцэзіяльнага асістэнта
26.10.2023 16:31
З 19 па 22 кастрычніка ў рэкалекцыйным доме «Голас Айца» пры санктуарыі Гродзенскай дыяцэзіі Езуса Журботнага ў Росі (Ваўкавыскі дэканат) прайшла сустрэча ў межах «Маленькага курсу хрысціянскага жыцця».
Аўторак, 24 кастрычніка 2023
Біскуп Кашкевіч пасвяціў капліцу ў Дворышчы
24.10.2023 11:06
21 кастрычніка на могілках у Дворышчы адбылося ўрачыстае пасвячэнне капліцы Маці Божай Ружанцовай, якая належыць парафіі Адведзінаў Найсвяцейшай Панны Марыі ў Тракелях (Гродзенская дыяцэзія, Радунскі дэканат).
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця