Орша ў чарговы раз прывітала ўдзельнікаў рэкалекцый «Школа хрысціянскага жыцця і евангелізацыі». Падобныя рэкалекцыі ў Беларусі адбываюцца ўжо шосты год.

11-12 ліпеня ў Далёкіх адбылася ІІІ Міжпарафіяльная пілігрымка ўдзельнікаў руху адновы і евангелізацыі. З нагоды сустрэчы Імшу ў касцёле святога Станіслава ўзначаліў біскуп Віцебскі Алег Буткевіч.

З нагоды 110-годдзя касцёла Імя Найсвяцейшай Панны Марыі ў Параф’янаве (Докшыцкі дэканат) 12 і 13 ліпеня адзначаліся юбілейныя ўрачыстасці. У другі дзень святкаванняў біскуп Віцебскі Алег Буткевіч удзяліў вернікам сакрамэнт канфірмацыі, а таксама благаславіў адрэстаўраваны крыж і абраз у галоўным алтары касцёла.

7 ліпеня сімвалы Сусветага дня моладзі – крыж і абраз Маці Божай “Salus Populi Romani”, якія з 28 чэрвеня здзяйсняюць перэгрынацыю па Беларусі, - наведалі парафію ў Браславе.

У Беларусі працягваецца перэгрынацыя сімвалаў Сусветнага дня моладзі — крыжа і абраза Маці Божай “Salus Populi Romani”. 5 ліпеня пасля будслаўскіх урачыстасцяў крыж і абраз накіраваліся ў віцебскі катэдральны касцёл Езуса Міласэрнага, а 6 ліпеня прыбылі ў парафію Святой Тройцы ў Глыбокім.

5 ліпеня 2014 г. горад Глыбокае адзначае 600-годдзе. З гэтай нагоды ў мясцовым касцёле Святой Тройцы адбылася Імша, якую ўзначаліў біскуп Віцебскі Алег Буткевіч.

2 ліпеня адзначалася ўрачыстасць Найсвяцейшай Панны Марыі Будслаўскай. Нягледзячы на перанос урачыстых мерапрыемстваў на 4-5 ліпеня, у Нацыянальным санктуарыі ў Будславе было ў гэты дзень шмат вернікаў.

29 чэрвеня ў касцёле святога Юды Тадэвуша Апостала адбыўся «Дзень сям'і» — свята, якое мае ўжо трохгадовую традыцыю ў парафіі Лучай. Асаблівым чынам у гэты дзень вернікі моляцца за сем'і, за сужонкаў, якія сёлета адзначаюць юбілейную дату свайго шлюбу.

28 чэрвеня ў парафіі Беззаганнага Сэрца Марыі ў Оршы адбыліся тры значныя падзеі для яшчэ маладой парафіі: першая — візіт біскупа Алега Буткевіча як Пастыра Віцебскай дыяцэзіі, другая — удзяленне сакрамэнту Канфірмацыі і асвячэнне вуглавога каменя пад новую святыню.

Чарговыя дзіцячыя рэкалекцыі адбыліся ў парафіі Святой Тройцы ў Докшыцах. Больш за сто чалавек удзельнічала  ў канікулах з Богам. Дзеці з Мінска, Наваполацка, Глыбокага, Бярозаўкі, Маладзечна, Гродна, Слоніма, а ў асноўным з Докшыц, пад  кіраўніцтвам а. Віталія Юркевіча OFMCap і с. Маргарыты Аўгустын, разважалі на тэму малітвы «Ойча наш».

У Віцебску 21 чэрвеня вернікі з розных парафій дыяцэзіі ўдзельнчалі ў Эўхарыстычнай працэсіі, якая традыцыйна адбываецца з нагоды ўрачыстасці Найсвяцейшага Цела і Крыві Езуса Хрыста, але не ў чацвер, а ў нядзелю. Эўхарыстычную працэсію ўзначаліў біскуп Віцебскай дыяцэзіі Алег Буткевіч.

15 чэрвеня біскуп Віцебскі Алег Буткевіч удзяліў сакрамэнт канфірмацыі 120 вернікам у парафіі Святой Тройцы ў Глыбокім. У гэты дзень парафія святкавала адпустовую ўрачыстасць.

У адпаведнасці з планам працы культурна-рэлігійнага цэнтра пры катэдральным касцёле Езуса Міласэрнага ў Віцебску адбылася экскурсія па адметных мясцінах горада. Яе пачаткам стала наведванне адной з самых старых з наяўных у абласным цэнтры каталіцкіх святыняў – касцёла святой Барбары.