У касцёле св. Мікалая ў Свіры (Мядзельскі раён, Мінская вобласць) будзе прадстаўлены праект «Гуманізм місіянерскай ініцыятывы», які Місіянерская ініцыятыва Варшаўска-Пражскай дыяцэзіі рэалізуе пры падтрымцы Міністэрства замежных справаў Рэспублікі Польшча.
Праграма мерапрыемстваў:
15 кастрычніка
- 13.00 — св. Імша (цэлебруе дапаможны біскуп Мінска-Магілёўскай архідыяцэзіі Юрый Касабуцкі)
- 14.00 — даклад «Гуманізм місіянерскай ініцыятывы»
- 15.00 — адкрыццё выставы
26 кастрычніка
У рамках Тыдня місій (22–28 кастрычніка) — дзень малітоўнага засяроджання для святароў і кансэкраваных асобаў Мінска-Магілёўскай архідыяцэзіі пад кіраўніцтвам арцыбіскупа Тадэвуша Кандрусевіча, Мітрапаліта Мінска-Магілёўскага.
- 11.00 — Літургія гадзінаў і духоўная лекцыя
- 11.30 — адарацыя Найсвяцейшага Сакрамэнту
- 12.00 — св. Імша
- 13.00 — даклад «Гуманізм місіянерскай ініцыятывы»
Даведка
Місіянерская ініцыятыва Варшаўска-Пражскай дыяцэзіі рэалізуе свае мэты праз: аказанне дапамогі ў справе будаўніцтва касцёлаў, капліц і іншых месцаў культу; аказанне дапамогі ў справе евангелізацыі, дабрачыннай дапамогі, у прыватнасці, фінансавай або матэрыяльнай, асобам або арганізацыям, якія займаюцца дабрачыннасцю і апекай, а таксама асветніцка-выхаваўчай дзейнасцю на тэрыторыях місій; арганізацыю сустрэчаў і канферэнцый з мэтай распаўсюджвання інфармацыі пра місіянерскую дзейнасць, якая праводзіцца Варшаўска-Пражскай дыяцэзіяй; збор фінансавых і матэрыяльных сродкаў, прызначаных на рэалізацыю мэтаў Ініцыятывы; супрацоўніцтва з іншымі юрыдычнымі і фізічнымі асобамі ў Польшчы і за мяжой, зацікаўленымі ў рэалізацыі мэтаў ініцыятывы.
