Запрашаем дзяцей, моладзь, бацькоў і катэхетаў у аднадзённую пілігрымку ў Капцёўку (Гродзенская дыяцэзія), якая адбудзецца 19 верасня 2010 г. Пілігрымка з Гродна на пагорак Надзеі адбудзецца з нагоды новага навучальнага і катэхетычнага года, а яе дэвізам стануць словы «Марыя — наша настаўніца».
Парафія на Каменнай Горцы запрашае на набажэнствы ў гонар Маці Божай Будслаўскай
У капліцы на Каменнай Горцы ў Мінску 2-га чысла кожнага месяца ў 18.00 адбываюцца набажэнствы да Маці Божай Будслаўскай. У снежні гг. споўніцца два гады з таго часу, як парафіяне і вернікі іншых парафій атрымалі магчымасць маліцца перад копіяй абраза Маці Божай з будслаўскага санктуарыя.
Запрашаем катэхетаў Гродзенскай дыяцэзіі на рэкалекцыі
Аддзел навучання і выхавання пры курыі Гродзенскай дыяцэзіі сардэчна запрашае катэхетаў дыяцэзіі на рэкалекцыі перад распачаццем новага катэхетычнага года.
Сумеснае выступленне перад 12-мільённай аўдыторыяй Мітрапаліта Мінскага і Слуцкага Філарэта і старшыні Рады Канферэнцыі Каталіцкіх Біскупаў Еўропы кардынала Петэра Эрдо падчас ХХХІ Мітынгу дружбы народаў, які праходзіў у Рыміні (Італія) 22–28 жніўня 2010 г., стала адной з галоўных падзеяў мерапрыемства. Такое меркаванне выказала Джаванна Паравічыні, адна з арганізатараў форуму, член фонду «Хрысціянская Расія».
У праваслаўных храмах нашай краіны сёння адбываюцца малебны аб настаўніках і вучнях. Аб гэтым агенцтву БЕЛТА паведамілі ў Беларускім экзархаце.
Рэспубліканская навукова-асветніцкая экспедыцыя «Дарога да святыняў» з Жыватворным агнём ад Гробу Панскага па традыцыі адкрые мерапрыемствы Дня беларускай пісьменнасці. Экспедыцыя выправіцца з Мінска 1 верасня 2010 г. і наведае святыя мясціны Мінскай, Брэсцкай і Гомельскай абласцей.
Спіс іконы «Усецарыца», зроблены афонскімі манахамі і асвячоны на Святой гары, даставяць у Беларусь 31 жніўня 2010 г., у дзень аб’яўлення вобразу. Спіс іконы будзе знаходзіцца ў Свята-Міхайлаўскай царкве-крэпасці вёскі Сынкавічы (Гродзенская вобласць).
23 жніўня 2010 г. на ХХХІ Мітынгу дружбы народаў у Рыміні (Італія) Мітрапаліт Мінскі і Слуцкі Філарэт, Патрыяршы Экзарх усяе Беларусі, выказаў меркаванне, што «ўжо надышоў час для сустрэчы паміж Папам Рымскім і Патрыярхам Маскоўскім. Яна можа адбыцца ўжо ў 2011 годзе, бо я, у прынцыпе, не бачу для гэтага ніякіх перашкод».
23 жніўня 2010 г. Мітрапаліт Мінскі і Слуцкі Філарэт, Патрыяршы Экзарх усяе Беларусі, выступіў з дакладам на буйнейшым хрысціянскім еўрапейскім форуме — ХХХІ Мітынгу дружбы народаў у Рыміні (Італія). Даклад кіраўніка Беларускай Праваслаўнай Царквы быў прысвечаны тэме «Ці можа сучасны адукаваны еўрапеец верыць у рэальнасць Езуса Хрыста, Сына Божага?».
Як паведаміў інфармацыйнаму агенцтву «Интерфакс» старшыня ўпраўлення агульнай сярэдняй адукацыі Міністэрства адукацыі Рэспублікі Беларусь Юрый Гладкоў, асновы праваслаўнай культуры ў беларускіх агульнаадукацыйных школах будуць вывучацца факультатыўна і па жаданні.
З 1 па 5 жніўня 2010 г. у Беларусі пабывалі ўдзельнікі ІІІ Міжнароднага з’езду «Садружнасць праваслаўнай моладзі». Садружнасць утворана ў 2008 г. пры Курскай епархіі Рускай Праваслаўнай Царквы і мае на мэце наладжванне ўстойлівых сувязяў, шматбаковага супрацоўніцтва і духоўнай блізкасці паміж праваслаўнай моладдзю ўсяго свету.
1 жніўня 2010 г., у нядзелю, напярэдадні дня памяці св. прарока Іллі, які адзначаюць праваслаўныя хрысціяне, у Бабруйскай епархіі адбыўся паветраны Крыжовы шлях. Святары на самалёце абляцелі Бабруйск з Казанскай іконай Маці Божай. Аб гэтым агенцтву «Интерфакс» паведамілі ў Бабруйскай епархіі Беларускай Праваслаўнай Царквы.
Каля 70 даследчыкаў Новага Запавету збіраюцца прыехаць у Мінск для ўдзелу ва Усходнееўрапейскім міжнародным сімпозіуме, які пройдзе ў сталіцы з 2 па 9 верасня 2010 г. Аб гэтым агенцтву «Интерфакс» паведамілі ў прэс-службе Беларускага экзархату.
Экспазіцыя Сафійскага сабора ў Полацку папоўніцца новымі археалагічнымі экспанатамі. Па інфармацыі агенцтва БелТА, у падвале храма былі знойдзены новыя творы.
З 17 па 25 ліпеня 2010 г. па благаслаўленні Мітрапаліта Мінскага і Слуцкага Філарэта, Патрыяршага Экзарха ўсяе Беларусі, адбудзецца VIII Міжнародны фестываль праваслаўнай моладзевай культуры «Браты». Фестываль будзе праходзіць у палатачным гарадку, непадалёк ад Сілічаў. Чакаецца ўдзел маладых людзей з Беларусі, Расіі, Украіны, Сербіі. 
15 ліпеня 2010 г. у прыходскім доме Свята-Георгіеўскай царквы Бабруйска адбудзецца семінар для святароў Бабруйскай епархіі на тэму «Тэхніка маўлення». 
8 ліпеня 2010 г. у другі раз у Мінску адзначаўся Дзень сям’і, любові і вернасці. У рамках акцыі «Да шчаслівай сям’і разам з Пятром і Феўронняй» праваслаўныя валанцёры раздавалі прахожым рамонкі і брашуры з апісаннем жыцця святых апекуноў сям’і і сужэнства. 
Па благаслаўленні Мітрапаліта Мінскага і Слуцкага Філарэта, Патрыяршага Экзарха ўсяе Беларусі, 8 ліпеня 2010 г. у Мінску плануецца правядзенне гарадскога свята-акцыі «Да шчаслівай сям’і разам з Пятром і Феўронняй», прысвечанага Дню сям’і, любові і вернасці. 
