Старшыня Канферэнцыі Каталіцкіх Біскупаў у Беларусі арцыбіскуп Юзаф Станеўскі, Мітрапаліт Мінска-Магілёўскі, запрашае духавенства і вернікаў да адмысловых малітваў у 80-ю гадавіну вызвалення нашай краіны ад нямецка-фашысцкіх захопнікаў.
Старшыня епіскапату заахвочвае зрабіць гэта перадусім у наступныя памятныя даты:
- 22 чэрвеня — узгадаць загінулых падчас вайны і генацыду беларускага народа ў Дзень усенароднай памяці ахвяраў Вялікай Айчыннай вайны;
- 3 ліпеня — узнесці малітву падзякі за вызваленне Беларусі ад нямецка-фашысцкіх захопнікаў з нагоды 80-й гадавіны.
Гэта можа быць заклік у Малітве вернікаў падчас святой Імшы, або любая іншая адмысловая малітва (напрыклад: Набажэнства за памерлых з 2 лістапада, прыпынак IV: Літургічная агенда, с. 474).
«Асаблівым чынам будзем памятаць у нашых малітвах аб мучаніках нашай зямлі, якія ахвяравалі сваё жыццё дзеля ўратавання бліжняга», — заклікае арцыбіскуп Юзаф Станеўскі.
