Пошук


Пінская дыяцэзія

Серада, 4 снежня 2019
«Торба ўсмешак». Дабрачынную акцыю для сем’яў правёў Caritas Пінскай дыяцэзіі
04.12.2019 12:44
З 25 лістапада па 2 снежня Дабрачыннае каталіцкае таварыства Caritas Пінскай дыяцэзіі праводзіла дабрачынную акцыю «Торба ўсмешак».
Пятніца, 29 лістапада 2019
Пастырскі ліст на Адвэнт 2019 года біскупа Пінскага Антонія Дзям’янкі
29.11.2019 10:19
На перыяд Адвэнту біскуп Пінскі Антоні Дзям’янка кіруе вернікам сваёй дыяцэзіі ліст, у якім разважае на тэму наступнага пастырскага года ў Касцёле на Беларусі, прысвечаны 100-гадоваму юбілею святога Яна Паўла ІІ, а таксама пра духоўную сувязь Вялікага Папы з першым Пінскім біскупам Слугой Божым Зыгмунтам Лазінскім.
Аўторак, 19 лістапада 2019
У Пінскай дыяцэзіі дыякан Януш Чарнамораў прыме прэзбітэрскае пасвячэнне
19.11.2019 09:09
14 снежня а 12-й гадзіне ў катэдральным касцёле Унебаўзяцця Найсвяцейшай Панны Марыі ў Пінску адбудзецца ўрачыстая святая Імша, падчас якой біскуп Пінскі Антоні Дзям’янка ўдзеліць сакрамэнт пасвячэння ў ступені прэзбітэрату выпускніку Пінскай вышэйшай духоўнай семінарыі імя святога Тамаша Аквінскага дыякану Янушу Чарнамораву.
Пятніца, 15 лістапада 2019
Арцыбіскупа Тадэвуша Кандрусевіча павіншавалі ў Пінску з 30-годдзем біскупскага служэння
15.11.2019 15:38
14 лістапада ў пінскай катэдры Унебаўзяцця Найсвяцейшай Панны Марыі адбылася пастырская сустрэча духавенства і кансэкраваных асобаў Пінскай дыяцэзіі, падчас якой яе ўдзельнікі павіншавалі Мітрапаліта Мінска-Магілёўскага арцыбіскупа Тадэвуша Кандрусевіча з 30-годдзем біскупскага служэння.
Чацвер, 7 лістапада 2019
Міністранты Пінскай дыяцэзіі ўдзельнічалі ў фармацыйнай сустрэчы
07.11.2019 10:31
З 4 па 6 лістапада міністранты з розных парафій Пінскай дыяцэзіі бралі ўдзел у фармацыйнай сустрэчы, якая праходзіла ў сценах духоўнай семінарыі ў Пінску. Адказным за яе правядзенне быў кс. Юрый Пракапюк, якому дапамагалі семінарысты.
Панядзелак, 4 лістапада 2019
Біскуп Дзям’янка ва ўрачыстасць Усіх Святых благаславіў новы крыж у Лагішыне
04.11.2019 14:04
1 лістапада, калі паўсюдны Касцёл адзначае ўрачыстасць Усіх Святых, на лагішынскіх могілках збіраюцца сотні людзей — як мясцовых парафіянаў, так і тых, якія прыехалі з іншых мясцін.
Чацвер, 31 кастрычніка 2019
Дыяцэзіяльны з’езд міністрантаў адбудзецца ў Пінску
31.10.2019 16:19
З 4 па 6 лістапада ў Вышэйшай духоўнай семінарыі імя св. Тамаша Аквінскага ў Пінску адбудзецца дыяцэзіяльная сустрэча для міністрантаў і юнакоў, якія разважаюць пра сваё пакліканне.
Аўторак, 29 кастрычніка 2019
«Бог дае больш, чым мы просім»: сустрэча моладзі Пінскай дыяцэзіі прайшла ў Брэсце
29.10.2019 13:34
«Бог, я і дарога да шчасця» — такой была тэма сёлетняй сустрэчы моладзі Пінскай дыяцэзіі, якая адбылася ў Брэсце 26 кастрычніка.
Пятніца, 25 кастрычніка 2019
Расклад набажэнстваў на могілках Пінскай дыяцэзіі ў актаву малітваў за памерлых
25.10.2019 13:31
З нагоды ўспаміну ўсіх памерлых вернікаў святары будуць наведваць могілкі і маліцца за памерлых. Інфармацыя з раскладам набажэнстваў будзе абнаўляцца па меры паступлення ў рэдакцыю.
Аўторак, 22 кастрычніка 2019
У Пінску маліліся за святой памяці кардынала Казіміра Свёнтка ў 105-ю гадавіну яго нараджэння
22.10.2019 10:32
21 кастрычніка, у 105-ю гадавіну нараджэння першага і адзінага кардынала ў сучаснай гісторыі Беларусі, у пінскім катэдральным касцёле Унебаўзяцця Найсвяцейшай Панны Марыі маліліся аб вечным жыцці для яго.
Панядзелак, 21 кастрычніка 2019
Дзень бедных адсвяткавалі ў Баранавічах
21.10.2019 12:45
Адгукнуўшыся на заклік папы Францішка «несці надзею і суцяшэнне бедным», 20 кастрычніка пры парафіі Маці Божай Фацімскай у Баранавічах урачыста адзначылі ІІІ Сусветны дзень бедных.
Субота, 19 кастрычніка 2019
Паведамленне на Сусветную нядзелю місій біскупа Пінскага Антонія Дзям’янкі
19.10.2019 14:04
Да вернікаў Пінскай дыяцэзіі Пінск, 17 кастрычніка 2019 г. Дарагія дыяцэзіяне! На працягу апошняга тыдня ў лучнасці з Паўсюдным Касцёлам мы асаблівым чынам молімся ў інтэнцыях місійных спраў. Памятаем заданне нашага Пана Езуса Хрыста, якое Ён нам пакінуў перад Унебаўшэсцем: занесці Добрую Вестку аб збаўленні да кожнага без выключэнняў (гл. Мк 16, 15–16). Атрымаўшы гэтае заданне ад Боскага Настаўніка, усе вучні, напоўненыя Духам Святым, распачалі сваю місійную евангелізацыйную справу. Яна працягваецца па сённяшні дзень. І будзе працягвацца «аж да сканчэння веку» ( Мц 28, 20). Гэтая евангелізацыйная «эстафета» на пэўным этапе гісторыі дайшла да нашых продкаў і да нас. У сваю чаргу нашым заданнем з’яўляецца перадаць гэтую «эстафету» веры далей. Уся наша гісторыя — гэта драматычная, напоўненая разнастайнымі радасцямі і болем місія перадачы веры ў Езуса Хрыста. Папа Францішак заахвочвае нас, каб у кастрычніку мы асаблівым чынам звярнулі ўвагу на гэтую надзвычай важную справу і заданне кожнага хрысціяніна: быць місіянерам збаўлення. Нашае пакліканне да місіянерства бярэ пачатак у сакрамэнце хросту — браме новага жыцця кожнага вызнаўцы Езуса. Нездарма Ён заклікае нас не проста прапаведаваць, але ісці і дапамагаць кожнаму ахрысціцца «ў імя Айца і Сына, і Духа Святога» ( Мц 28, 19). Умілаваныя! Мы не адны ў гэтым свеце, і нельга нам клапаціцца толькі пра саміх сябе. Папа Францішак заклікае нас пачынаць сваю хрысціянскую місійную дзейнасць з асяроддзя сям’і і працы, але на гэтым не спыняцца. Ісці далей. Асабліва сёння, калі ва ўсім свеце адзначаем Місійную нядзелю, мы павінны памятаць пра тых, хто прапаведуе веру на далёкіх кантынентах, у аддаленых кутках зямлі. Там жывуць людзі і служаць місіянеры, якія чакаюць нашай падтрымкі, выражанай у малітве і ахвярным чыне салідарнасці. Некалькі гадоў таму арцыбіскуп Вены кардынал Крыстаф Шонбарн праводзіў у горадзе Арс у Францыі рэкалекцыі для святароў, сабраных з розных краін свету. Падчас гэтых духоўных практыкаванняў адбываліся размовы аб жыцці Касцёла. Хтосьці выказаў даволі песімістычны погляд пра будучыню хрысціянства і запытаўся, ці вытрымае Касцёл усе выпрабаванні, якія яго чакаюць. Кардынал адказаў: «Напэўна, вытрымае, але нідзе не сказана, што гэта будзе Касцёл у Еўропе». Божая справа не мае ні геаграфічных, ні гістарычных межаў. Касцёл трывае вечна. Ён павінен выконваць сваю збаўчую місію ў тым часе і месцы, дзе кожнаму пакаленню хрысціянаў дадзена жыць. Сёння, у Сусветную місійную нядзелю, мы дзякуем Пану Богу за дар місіянераў, якія прынеслі веру на нашу зямлю. Дзякуем і молімся за нашых продкаў, якія перадалі нам дар веры і святога хросту. Молімся за тых, хто ахвяраваў сябе, каб быць місіянерам Хрыста сярод людзей, якія яшчэ не ведаюць Касцёла. Просім таксама Бога аб тым, каб мы не забывалі пра місійнасць нашай веры. Быць хрысціянінам, католікам — гэта дзяліцца радасцю Евангелля, прыводзіць да святых сакрамэнтаў збаўлення кожнага. Таму будзем жа місіянерамі ў перадачы «эстафеты» веры наступнаму пакаленню людзей, якія вакол нас. Агорнем малітвай тых, хто прысвяціў сваё жыццё місіянерскаму служэнню. Будзем мець адкрытае сэрца і ахвярныя далоні, каб дапамагаць Касцёлу ў выкананні яго збаўчага місіянерскага задання ў гэтым свеце. З пастырскім благаслаўленнем, + Антоні Дзям’янка        Біскуп Пінскі
Аўторак, 15 кастрычніка 2019
Кветкі для кардынала. Да 105-х угодкаў з дня нараджэння Казіміра Свёнтка прайшла акцыя памяці Нарач – Пінск
15.10.2019 10:01
13 кастрычніка прайшла традыцыйная акцыя «Кветкі для кардынала», прымеркаваная да 105-й гадавіны з дня нараджэння кардынала Казіміра Свёнтка.
Курсы лідарскага служэння Piligrim у Баранавічах запрашаюць удзельнікаў
15.10.2019 09:53
У Баранавічах будуць праходзіць курсы лідарскага служэння Piligrim. Першая сустрэча адбудзецца 7 снежня, пачатак у 10 гадзін.
Панядзелак, 14 кастрычніка 2019
Сустрэча моладзі з парафій, дзе служаць сэрцане, прайшла ў Ляхавічах
14.10.2019 18:05
12 кастрычніка ў касцёле Найсвяцейшага Сэрца Пана Езуса ў Ляхавічах (Пінская дыяцэзія) пад кіраўніцтвам айцоў сэрцанаў адбылася першая сустрэча моладзі з беларускіх парафій, дзе служаць святары гэтай манаскай супольнасці.
Панядзелак, 7 кастрычніка 2019
Арганны сімпозіум пройдзе ў Пінску
07.10.2019 13:19
З 13 па 24 кастрычніка ў Пінску ўпершыню пройдзе арганны сімпозіум, у якім возьмуць удзел арганісты і студэнты музычных навучальных установаў з усёй Беларусі, а таксама госці з Масквы (Расія).
Пятніца, 4 кастрычніка 2019
Сустрэча моладзі 14+ пройдзе ў Ляхавічах
04.10.2019 17:04
Ксяндзы з законніцкай супольнасці Найсвяцейшага Сэрца Езуса (сэрцане) запрашаюць моладзь ад 14 гадоў на сустрэчу, якая адбудзецца ў суботу, 12 кастрычніка ў горадзе Ляхавічы (Пінская дыяцэзія).
Панядзелак, 30 верасня 2019
У Пінскай семінарыі ўрачыста распачалі новы навучальны год
30.09.2019 12:44
26 верасня Вышэйшая духоўная семінарыя імя св. Тамаша Аквінскага ў Пінску ў 19-ы раз пасля яе адраджэння кардыналам Казімірам Свёнткам сабрала сваіх студэнтаў, выкладчыкаў, выпускнікоў, шматлікіх гасцей на інаўгурацыю новага навучальнага года.
Панядзелак, 23 верасня 2019
У Катэхетычным каледжы ў Баранавічах распачалі навучальны год і адзначылі дзесяцігоддзе з часу рэгістрацыі
23.09.2019 11:14
21 верасня Катэхетычны каледж імя Зыгмунта Лазінскага ў Баранавічах — першая ў Беларусі духоўная навучальная ўстанова для свецкіх вернікаў — распачаў навучальны год і адзначыў дзесяцігоддзе з моманту афіцыйнай рэгістрацыі.
Панядзелак, 16 верасня 2019
Біскуп Антоні Дзям’янка цэлебраваў першую Імшу ў адноўленым касцёле ў Целяханах
16.09.2019 17:55
14 верасня, у адпустовае свята ў парафіі Узвышэння Святога Крыжа ў мястэчку Целяханы (Пінская дыяцэзія), адбылася ўрачыстасць благаслаўлення адроджанай парафіяльнай святыні.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.