Парафіяда «Тэатр – Святыня – Спорт» адбудзецца ў Івянцы
18–21 жніўня 2010 г. у Івянцы адбудзецца Парафіяда Мінска-Магілёўскай архідыяцэзіі пад назвай «Тэатр – Святыня – Спорт». Да ўдзелу запрашаецца моладзь 14–17 гадоў.
8 жніўня 2010 г. у парафіі Беззаганнага Сэрца Марыі ў Оршы (Віцебскі дэканат) адбудзецца сустрэча байкераў з усяго свету. Акрамя гэтага, сваю праграму прадставіць гістарычны клуб «Мансельвант», удзельнікі мерапрыемства сустрэнуцца як з раннім класіцызмам, так і з сучасным рокам, выступяць са сваімі спевамі дзеці і моладзь.
Запрашаем у пілігрымку па маршруце Кракаў — Велеград — Прага — Вена — Браціслава
Каардынатар пілігрымак у Віцебскай дыяцэзіі пробашч парафіі Святога Язафата Кунцэвіча ў Расонах кс. Вячаслаў Барок шчыра запрашае ўсіх жадаючых у чарговае падарожжа. Пілігрымка па маршруце Кракаў — Велеград — Прага — Вена — Браціслава адбудзецца з 9 па 16 жніўня 2010г.
У чаканні сюрпрызаў многія ехалі на парафіяльнае свята — фэст Святой Ганны, які адбыўся ў парафіі Святога Юды Тадэвуша ў Лучаі (Віцебская дыяцэзія) у суботу, 24 ліпеня 2010 г. Кожны раз лучайская святыня радуе гасцей чымсьці новым, спрыяе таму, каб адпачыць душой.
З 15 па 24 ліпеня 2010 г. у Бягомлі (Віцебская дыяцэзія, Докшыцкі дэканат) адбыўся філасофска-філалагічны летнік пад назвай «Вяртанне да крыніц». «Крыніцамі», да якіх удзельнікі намагаліся вярнуцца, былі старажытнагрэчаскія філасофскія творы, якія поруч з іудзейска-хрысціянскай рэлігійна-культурнай традыцыяй і рымскай юрыдычнай думкай утвараюць аснову еўраатлантычнай цывілізацыі.
З 13 па 17 ліпеня 2010 г. пры касцёле святой Барбары г. Віцебска прайшоў семінар для святароў, якія жадаюць навучыцца цэлебраваць Імшу паводле Рымскага Імшала благаслаўлёнага папы Яна XXIII ад 1962 г. — так званую трыдэнцкую Імшу. 
4 ліпеня 2010 г. у парафіі Святога Юды Тадэвуша (Віцебская дыяцэзія, Пастаўскі дэканат) пасяліліся цікавыя госці — мастакі, бо тут праводзіўся шосты мастацкі пленэр «У пошуках Атлантыды». Такія пленэры звычайна ладзяцца ў невялікіх мястэчках, дзе ёсць архітэктурныя помнікі, якія патрабуюць рэстаўрацыі, або іншыя мясцовыя адметнасці, якія варта захаваць для нашчадкаў. Крыніцай натхнення для мастакоў стаў помнік архітэктуры XVIII ст. — касцёл св. Юды Тадэвуша, пабудаваны ў 1766–1776 гг., і мясцовае возера са сваім непаўторным пейзажам.
4 ліпеня 2010 г. парафія ў Слабодцы (Браслаўскі дэканат) адзначыла сваю парафіяльную ўрачыстасць Божага Провіду. Нягледзечы на тое, што парафія ахоплівае дастаткова вялікую тэрыторыю (да яе адносяцца 68 вёсак, тры капліцы і два душпастырскія пункты),яе вернікі разам сабраліся ў парафіяльнай святыні на ўрачыстую святую Імшу, якую ўзначаліў біскуп Віцебскі Уладзіслаў Блін.
3 ліпеня 2010 г. у парафіі Езуса Міласэрнага ў Віцебску адбылося ўрачыстае заканчэнне перэгрынацыі копіі Турынскай Плашчаніцы. Святую Імшу ўзначаліў кс. Валеры Орсік, дэкан Аршанскі. У літургіі прынялі таксама ўдзел кс. Анджэй Каліцяк SDS і кс. Тадэвуш Кахановіч SDS з парафіі Святога Духа ў Віцебску.
24 чэрвеня 2010 г., ва ўрачыстасць Нараджэння св. Яна Хрысціцеля, у віцебскай катэдры св. Барбары адбылося святарскае пасвячэнне. Біскуп Віцебскі Уладзіслаў Блін удзяліў сакрамэнт святарства дыякану Пятру Рудкоўскаму ОР, які застанецца працаваць у Віцебску.
З 19 па 27 чэвеня 2010 г. моладзь парафіі Найсвяцейшай Тройцы (Глыбокае, Віцебская дыяцэзія) супольна перажывала частку сваіх канікулаў з Богам у летнім лагеры «Надзея» ў Пятроўшчыне, што каля Глыбокага. Хлопцы і дзяўчаты разважалі над асновамі веры, грэшнасцю чалавека і Божым дарам Збаўлення. Штодзённая святая Імша, малітва падзякі і перапрашэння ўмацоўвала ў маладых людзях імкненне да святасці. 
Месяц таму ў касцёле Найсвяцейшага Сэрца Пана Езуса ў Наваполацку (Віцебская дыяцэзія) з’явіўся абраз Апошняй Вячэры, напісаны беларускім мастаком Валяр'янам Янушкевічам. 20 чэрвеня 2010 г. гэты абраз асвяціў біскуп Віцебскі Уладзіслаў Блін.
20 чэрвеня 2010 г. Віцебск сустракаў копію Турынскай Плашчаніцы, каб распачаць перэгрынацыю рэліквіі па найбуйнейшых парафіях дыяцэзіі. У свеце існуе 7 поўнамаштабных копій Турынскага савана, адна з якіх з 2002 г. знаходзіцца у Беларусі ў мінскім касцёле св. Сымона і св. Алены.
20 чэрвеня 2010 г. у парафіі Езуса Міласэрнага ў Віцебску адбудзецца ўрачыстае распачацце перэгрынацыі копіі Турынскай Плашчаніцы па ўсходняй частцы Віцебскай дыяцэзіі і яе найбуйнейшых парафіях. Завяршэнне пілігрымавання копіі рэліквіі плануецца на восень.
13 чэрвеня 2010 г. у касцёле Беззаганнага Сэрца Марыі ў Оршы (Віцебская дыяцэзія) адбылася парафіяльная ўрачыстасць. На гэты дзень прыпала яшчэ адна радасная падзея — рэгістрацыя надзелу пад будаўніцтва касцёла. Да аршанскіх душпастыраў і вернікаў далучыліся шматлікія госці з розных куткоў Беларусі. Ва ўрачыстасці прынялі ўдзел больш за 100 чалавек.
11–13 чэрвеня 2010 г. у Браславе (Віцебская дыяцэзія) адбылася ўжо другая ў гэтым годзе фармацыйная сустрэча для кансэкраваных і свецкіх асобаў. Мерапрыемства было арганізавана ксяндзамі сальватарыянамі ў супрацоўніцтве з Рэкалекцыйным домам сясцёр эўхарыстак у Браславе.
Адной з адпустовых урачыстасцяў у парафіі Божага Провіду ў Слабодцы (Віцебская дыяцэзія, Браслаўскі дэканат) з’яўляецца ўрачыстасць Найсвяцейшага Сэрца Езуса. Па традыцыі малітоўнае чуванне з гэтай нагоды адбываецца на працягу трох дзён. Сёлета яно распачалося ў пятніцу 11 чэрвеня 2010 г. 
