Пошук


Місіянерская дзейнасць

Панядзелак, 11 лістапада 2019
«Ксёндз-лекар» з Глыбокага, які працаваў у Кітаі, ЗША і Бразіліі, можа стаць благаслаўлёным
11.11.2019 11:44
Як 10 лістапада паведаміў партал Catholicnews.by , супольнасць святароў св. Вінцэнта дэ Поля ў Бразіліі праінфармавала, што Бразільская дыяцэзія Понта Гросса (штат Парана) звярнулася ў Ватыкан з просьбай распачаць працэс беатыфікацыі ксяндза Вацлава Шуневіча СМ, вядомага як «ксёндз-лекар».
Субота, 19 кастрычніка 2019
Паведамленне на Сусветную нядзелю місій біскупа Пінскага Антонія Дзям’янкі
19.10.2019 14:04
Да вернікаў Пінскай дыяцэзіі Пінск, 17 кастрычніка 2019 г. Дарагія дыяцэзіяне! На працягу апошняга тыдня ў лучнасці з Паўсюдным Касцёлам мы асаблівым чынам молімся ў інтэнцыях місійных спраў. Памятаем заданне нашага Пана Езуса Хрыста, якое Ён нам пакінуў перад Унебаўшэсцем: занесці Добрую Вестку аб збаўленні да кожнага без выключэнняў (гл. Мк 16, 15–16). Атрымаўшы гэтае заданне ад Боскага Настаўніка, усе вучні, напоўненыя Духам Святым, распачалі сваю місійную евангелізацыйную справу. Яна працягваецца па сённяшні дзень. І будзе працягвацца «аж да сканчэння веку» ( Мц 28, 20). Гэтая евангелізацыйная «эстафета» на пэўным этапе гісторыі дайшла да нашых продкаў і да нас. У сваю чаргу нашым заданнем з’яўляецца перадаць гэтую «эстафету» веры далей. Уся наша гісторыя — гэта драматычная, напоўненая разнастайнымі радасцямі і болем місія перадачы веры ў Езуса Хрыста. Папа Францішак заахвочвае нас, каб у кастрычніку мы асаблівым чынам звярнулі ўвагу на гэтую надзвычай важную справу і заданне кожнага хрысціяніна: быць місіянерам збаўлення. Нашае пакліканне да місіянерства бярэ пачатак у сакрамэнце хросту — браме новага жыцця кожнага вызнаўцы Езуса. Нездарма Ён заклікае нас не проста прапаведаваць, але ісці і дапамагаць кожнаму ахрысціцца «ў імя Айца і Сына, і Духа Святога» ( Мц 28, 19). Умілаваныя! Мы не адны ў гэтым свеце, і нельга нам клапаціцца толькі пра саміх сябе. Папа Францішак заклікае нас пачынаць сваю хрысціянскую місійную дзейнасць з асяроддзя сям’і і працы, але на гэтым не спыняцца. Ісці далей. Асабліва сёння, калі ва ўсім свеце адзначаем Місійную нядзелю, мы павінны памятаць пра тых, хто прапаведуе веру на далёкіх кантынентах, у аддаленых кутках зямлі. Там жывуць людзі і служаць місіянеры, якія чакаюць нашай падтрымкі, выражанай у малітве і ахвярным чыне салідарнасці. Некалькі гадоў таму арцыбіскуп Вены кардынал Крыстаф Шонбарн праводзіў у горадзе Арс у Францыі рэкалекцыі для святароў, сабраных з розных краін свету. Падчас гэтых духоўных практыкаванняў адбываліся размовы аб жыцці Касцёла. Хтосьці выказаў даволі песімістычны погляд пра будучыню хрысціянства і запытаўся, ці вытрымае Касцёл усе выпрабаванні, якія яго чакаюць. Кардынал адказаў: «Напэўна, вытрымае, але нідзе не сказана, што гэта будзе Касцёл у Еўропе». Божая справа не мае ні геаграфічных, ні гістарычных межаў. Касцёл трывае вечна. Ён павінен выконваць сваю збаўчую місію ў тым часе і месцы, дзе кожнаму пакаленню хрысціянаў дадзена жыць. Сёння, у Сусветную місійную нядзелю, мы дзякуем Пану Богу за дар місіянераў, якія прынеслі веру на нашу зямлю. Дзякуем і молімся за нашых продкаў, якія перадалі нам дар веры і святога хросту. Молімся за тых, хто ахвяраваў сябе, каб быць місіянерам Хрыста сярод людзей, якія яшчэ не ведаюць Касцёла. Просім таксама Бога аб тым, каб мы не забывалі пра місійнасць нашай веры. Быць хрысціянінам, католікам — гэта дзяліцца радасцю Евангелля, прыводзіць да святых сакрамэнтаў збаўлення кожнага. Таму будзем жа місіянерамі ў перадачы «эстафеты» веры наступнаму пакаленню людзей, якія вакол нас. Агорнем малітвай тых, хто прысвяціў сваё жыццё місіянерскаму служэнню. Будзем мець адкрытае сэрца і ахвярныя далоні, каб дапамагаць Касцёлу ў выкананні яго збаўчага місіянерскага задання ў гэтым свеце. З пастырскім благаслаўленнем, + Антоні Дзям’янка        Біскуп Пінскі
Чацвер, 17 кастрычніка 2019
Электронны ружанец-бранзалет для малітвы за мір ва ўсім свеце прэзентавалі ў Ватыкане
17.10.2019 08:53
15 кастрычніка, у разгар Ружанцовага месяца і Надзвычайнага месяца місій, Сусветная сетка Папскай малітвы прадставіла новы спосаб заахвоціць моладзь да традыцыйнай малітвы — смарт-ружанец ( Click To Pray eRosary ). Новы рэлігійны гаджэт, спалучаны з аплетам для аператыўных сістэм Андроід i iOS , прызначаны перадусім для малітвы за мір ва ўсім свеце.
Аўторак, 1 кастрычніка 2019
«Ахрышчаныя і пасланыя». У Касцёле распачаўся надзвычайны месяц Місій
01.10.2019 13:39
1 кастрычніка распачаўся надзвычайны месяц Місій, які яшчэ ў 2017 годзе абвясціў папа Францішак з мэтаю абудзіць руплівасць у евангелізацыйнай дзейнасці Касцёла ў ягоным пасланніцтве ad gentes — да людзей, якія яшчэ не ведаюць Хрыста.
Субота, 25 мая 2019
Усход — справа тонкая. Як жыве і служыць беларускі святар у Казахстане
25.05.2019 09:09
На прасторах былой савецкай імперыі, нават у самых аддаленых яе частках, жывуць католікі, якія часта траплялі туды не па сваёй волі. Сведчаннем пра жыццё вернікаў у Казахстане і сваё служэнне ў гэтай азіяцкай краіне дзеліцца кс. Павел Федаровіч , марыянін з Беларусі.
Серада, 15 мая 2019
Капуцын з Беларусі скіраваны на місію ў Грузію
15.05.2019 12:23
Брат Алег Вайцяховіч, святар з Беларускай кустодыі Ордэна меншых братоў Капуцынаў, адпраўляецца на місію ў Грузію. 14 мая ў парафіі св. Францішка Асізскага ў Мінску брату Алегу быў урачыста ўручаны місійны крыж.
Серада, 1 мая 2019
Ва Уздзе сустрэліся са святаром, які працуе на Мадагаскары
01.05.2019 15:39
28 красавіка, у нядзелю Божай Міласэрнасці, у парафіі Узвышэння Святога Крыжа ва Уздзе адбылася сустрэча з кс. Пятром Кемніцам MSF, які больш за шэсць гадоў працуе на Мадагаскары.
Чацвер, 25 красавіка 2019
З працай каталіцкіх місіянераў на Мадагаскары можна пазнаёміцца ва Уздзе і Негарэлым
25.04.2019 11:22
У нядзелю Божай міласэрнасці 28 красавіка ў парафіі Узвышэння Святога Крыжа ў г. Узда і ў п. Негарэлае (Стаўбцоўскі дэканат) адбудуцца сустрэчы з кс. Пятром Кемніцам — місіянерам, які працуе на Мадагаскары.
Панядзелак, 31 снежня 2018
Капуцын з Беларусі скіруецца на місію ў Афрыку
31.12.2018 12:10
29 снежня ў касцёле Найсвяцейшай Тройцы ў Докшыцах падчас святой Імшы адбылося ўручэнне місійнага крыжа новаму місіянеру з Беларусі брату Валерыю Кунгеру OFMCap.
Чацвер, 15 сакавіка 2018
Місіянерскі сімпозіум стартаваў ва Урбаніянскім універсітэце
15.03.2018 17:00
13 сакавіка ў Рыме стартаваў міжнародны сімпозіум «Рэформы ў Касцёле, рэформа Касцёла», які адкрыў кардынал Фернандо Філоні, Вялікі канцлер Папскага Урбаніянскага ўніверсітэта і прэфект Кангрэгацыі Евангелізацыі Народаў.
Аўторак, 28 лістапада 2017
У парафіі ў Асіповічах упершыню прайшлі святыя Місіі
28.11.2017 14:41
З 19 па 26 лістапада ў парафіі Божай Міласэрнасці ў Асіповічах ўпершыню праходзілі святыя Місіі. Іх правялі айцы рэдэмптарысты Андрэй Ядкоўскі CSsR і Валерый Мазюк CSsR з Кангрэгацыі Найсвяцейшага Адкупіцеля.
Чацвер, 16 лістапада 2017
Традыцыйныя «Андрэйкі» пройдуць у Нарачы
16.11.2017 10:35
2 снежня ў нарачанскай парафіі Св. Андрэя, апостала, пройдзе дэканальная моладзевая сустрэча «Андрэйкі». Падчас імпрэзы будзе праведзены конкурс ведаў «Сучасныя місіянеры — героі евангелізацыі», прысвечаны хрысціянскім місіям і місіянерам.
Панядзелак, 13 лістапада 2017
13 дзяцей у 23 гады. Гісторыя незвычайнага замужжа
13.11.2017 16:15
18-гадоваю дзяўчынаю Кэці паехала ва Уганду. Вярнуўшыся адтуль, яна прывезла сваёй сям’і незвычайную навіну… Кэці Дэвіс Мэйджарс вырашыла пакінуць навучанне, свае планы і стаць місіянеркай.
Панядзелак, 23 кастрычніка 2017
Кастрычнік-2019 стане ў паўсюдным Касцёле Надзвычайным місійным месяцам
23.10.2017 08:52
Папа Францішак абвясціў, што ўвесь кастрычнік 2019 года будзе Надзвычайным місійным месяцам, што будзе спрыяць абуджэнню евангелізацыйнай дзейнасці Касцёла ad gentes .
Аўторак, 17 кастрычніка 2017
Паведамленне біскупа Пінскага Антонія Дзям’янкі на Місійны тыдзень (22–28 кастрычніка)
17.10.2017 08:40
Дарагія дыяцэзіяне, у чарговы Місійны тыдзень я звяртаюся да вас са словамі павучання, падзякі і заахвочвання. Хачу нагадаць апошнія словы, якія Пан Езус прамовіў перад унебаўшэсцем: “Ідзіце і навучайце ўсе народы” (Мц 28, 19).
Панядзелак, 16 кастрычніка 2017
У Свіры стартавалі мерапрыемствы ў рамках місійнага праекта Варшаўска-Пражскай дыяцэзіі
16.10.2017 12:16
У Свіры 15 кастрычніка распачаліся мерапрыемствы ў рамках праекта «Гуманізм місіянерскай ініцыятывы». З гэтай нагоды святую Імшу ў касцёле св. Мікалая, біскупа, узначаліў дапаможны біскуп Мінска-Магілёўскай архідыяцэзіі Юрый Касабуцкі.
Панядзелак, 2 кастрычніка 2017
Праект «Гуманізм місіянерскай ініцыятывы» будзе прадстаўлены ў Свіры
02.10.2017 09:00
У касцёле св. Мікалая ў Свіры (Мядзельскі раён, Мінская вобласць) будзе прадстаўлены праект «Гуманізм місіянерскай ініцыятывы», які Місіянерская ініцыятыва Варшаўска-Пражскай дыяцэзіі рэалізуе пры падтрымцы Міністэрства замежных справаў Рэспублікі Польшча.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.