12 снежня ў кляштары кармэлітаў босых у Мінску пройдзе сімпозіум, прысвечаны завяршэнню года святога Яна ад Крыжа. Сустрэча прымеркавана да дзвюх юбілейных дат, звязаных з жыццём і спадчынай вялікага містыка і Настаўніка Касцёла.
Ці можа надзея дапамагчы чалавеку перажыць выпрабаванні і знайсці шлях да Бога? Пра гэта і пра духоўную спадчыну святога Яна ад Крыжа будуць разважаць удзельнікі сімпозіума «Надзея атрымлівае тое, чаго спадзяецца», які адбудзецца 12 снежня ў Мінску. Сустрэча пройдзе з нагоды дзвюх юбілейных дат, звязаных з жыццём і спадчынай вялікага містыка і Настаўніка Касцёла святога Яна ад Крыжа — 300-годдзя яго кананізацыі і 100-годдзя абвяшчэння Доктарам Паўсюднага Касцёла.
Удзельнікаў чакае дзень малітвы, духоўных разважанняў і знаёмства са спадчынай святога, чые творы і сёння дапамагаюць глыбей зразумець шлях чалавека да Бога.
Сімпозіум распачнецца святой Імшой у касцёле Божага Цела. Урачыстае адкрыццё правядзе Мітрапаліт Мінска-Магілёўскі арцыбіскуп Юзаф Станеўскі. З уступным словам і прывітаннем да ўдзельнікаў звернецца рэгіянальны вікарый кармэлітаў босых у Беларусі айцец Генрых Валэйка OCD. У праграме сімпозіума — тры даклады, прысвечаныя розным аспектам духоўнай спадчыны святога Яна ад Крыжа. Акрамя дакладаў у праграме прадугледжаны Вяночак да Божай міласэрнасці, час для размоў і перапынкі на каву.
Праграма сімпозіума
- 10.00–10.30 — рэгістрацыя ўдзельнікаў;
- 11.00 — святая Імша ў касцёле Божага Цела;
- 12.00 — Мітрапаліт Мінска-Магілёўскі арцыбіскуп Юзаф Станеўскі — адкрыццё сімпозіума;
- 12.15 — айцец Генрых Валэйка OCD, рэгіянальны вікарый кармэлітаў босых у Беларусі, — уступнае слова і прывітанне ўдзельнікаў;
- 12.30 — айцец Аркадзь Куляха OCD з дакладам «Святы Ян ад Крыжа — настаўнік яднання з Богам»;
- 13.30 — абед, кава;
- 14.30 — айцец Андрэй Авен OCD з дакладам «Найсвяцейшая Панна Марыя ў творчасці святога Яна ад Крыжа», Вяночак да Божай міласэрнасці;
- 15.30 — спадарыня Алена Шымак з дакладам «Гісторыя Касцёла ў часы святога Яна ад Крыжа», перапынак на каву;
- 17.00 — Нешпары ў касцёле. Завяршэнне сімпозіума.
Месца правядзення
Кляштар кармэлітаў босых, Мінск, вул. Герасіменкі, 6/1.
Дата правядзення
12 снежня 2026 года.
Арганізатары просяць загадзя паведаміць пра жаданне прыняць удзел у сімпозіуме па тэлефонах:
- +375 (17) 365 07 17 — гарадскі;
- +375 (44) 763 72 40 — айцец Юрый.
Да ўдзелу запрашаюцца ўсе, хто жадае бліжэй пазнаёміцца з духоўнай спадчынай святога Яна ад Крыжа і адкрыць для сябе яго вучэнне пра веру, надзею і яднанне з Богам.
