1 лютага, у першую суботу месяца, якая прыпадае напярэдадні свята Ахвяравання Пана, айцы кармэліты босыя і сёстры кармэліткі Дзіцятка Езуса запрашаюць усіх ахвотных кансэкраванх асобаў на адмысловую сустрэчу ў санктуарый Маці Божай Шкаплернай у Гудагаі.
У свята Ахвяравання Пана, якое традыцыйна называецца таксама святам Маці Божай Грамнічнай, у Каталіцкім Касцёле адзначаецца Дзень кансэкраванага жыцця.
Гэты Дзень быў устаноўлены ў 1997 годзе Папам Янам Паўлам ІІ, сёння ўжо святым, і прысвечаны малітве за мужчын і жанчын, якія прысвяцілі сваё жыццё служэнню Богу ў розных манаскіх ордэнах і кангрэгацыях, а таксама ў свецкіх інстытутах.
У гэты дзень паўсюдны Касцёл асабліва моліцца за кансэкраваных асобаў.
Праграма сустрэчы
- 11.00 – час на асабістую малітву;
- 12.00 – святая Імша;
- 13.00 – абед, рэкрэацыя
Ахвотных просяць загадзя паведаміць пра прысутнасць па тэл.:
+375 (33) 606 44 30 – а. Аркадзь Куляха OCD
