Catholic.by - У Оршы асвяцілі вуглавы камень пад будаўніцтва касцёла

Гэта архіў старой версіі сайта. Новая версія знаходзіцца па адрасе catholic.by

У Оршы асвяцілі вуглавы камень пад будаўніцтва касцёла

30.06.2014 16:07

28 чэрвеня ў парафіі Беззаганнага Сэрца Марыі ў Оршы адбыліся тры значныя падзеі для яшчэ маладой парафіі: першая — візіт біскупа Алега Буткевіча як Пастыра Віцебскай дыяцэзіі, другая — удзяленне сакрамэнту Канфірмацыі і асвячэнне вуглавога каменя пад новую святыню.

У Оршы існуе яшчэ парафія св. Юзафа, якой апякуюцца айцы-марыяне. 5 год таму ў парафію Беззаганнага Сэрца Марыі, якая была створана ў 2001 годзе, быў накіраваны малады святар, кс. Валерый Орсік. Ён адразу бярэ працяг ад мінулых пробашчаў будовы «святыні» ў сэрцах вернікаў, у сэрцы парафіі. Праз тры гады свайго служэння, ён распачынае будову новай святыні, але ўжо цаглянага будынка.

Фундамент закладзены, сцены напалову ўзведзены. Наступіў доўгачаканы момант — асвячэнне вуглавога каменя і закладка капсулы. На парафіяльную ўрачыстасць сабраліся святары з Аршанскага дэканату, законныя сёстры, парафіяне і госці, якія прыйшлі раздзяліць радасць з нагоды такой значнай падзеі.

Напрыканцы святой Імшы, кс. Валерый Орсік зачытаў «Акт аб будаўніцтве новай святыні», пасля чаго біскуп Алег Буткевіч разам з усімі прысутнымі святарамі падпісаў гэты дакумент. На заканчэнне адбылося выстаўленне Найсвяцейшага Сакрамэнту і Эўхарыстычная працэсія накіравалася да сцен новай святыні, дзе Віцебскі Ардынарый разам з пробашчам парафіі заклалі капсулу ў новую Божую святыню.

Паводле catholicnews.by

для друку

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50	Біскуп Алег Буткевіч памаліўся за ахвяраў Беразвецкай трагедыі
26.06 16:36	У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17	«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33	Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49	На Браслаўшчыне знайшоўся старадаўні абразок з малітвай на беларускай лацінцы
13.06 16:48	«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05	Сведчанне веры: працэсія Божага Цела прайшла вуліцамі Віцебска
12.06 10:14	У Віцебску абмеркавалі праблемы ўрачэбнай этыкі
05.06 17:35	Брат Канстанцін Гушча МІС з Наваполацка атрымаў дыяканскае пасвячэнне
02.06 08:48	Беларус Яўген Жукоўскі прыняў дыяканскае пасвячэнне ў супольнасці сальватарыянаў