«Новы літургічны год, які распачынаецца ў першую нядзелю Адвэнту, уводзіць нас у таямніцу прыйсця ў гэты свет Езуса Хрыста, нашага Збаўцы. Адвэнт рыхтуе нас да святаў Божага Нараджэння, нагадвае аб перспектыве паўторнага прыйсця ў свет Божага Сына», — адзначае біскуп Антоні Дзям’янка.

«На парозе Адвэнту я заахвочваю кожнага з вас, дарагія браты і сёстры, глыбока і плённа перажыць гэты час падрыхтоўкі да сустрэчы з Хрыстом у таямніцы Яго нараджэння. Трывайма ў нашым адвэнтавым чаканні ў духу чування і навяртання», — піша біскуп Гродзенскі Аляксандр Кашкевіч.

«Дарагі брат і сястра, учыні Адвэнт, які распачынаецца, часам твайго духоўнага адраджэння, адчыні дзверы свайго сэрца і дазволь Езусу ўвайсці ў яго самыя цёмныя закуткі, каб Ён вычысціў твой духоўны дом ад усялякай грахоўнай нячыстасці і ўчыніў цябе ўдзельнікам Яго абяцанняў», — адзначае Мітрапаліт у пасланні.

«Opus Dei» (Справа Божая) — персанальная прэлатура Каталіцкага Касцёла, якая дзейнічае ў 80 краінах і налічвае больш за 90 тысяч членаў. Калі казаць пра найбольш геаграфічна блізкія да Беларусі краіны, арганізацыя дзейнічае ў Польшчы, Літве, Латвіі, Расіі, Казахстане, існуе і шукае рэалізацыі ідэя стварэння цэнтру «Opus Dei» ва Украіне. У Беларусі пакуль можна толькі набыць кнігі, напісаныя святым Хосэмарыяй Эскрыва — заснавальнікам арганізацыі.

Спорт здольны кансалідаваць і прабачаць, калі нясе ў сабе хрысціянскія каштоўнасці. Такую думку выказаў Мітрапаліт Мінска-Магілёўскі арцыбіскуп Тадэвуш Кандрусевіч падчас ІІІ Чэмпіянату па міні-футболе сярод святароў, які 24 лістапада прайшоў у Маладзечне.

У Мінску завяршыўся семінар «Праблема бясплоднасці і шляхі яе вырашэння», які праходзіў у касцёле свв. Сымона і Алены 22 лістапада. Папярэднічала семінару святая Імша, якую ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.

«У гэтым годзе мы адзначаем 20-годдзе часопіса «Ave Maria». Гэты юбілей схіляе нас да таго, каб скласці Богу падзяку за ўсё дабро, якое праз мудрае каталіцкае слова штомесяц уваходзіць як жаданы госць у нашыя дамы і ў нашае жыццё», — адзначае біскуп Аляксандр Кашкевіч.

Турнір пройдзе ў Маладзечне 24 лістапада. Удзел у ім пацвердзілі ўсе чатыры дыяцэзіі Беларусі. Удзельнікам чэмпіяната ў трэці раз стане і Мітрапаліт Мінска-Магілёўскі арцыбіскуп Тадэвуш Кандрусевіч.

16 лістапада ў Вільні завяршылася актава малітваў да Маці Божай Вастрабрамскай, у якой некалькі разоў цэлебраваліся святыя Імшы на беларускай мове з удзелам вернікаў з Беларусі. У апошні дзень актавы ва ўрачыстасцях прыняў удзел Мітрапаліт Мінска-Магілёўскі арцыбіскуп Тадэвуш Кандрусевіч, які звярнуўся да некалькіх тысяч вернікаў з акна Вастрабрамскай капліцы.

Біскупы з дзевяці краін свету, у ліку якіх і беларусы — дапаможны біскуп Мінска-Магілёўскай архідыяцэзіі Юрый Касабуцкі і дапаможны біскуп Гродзенскай дыяцэзіі Юзаф Станеўскі — прынялі ўдзел у канферэнцыі «Кіраванне крызісам», якая прайшла ў Еўрапейскім Цэнтры камунікацыі і культуры ў Варшаве.

8 лістапада біскуп Пінскі Антоні Дзям’янка прыняў удзел у канферэнцыі «Сведка веры» ў Драгічыне над Бугам (Польшча), прысвечанай кардыналу Казіміру Свёнтку з нагоды 100-годдзя яго нараджэння. Пінскі ардынарый выступіў на канферэнцыі з рэфератам.

У гэтым годзе Шанштацкі рух адзначае 100-годдзе заснавання. У многіх краінах свету, дзе дзейнічае рух, праходзяць юбілейныя ўрачыстасці. На цэнтральныя і адначасова міжнародныя ўрачыстасці, якія адбываюцца з 24 па 27 кастрычніка ў Рыме, быў запрошаны Мітрапаліт Мінска-Магілёўскі арцыбіскуп Тадэвуш Кандрусевіч, які звязаны з гэтым рухам больш за 25 гадоў.

«Асаблівым выразам удзячнасці за гады святарскага жыцця і пастырскага служэння будзе Эўхарыстыя, якую шаноўны юбіляр будзе цэлебраваць у архікатэдральным касцёле ў Мінску 28 кастрычніка ў 18.30. Сардэчна запрашаем духавенства і свецкіх вернікаў да ўдзелу ў гэтай радаснай падзяцы», — адзначае старшыня Канферэнцыі Каталіцкіх Біскупаў Беларусі біскуп Аляксандр Кашкевіч.

19 кастрычніка супольнасць парафіі Маці Божай Фацімскай у Цехануве (Польшча) адзначала адпустовую ўрачыстасць у гонар св. Яна Паўла ІІ, апекуна парафіі. Гэты касцёл — першая ў Польшчы святыня, апекуном якой стаў Вялікі Папа. Урачыстасць узначаліў старшыня Канферэнцыі Каталіцкіх Біскупаў Беларусі біскуп Гродзенскі Аляксандр Кашкевіч.