«Санктуарыі — гэта багатая рэлігійная, духоўна-культурная і
матэрыяльная спадчына Касцёла і народа. Кожны з іх мае ўласны воблік,
сфармаваны прадметамі культу, асаблівасцю ваколіц, духоўнымі патрэбамі
жыхароў і іншымі абумоўленасцямі, а таксама выконвае важную ролю ў
жыцці мясцовай парафіі, ваколіцы, рэгіёну». (статут 723 §2)
Інстытут тэалогіі БДУ запрашае на вучобу хрысціянскую моладзь
Дзяржаўная ўстанова «Інстытут тэалогіі імя святых Мяфодзія і Кірыла» БДУ запрашае на вучобу хрысціянскую моладзь. Дзень адчыненых дзвярэй адбудзецца 29 сакавіка 2010 г. у 14.00 у будынку ўстановы па адрасе: (аўдыторыя 307).
28 сакавіка 2010 г., у Пальмовую нядзелю, у парафіі Святога Апостала Андрэя ў Лынтупах (Віцебская дыяцэзія, Пастаўскі дэканат) адбудзецца містэрыя Мукі Пана. Паказ распачнецца а 16-й гадзіне каля касцёла.
14 сакавіка 2010 г., у IV Нядзелю Вялікага посту, музычны гурт «Небасхіл» запрашае прыняць удзел у музычным разважанні. Малітоўнай атмасферы будзе спрыяць характар выканання музычных песень і падрыхтаваныя да іх каментарыі.
Нацыянальны санктуарый у Будславе займае цэнтральнае месца ў жыцці Касцёла на Беларусі. Абраз Маці Божай Будслаўскай — Апякункі Беларусі — як цудадзейны ўпершыню ўзгадваецца ў 1617 г. Галоўная ўрачыстасць святкуецца 2 ліпеня.
У дыяцэзіяльным санктуарыі Маці Божай у Тракелях ушаноўваецца цудадзейныны абраз Маці Божай Тракельскай. У 1994 г. біскуп Аляксандр Кашкевіч пастанавіў адзначаць свята цудадзейнага абраза Маці Божай Тракельскай у першую нядзелю ліпеня як дыяцэзіяльную ўрачыстасць. У Тракелі ладзяцца штогадовыя пілігрымкі.
Санктуарый Маці Божай ў Лагішыне абвешчаны дыяцэзіяльным, у якім ушаноўваецца цудадзейны абраз Маці Божай Лагішынскай, Каралевы Палесся. Галоўная ўрачыстасць святкуецца 10 мая.
Гудагайскі касцёл Адведзінаў Найсвяцейшай Панны Марыі славіцца абразом Маці Божай Гудагайскай, культ ушанавання якога звязаны са шкаплерным набажэнствам. Галоўная ўрачыстасць святкуецца 16 ліпеня.
Гродзенскай катэдры наданы тытул Малой Базылікі, у якой знаходзіцца цудатворны абраз Маці Божай Кангрэгацкай (Студэнцкай). Галоўная ўрачыстасць святкуецца 5 жніўня.
У санктуарыі Маці Божай у Брэсце ушаноўваецца славуты цудамі абраз Маці Божай Берасцейскай — Маці-Выратавальніцы, які з’яўляецца копіяй абраза Маці Божай з рымскай базылікі Santa Maria Maggiore. Галоўная ўрачыстасць святкуецца ў апошнюю нядзелю чэрвеня.
Дыяцэзіяльны санктуарый Маці Божай у Браславе звязаны з культам абраза Маці Божай Валадаркі Азёраў. Галоўная ўрачыстасць святкуецца 8 верасня (22 жніўня).
