Пошук


Канферэнцыя Каталіцкіх Біскупаў у Беларусі

Серада, 26 студзеня 2022
Біскуп Буткевіч заклікае ў адказ на просьбу Папы Францішка маліцца за мір і міжнародны дыялог
26.01.2022 07:07
Зварот Старшыні Канферэнцыі Каталіцкіх Біскупаў у Беларусі біскупа Віцебскага Алега Буткевіча Дарагія святары, браты і сёстры манаскіх супольнасцяў, паважаныя браты і сёстры ў Хрысце. Папа Францішак падчас малітвы Анёл Панскі ў мінулую нядзелю звярнуўся да ўсіх людзей добрай волі з просьбай аб малітве ў інтэнцыі мірнага вырашэння міжнародных канфліктаў, шляхам паважнага шматбаковага дыялога, а не з дапамогай зброі. Як адзначыў Пантыфік, асаблівым чынам такой малітвы сёння патрабуе Украіна. Таму заклікаю ўсіх адказна падысці да гэтай просьбы Святога Айца і падчас Імшаў у сераду 26 студзеня, а таксама ў бліжэйшую нядзелю, 30 студзеня, дадаць у малітве вернікаў інтэнцыю аб міры ва Украіне. Калі ёсць такая магчымасць, то прашу таксама цэлебраваць у бліжэйшы час Эўхарыстыю ў гэтай інтэнцыі і правесці малітоўнае набажэнства аб міры ў свеце. Наша малітва можа не абмяжоўвацца толькі гэтымі днямі, але няхай вынікае з нашай заклапочанасці аб міры і дыялогу ў нашым супольным доме, сярод тых, з кім жывем побач. Моц гэтай малітвы няхай стане падтрымкай гля тых, хто гэты мір сёння будуе і абаронай ад сілаў, якія імкнуцца яго зруйнаваць. Моц Духа Святога і заступніцтва Багародзіцы няхай спадарожнічае нам у гэтай важнай справе. З пастырскім благаслаўленнем, ✠ Алег Буткевіч Біскуп Віцебскі Старшыня Канферэнцыі Каталіцкіх Біскупаў у Беларусі
Нядзеля, 16 студзеня 2022
Біскуп Буткевіч ад імя беларускага каталіцкага епіскапату віншуе Нунцыя Ёзіча з 55-годдзем
16.01.2022 11:22
16 студзеня Апостальскі нунцый у Рэспубліцы Беларусь арцыбіскуп Антэ Ёзіч адзначае 55-годдзе з дня нараджэння. Ад імя Канферэнцыі Каталіцкіх Біскупаў у Беларусі віншаванне прадстаўніку Папы Францішка ў нашай краіне скіраваў Старшыня ККББ біскуп Алег Буткевіч.
Пятніца, 7 студзеня 2022
Біскуп Буткевіч віншуе праваслаўных братоў і сясцёр са святам Раства Хрыстова
07.01.2022 12:02
7 студзеня Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч скіраваў ліст Патрыяршаму Экзарху ўсяе Беларусі Мітрапаліту Мінскаму і Заслаўскаму Веніяміну , у якім павіншаваў усіх вернікаў Беларускай Праваслаўнай Царквы са святам Раства Хрыстова.
Серада, 29 снежня 2021
Слова арцыбіскупа Кандрусевіча на 2022 Пастырскі год
29.12.2021 15:15
У Слове на 2022 Пастырскі год арцыбіскуп Тадэвуш Кандрусевіч, Старшыня Камісіі агульнага душпастырства пры Канферэнцыі Каталіцкіх Біскупаў у Беларусі, разважае над распачатым сінадальным шляхам у святле Дагматычнай канстытуцыі пра Касцёл  Lumen   gentuim.
Пятніца, 24 снежня 2021
Паведамленне Канферэнецыі Каталіцкіх Біскупаў Беларусі на свята Святой Сям’і
24.12.2021 06:00
На свята Святой сям’і, якое сёлета прыпадае на 26 снежня, Каталіцкія біскупы Беларусі кіруюць Паведамленне з падзякай вернікам за ўдзел у акцыі духоўнага ўсынаўлення з мэтай абароны зачатага жыцця.
Пятніца, 17 снежня 2021
Біскуп Буткевіч ад імя ўсіх вернікаў Касцёла ў Беларусі віншуе Папу Францішка з 85-годдзем
17.12.2021 14:52
З нагоды дня нараджэння Папы Францішка, якому 17 снежня споўнілася 85 гадоў, Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч ад імя духавенства і вернікаў нашай краіны выказвае віншаванні Святому Айцу.
Субота, 13 лістапада 2021
Паведамленне Канферэнецыі Каталіцкіх Біскупаў у Беларусі адносна дапамогі мігрантам
13.11.2021 10:05
Паведамленне Канферэнецыі Каталіцкіх Біскупаў у Беларусі адносна дапамогі мігрантам, якія знаходзяцца на беларуска-польскай граніцы.
Серада, 10 лістапада 2021
Паведамленне з 82-а Пленарнага пасяджэння Канферэнцыі Каталіцкіх Біскупаў у Беларусі
10.11.2021 17:24
10 лістапада 2021 года ў Мінску прайшло чарговае, 82-е Пленарнае пасяджэнне Канферэнцыі Каталіцкіх Біскупаў у Беларусі, на якім быў абраны новы Генеральны сакратар епіскапату.
Субота, 23 кастрычніка 2021
Віншаванне з афіцыйным уступленнем на пасаду арцыбіскупу Станеўскаму Старшыні ККББ біскупа Буткевіча
23.10.2021 16:20
Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч кіруе віншаванне арцыбіскупу Юзафу Станеўскаму з нагоды афіцыйнага ўступлення на пасаду Мітрапаліта Мінска-Магілёўскага.
Пятніца, 8 кастрычніка 2021
Пастырскі ліст ККББ на распачацце Сіноду Біскупаў на тэму сінадальнасці
08.10.2021 13:26
З нагоды Сіноду Біскупаў на тэму сінадальнасці, які распачынаецца ў партыкулярных Касцёлах 17 кастрычніка, каталіцкія біскупы Беларусі кіруюць пастырскі ліст да ўсіх вернікаў Касцёла ў нашай краіне.
Чацвер, 7 кастрычніка 2021
Зварот каталіцкіх біскупаў Беларусі на нацыянальны Дзень маці 2021 года
07.10.2021 17:35
На Дзень маці, які ў Беларусі з 1996 года адзначаецца 14 кастрычніка, каталіцкія біскупы нашай краіны кіруюць адмысловы зварот з заклікам да малітвы за маці.
Серада, 22 верасня 2021
Біскуп Яшэўскі запрашае вернікаў Касцёла ў Беларусі далучацца да працы Сіноду Біскупаў, які распачынаецца ў кастрычніку
22.09.2021 13:45
Старшыня камісіі па каардынацыі працы Сіноду Біскупаў на ўзроўні Канферэнцыі Каталіцкіх Біскупаў у Беларусі біскуп Аляксандр Яшэўскі SDB запрашае пазнаёміцца з перакладам Вадэмэкума — інфармацыйнага дапаможніка па працы Сіноду, які распачнецца ў кастрычніку, і актыўна да яе далучацца.
Субота, 11 верасня 2021
Упаўнаважаны па справах рэлігій і Міністэрства інфармацыі далі ацэнку правакацыйнай публікацыі ў «Мінскай праўдзе» і прынялі меры
11.09.2021 11:53
Упаўнаважаны па справах рэлігій і нацыянальнасцяў Аляксандр Румак скіраваў ліст Старшыні Канферэнцыі Каталіцкіх Біскупаў у Беларусі Алегу Буткевічу, у якім запэўніў, што нядаўняя правакацыйная публікацыя, што выклікала абгрунтаваную рэакцыю епіскапату , не адлюстроўвае афіцыйную пазіцыю дзяржавы ў адносінах да Касцёла, а таксама паведаміў пра прынятыя ў сувязі з гэтым меры.
Аўторак, 7 верасня 2021
Касцёл у Беларусі асуджае публікацыю ў газеце «Мінская праўда» і расцэньвае яе як распальванне варожасці (BY/RU)
07.09.2021 16:53
Па даручэнні Старшыні Канферэнцыі Каталіцкіх Біскупаў у Беларусі біскупа Віцебскага Алега Буткевіча пазіцыю беларускага каталіцкага епіскапату адносна публікацыі ў газеце «Мінская праўда» (№ 68 ад 7 верасня 2021 года) выказвае Старшыня Камісіі па справах каталіцкай адукацыі і катэхезы пры ККББ біскуп Аляксандр Яшэўскі SDB.
Чацвер, 2 верасня 2021
Паведамленне з 81-а пазачарговага пленарнага пасяджэння Канферэнцыі Каталіцкіх Біскупаў у Беларусі
02.09.2021 17:32
2 верасня ў Мінску прайшло 81-е пазачарговае пленарнае пасяджэнне Канферэнцыі Каталіцкіх Біскупаў у Беларусі.
Пятніца, 23 ліпеня 2021
Зварот Старшыні ККББ біскупа Буткевіча аб падтрымцы пацярпелых ад стыхійных бедстваў у Еўропе
23.07.2021 15:46
Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч заахвочвае беларускіх вернікаў да салідарнасці і малітвы за пацярпелых ад стыхійных бедстваў у Польшчы, Германіі, Галандыі і Бельгіі.
Аўторак, 13 ліпеня 2021
Абрана новае кіраўніцтва Кустодыі Беларусі Ордэна Меншых Братоў Капуцынаў. Новага кусташа павіншаваў біскуп Буткевіч
13.07.2021 17:02
13 ліпеня, у другі дзень працы Каптітула Кустодыі Беларусі Ордэна Меншых Братоў Капуцынаў, які напярэдадні з благаслаўленнем Апостальскага нунцыя ў нашай краіне распачаў працу ў Новай Баравой, было абрана новае кіраўніцтва Кустодыі.
Чацвер, 3 чэрвеня 2021
Зацверджаны пераклад на беларускую мову новых заклікаў у Літаніі да святога Юзафа
03.06.2021 12:12
3 чэрвеня, ва ўрачыстасць Найсвяцейшага Цела і Крыві Хрыста, Старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч падпісаў Дэкрэт, якім зацвердзіў пераклад на беларускую мову новых заклікаў у Літанію да святога Юзафа.
Панядзелак, 17 мая 2021
У Браславе развіталіся з Чэславам Буткевічам — татам біскупа Алега і сясцёр Алы і Ганны, эўхарыстак
17.05.2021 20:25
У панядзелак 17 мая ў касцёле Нараджэння Найсвяцейшай Панны Марыі ў Браславе адбылася пахавальная святая Імша і развітанне са спачылым Чэславам Буткевічам, шматгадовым старшынёй браслаўскай парафіяльнай рады, татам біскупа Віцебскага Алега Буткевіча і дзвюх яго сясцёр Алы і Ганны, якія належаць да законніцкай супольнасці Служабніц Езуса ў Эўхарыстыі.
Пятніца, 14 мая 2021
Біскупы Беларусі просяць малітвай і ахвяраваннямі прычыніцца да адбудовы касцёла ў Будславе і дзякуюць тым, хто ўжо адгукнуўся
14.05.2021 15:05
Каталіцкія біскупы Беларусі заклікаюць усіх вернікаў Каталіцкага Касцёла ў нядзелю Спаслання Духа Святога, 23 мая, з асаблівай руплівасцю маліцца ў інтэнцыі адбудовы будслаўскага касцёла і далучыцца да матэрыяльнай дапамогі праз складанне ахвяраванняў, збор якіх будзе праводзіцца пасля святых Імшаў у кожнай парафіі нашай краіны.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа