З 6 па 8 снежня ў кляштары сясцёр кармэлітак Дзіцяткі Езуса ў Гудагаі (Гродзенская дыяцэзія, Астравецкі дэканат) адбыліся адвэнтавыя Дні цішыні для дзяўчат і жанчын.
Восем удзельніц з Астраўца, Варапаева, Гродна, Ліды і Мінска маліліся разам, разважаючы над будаваннем адносін з Богам праз цішыню і засяроджанасць.
Дні цішыні ў Гудагаі будуць адбывацца ў кожную другую суботу месяца.
Ужо цяпер сёстры кармэліткі Дзіцяткі Езуса запрашаюць дзяўчат і жанчын на наступныя Дні цішыні, якія пройдуць 11–12 студзеня.
Акрамя таго, ёсць магчымасць прыехаць да сясцёр у гудагайскі Кармэль на індывідуальныя Дні цішыні і малітвы ў зручны час (па ўзгадненні).
- Запіс па тэл.: +375 (29) 884 39 67 – с. Ідалія
