8 мая адбудзецца традыцыйная аднадзённая пешая пілігрымка з Пінска ў санктуарый Маці Божай Каралевы Палесся ў мястэчку Лагішын.
Сёлетняя пілігрымка асаблівым чынам прымеркавана да юбілею 25-годдзя каранацыі цудадзейнага абраза Маці Божай Лагішынскай, якая ўшаноўваецца пад тытулам Каралевы Палесся. Папскія кароны на старадаўнюю выяву Дзіцяткі Езуса і Багародзіцы ўсклаў 10 мая 1997 года Сведка веры кардынал Казімір Свёнтэк. Маці Божая Лагішынская з’яўляецца галоўнай апякункай Пінскай дыяцэзіі.
Пілігрымка вырушыць 8 мая ў 8.00 з катэдральнага касцёла Унебаўзяцця Найсвяцейшай Панны Марыі ў Пінску і завершыцца ў 18.00 святой Імшой у Лагішынскім санктуарыі.
Адлегласць ад Пінска да Лагішына — 25 км.
Каб атрымаць больш падрабязную інфармацыю пра ўдзел у пілігрымцы, а таксама пра магчымасць начлегу, арганізатары просяць звяртацца па наступных нумарах тэлефона (таксама Viber):
- +375 (29) 850 23 01 – ксёндз Чэслаў
- +375 (29) 727 31 98 – ксёндз Андрэй
або на e-mail: pinskdioces@gmail.com
Электронная рэгістрацыя па спасылцы ТУТ>>>
