Пошук


Літургія

Пятніца, 7 верасня 2018
12 верасня — успамін Найсвяцейшага Імя Марыі
07.09.2018 23:39
12   верасня  —  успамін   Найсвяцейшага   Імя   Марыі   ПЕРШАЕ ЧЫТАННЕ     Эф 1, 3–6. 11–12   Бог  выбраў  нас у  Хрысце   перад   стварэннем  свету   Чытанне   Паслання   святога   апостала   Паўла  да  Эфесцаў . Браты: Благаслаўлёны Бог і Айцец Пана нашага Езуса Хрыста, які благаславіў нас у Хрысце ўсякім духоўным благаслаўленнем на нябёсах, бо Ён выбраў нас у Ім перад стварэннем свету, каб мы былі святымі і беззаганнымі перад Ім у любові. Ён прадвызначыў нас для ўсынаўлення праз Езуса Хрыста, паводле ўпадабання сваёй волі, дзеля хвалы сваёй праслаўленай ласкі, якою Ён адарыў нас ва Умілаваным. У Ім мы сталі ўдзельнікамі, будучы прадвызначанымі адпаведна задуме таго, хто здзяйсняе ўсё паводле намеру волі сваёй, каб мы, якія раней спадзяваліся на Хрыста, былі на пахвалу Ягонай славы. Гэта слова Божае.    альбо   Гал 4, 4–7   Паслаў  Бог Сына  свайго ,  народжанага  ад  жанчыны   Чытанне   Паслання   святога   апостала   Паўла  да  Галатаў .   Браты:Калі надышла паўната часу, паслаў Бог Сына свайго, народжанага ад жанчыны, падпарадкаванага Закону, каб адкупіць тых, хто падлягаў Закону, каб мы атрымалі ўсынаўленне. А паколькі вы сыны, Бог паслаў у вашыя сэрцы Духа Сына свайго, які ўсклікае: Абба, Ойча! Таму ты ўжо не раб, а сын, а калі сын, то і спадкаемца Божы. Гэта слова Божае.     РЭСПАНСАРЫЙНЫ ПСАЛЬМ        Пс Лк 1, 46–47. 48–49. 50–51. 52–53. 54–55.   Рэфрэн :  Вялікае ўчыніў мне Усемагутны.    У тыя дні сказала Марыя:   Велічае душа мая Пана, *   і ўзрадаваўся дух мой    у Богу, маім Збаўцы.   Рэфрэн :  Вялікае ўчыніў мне Усемагутны.     Бо ўзглянуў Бог на пакору сваёй слугі, *   і цяпер благаслаўляць Мяне будуць усе пакаленні.   Бо вялікае ўчыніў мне Усемагутны, *   а імя Яго святое.   Рэфрэн :  Вялікае ўчыніў мне Усемагутны.     І міласэрнасць Яго з пакалення ў пакаленне *   над тымі, хто Яго баіцца.   Паказаў моц сваёй правіцы,   рассеяў тых, хто пыхлівы сэрцам.   Рэфрэн :  Вялікае ўчыніў мне Усемагутны.     Скінуў магутных з трону    і ўзвысіў пакорных.   Дабром галодных насыціў, *   а багатых ні з чым адправіў.   Рэфрэн :  Вялікае ўчыніў мне Усемагутны.   Прыняў свайго слугу Ізраэля, *   памятаючы пра сваю міласэрнасць,   як абяцаў бацькам нашым,    Абрагаму і яго патомству навекі.   Рэфрэн :  Вялікае ўчыніў мне Усемагутны.       СПЕЎ ПЕРАД ЕВАНГЕЛЛЕМ          Лк 1, 45     Акламацыя :  Аллелюя, аллелюя, аллелюя.     Шчаслівая Панна Марыя, якая паверыла,    што споўніцца сказанае Ёй Панам.    Акламацыя :  Аллелюя, аллелюя, аллелюя.      ЕВАНГЕЛЛЕ   Лк 1, 39–47   Сабраўшыся ,  Марыя  ў  тыя   дні   паспяшыла  ў горную  краіну   +  Чытанне   святога   Евангелля   паводле   Лукі .   Сабраўшыся, Марыя ў тыя дні паспяшыла ў горную краіну, у горад Юды. І ўвайшла ў дом Захарыі, і прывітала Альжбету.  Калі Альжбета пачула прывітанне Марыі, узварухнулася дзіцятка ва ўлонні яе, і напоўнілася Альжбета Духам Святым. І ўсклікнула моцным голасам, і сказала: Благаславёная Ты між жанчынамі і благаславёны плод улоння Твайго адкуль мне гэта, што Маці Пана майго прыйшла да мяне? Бо калі голас прывітання Твайго загучаў у вушах маіх, узварухнулася ад радасці дзіцятка ва ўлонні маім. І шчаслівая тая, якая паверыла, што споўніцца сказанае Ёй Панам. Тады сказала Марыя: Велічае душа мая Пана, і ўзрадаваўся дух мой у Богу, маім Збаўцы. Гэта слова Пана.
Чацвер, 9 жніўня 2018
9 жніўня — Свята св. Тэрэзы Бэнэдыкты ад Крыжа (Эдыты Штайн), панны і мучаніцы, апякункі Еўропы
09.08.2018 20:03
ПЕРШАЕ ЧЫТАННЕ Ос 2, 16b. 17b. 21-22 Заручуся з табою навекі Чытанне кнігі прарока Осіі. Так кажа Пан: Вось прывяду няверную абранніцу ў пустыню і буду прамаўляць да яе сэрца.  І там заспявае яна,  як у дні маладосці сваёй  і як у дні выйсця свайго з зямлі егіпецкай. Я заручуся з табою навекі;  заручуся з табою ў справядлівасці і правасуддзі,  у міласці і міласэрнасці.  Заручуся з табою ў вернасці,  і ты пазнаеш Пана. Гэта слова Божае. РЭСПАНСАРЫЙНЫ ПСАЛЬМ Пс 45 (44), 11–12. 14–15. 16–17 Рэфрэн:  Паглядзі, дачка, і схілі сваё вуха.  Паглядзі, дачка, паслухай і схілі сваё вуха, * забудзь народ свой і дом твайго айца. Кароль прагне тваёй прыгажосці, *                                       бо Ён твой Пан, пакланіся Яму. Рэфрэн: Поўная славы выходзіць дачка Караля. * Адзенне яе вышыта золатам. У вышытым адзенні вядуць яе да Караля. * За ёю дзяўчаты, сяброўкі яе, уваходзяць да Яго.    Рэфрэн: Вядуць іх з радасцю і ў захапленні, * уваходзяць яны ў каралеўскі палац.         Замест айцоў тваіх будуць твае сыны. *        Ты ўстановіш іх валадарамі па ўсёй зямлі. СПЕЎ ПЕРАД ЕВАНГЕЛЛЕМ Акламацыя:  Аллелюя, аллелюя, аллелюя. Гэтая мудрая панна сустрэла Пана ў чуванні, калі прыйшоў Пан, яна ўвайшла з Ім на вяселле. Акламацыя:  Аллелюя, аллелюя, аллелюя. ЕВАНГЕЛЛЕ Мц 25, 1–13 Вось жаніх, выходзьце яму насустрач + Чытанне cвятога Евангелля паводле Мацвея. У той час: Езус расказаў сваім вучням такую прыпавесць: Валадарства Нябеснае будзе падобнае да дзесяці паннаў, якія, узяўшы свае светачы, выйшлі насустрач жаніху. Пяць з іх былі неразумныя, а пяць — мудрыя. Неразумныя, узяўшы свае светачы, не ўзялі з сабою алею. Мудрыя ж разам са светачамі сваімі ўзялі алей у пасудзіны свае. Калі жаніх спазняўся, то задрамалі ўсе і паснулі.  Але сярод ночы ўзняўся крык: Вось жаніх, выходзьце яму насустрач. Тады ўсталі ўсе панны гэтыя і прывялі ў парадак светачы свае. Неразумныя ж сказалі мудрым: Дайце нам вашага алею, бо нашыя светачы гаснуць. А мудрыя адказалі: Каб хапіла і вам, і нам, пайдзіце лепш да тых, хто прадае, і купіце сабе.  Калі ж пайшлі яны купляць, прыйшоў жаніх і тыя, якія былі падрыхтаваныя, увайшлі з ім на вяселле, і зачыніліся дзверы. Пасля прыходзяць і астатнія панны ды кажуць: Пане, пане, адчыні нам. Ён жа сказаў ім у адказ: Сапраўды кажу вам: не ведаю вас.  Таму чувайце, бо не ведаеце ні дня, ні гадзіны. Гэта слова Пана.
Субота, 21 ліпеня 2018
Гамілія на XVI звычайную нядзелю, Год В (22 ліпеня)
21.07.2018 08:56
«Пан — пастыр мой, ні ў чым не буду мець нястачы, Ён дазваляе спачываць мне на зялёных пашах»
Субота, 14 ліпеня 2018
Нядзельная гамілія: XV звычайная нядзеля (год B)
14.07.2018 13:55
Калі Езус не дачакаецца і пойдзе ад нас, то мы можам не паспець Яго дагнаць, можам не паспець прыняць Яго ў сваё сэрца. Чаму? Бо ўвесь час адкладвалі сустрэчу з Богам на потым.
Каментарый да літургіі і малітва вернікаў на XV Звычайную нядзелю, год В (15 ліпеня)
14.07.2018 13:45
Кожнаму чалавеку Пан Бог даручыў выканаць місію, і ад таго, як яе выканае, будзе залежаць цяперашняе і вечнае жыццё. У сённяшнім Евангеллі Езус пасылае сваіх апосталаў з асаблівай місіяй. Вярнуліся з яе ўзрадаваныя, бо дзякуючы ласцы Езуса, выканалі яе добра.
Субота, 7 ліпеня 2018
Гамілія на XIV звычайную нядзелю, Год В (8 ліпеня)
07.07.2018 08:59
«Адкуль у Яго гэта, і што гэта за мудрасць, якая дадзена Яму, і як такія цуды чыняцца Ягонымі рукамі?»
Субота, 30 чэрвеня 2018
Каментарый да літургіі і малітва вернікаў на XIII Звычайную нядзелю, год В (1 ліпеня)
30.06.2018 17:37
Божае слова дае жыццё, больш за тое: яно з’яўляецца канкрэтным спосабам жыцця, якое можа зразумець і выбраць толькі чалавек простага сэрца.
Субота, 23 чэрвеня 2018
Гамілія на ўрачыстасць Нараджэння св. Яна Хрысціцеля (24 чэрвеня)
23.06.2018 09:07
«Я зраблю цябе святлом народаў, каб збаўленне Маё дасягнула аж да краю зямлі»
Субота, 16 чэрвеня 2018
Гамілія на ХІ звычайную нядзелю, Год В (17 чэрвеня)
16.06.2018 09:01
«Зерне — слова Божае, сейбіт — Хрыстус; кожны, хто знойдзе Яго, будзе жыць вечна»
Субота, 9 чэрвеня 2018
Каментарый да літургіі і малітва вернікаў на Х Звычайную нядзелю, год В (10 чэрвеня)
09.06.2018 16:26
Калі разглядаем нашы адносіны з Богам, то можам уявіць іх у выглядзе нармальнага сяброўства, добрай камунікацыі. Непаслухмянасць Адама і Евы Богу, шматлікія знявагі Бога нашымі продкамі, нашыя штодзённыя правіны — гэта ўсё не аслабіла любоў Божую і міласэрнасць да чалавецтва.
Субота, 2 чэрвеня 2018
Гамілія на ІХ звычайную нядзелю, год В (3 чэрвеня)
02.06.2018 08:30
«Шабат устаноўлены для чалавека, а не чалавек для шабату. Таму Сын Чалавечы — гаспадар шабату».
Субота, 26 мая 2018
Гамілія на ўрачыстасць Найсвяцейшай Тройцы (27 мая)
26.05.2018 09:05
«Вы не прынялі духа няволі, каб зноў баяцца, але прынялі Духа ўсынаўлення, у якім мы клічам: Абба, Ойча!»
Субота, 19 мая 2018
Успамін Найсвяцейшай Панны Марыі, Маці Касцёла
19.05.2018 11:53
Кангрэгацыя Божага Культу і Дысцыпліны Сакрамэнтаў 11 лютага 2018 г. пастанавіла ўнесці літургічны ўспамін  Найсвяцейшай Панны Марыі, Маці Касцёла, у Агульны рымскі каляндар. Дадзены ўспамін адзначаецца ў панядзелак пасля ўрачыстасці Спаслання Духа Святога.
Гамілія на ўрачыстасць Спаслання Духа Святога (20 мая)
19.05.2018 09:07
«Прыйдзі, Дух Святы, напоўні сэрцы сваіх верных і запалі ў іх агонь сваёй любові»
Субота, 12 мая 2018
Гамілія на VII Велікодную нядзелю, Год В (13 мая)
12.05.2018 09:04
«Ойча святы, захавай іх у імені Тваім, якое Ты даў Мне, каб яны былі адно, як і Мы»
Аўторак, 8 мая 2018
Унебаўшэсце Пана, урачыстасць
09.05.2018 00:00
Хрыстус пасля свайго ўваскрасення неаднаразова аб’яўляўся вучням, а на саракавы дзень на іх вачах узнёсся на неба з Аліўнай гары. Выраз «Унебаўшэсце Пана» паходзіць з апісання гэтага факту св. Лукой у Дзеях Апосталаў (пар. Дз 1, 9–11).
Субота, 5 мая 2018
Гамілія на VI Велікодную нядзелю, Год В (6 мая)
05.05.2018 09:00
«Гэта Я сказаў вам, каб Мая радасць была ў вас, і каб радасць вашая была поўнай»
Субота, 28 красавіка 2018
Каментарый да літургіі і малітва вернікаў на V Велікодную нядзелю, год В (29 красавіка)
28.04.2018 10:03
Кожны з нас задумваецца над сэнсам свайго жыцця. Але толькі ў Богу мы можам яго знайсці і быць шчаслівымі.
Гамілія на V Велікодную нядзелю, Год В (29 красавіка)
28.04.2018 09:02
«Я — сапраўдная вінаградная лаза, а Айцец Мой — вінаградар»
Субота, 21 красавіка 2018
Гамілія на IV Велікодную нядзелю, Год В (22 красавіка)
21.04.2018 09:11
«Камень, адкінуты будаўнікамі, стаў галавою вугла»
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.