У панядзелак 3 лютага ў парафіі Божага Цела ў Мінску, дзе служэнне нясуць айцы кармэліты босыя, у межах святкавання 2025-годдзя Юбілею хрысціянства пройдзе агульнабеларускі Дзень кансэкраванага жыцця.
Такія мерапрыемствы штогод праходзяць з нагоды ўрачыстасці Ахвяравання Пана, якая ў Каталіцкім Касцёле адзначаецца 2 лютага і з’яўляецца таксама Днём кансэкраванага жыцця — асаблівым святам усіх тых, хто без рэшты прысвяціў сябе служэнню Богу ў манаскім або законніцкім жыцці праз абяцанні паслухмянасці, чыстасці і ўбоства.
Дэвізам агульнабеларускай сустрэчы кансэкраваных асоб у Святы год Юбілею будуць словы «Пілігрымы надзеі на шляху да міру».
- Увага! Для лепшай арганізацыі сустрэчы неабходна пацвердзіць удзел у ёй да 30 студзеня ўключна па спасылцы ТУТ>>>
Тэме надзеі і міру будзе таксама прысвечана сустрэча кансэкраваных асобаў з усяго свету, якая адбудзецца ў Рыме ў межах Юбілею 8–9 кастрычніка 2025 года. Яна мае на мэце падкрэсліць заданне кансэкраваных асобаў быць носьбітамі прымірэння ў сваіх краінах.
Старшыня групы вышэйшых настаяцеляў, дэлегатаў і прадстаўнікоў мужчынскіх і жаночых манаскіх інстытутаў і таварыстваў апостальскага жыцця ў Беларусі ксёндз Андрэй Лысы SChr запрашае ўсіх кансэкраваных асобаў, якія нясуць служэнне ў нашай краіне, а таксама ўсіх людзей добрай волі, якія хочуць маліцца за кансэкраваных асобаў, узяць удзел у гэтай падзеі.
Праграма сустрэчы
- 11.00 – прывітанне, малітва (Літургія гадзінаў), канференцыя
- 11.45 – падрыхтоўка да Эўхарыстыі
- 12.00 – святая Імша з аднаўленнем манаскіх абяцанняў (узначальвае цэлебрацыю біскуп Аляксандр Яшэўскі SDB, Адказны за пастырства Інстытутаў кансэкраванага жыцця і таварыстваў апостальскага жыцця пры ККББ)
- 13.15 – абед
- 14.00 – мультымедыйная прэзентацыя манаскіх супольнасцяў, Ружанцовая малітва з разважаннямі
- 15.00 – благаслаўленне і выезд
Адрас: г. Мінск, вул. Герасіменкі, 6/1
