Восенню 2014 г. у Ватыкане пройдзе Сінод Біскупаў, прысвечаны праблемам сям’і, на якім будзе прысутнічаць і прадстаўнік епіскапату Беларусі, яго старшыня біскуп Аляксандр Кашкевіч. Актыўная падрыхтоўка да Сінода ідзе ўвесь год – мясцовым Касцёлам трэба вызначыць стан сучаснай сям’і, выклікі, з якімі яна сутыкаецца, і шляхі пераадолення праблем, у тым ліку патэнцыял Касцёла, які можа дапамагчы ў іх вырашэнні. Пры Канферэнцыі Каталіцкіх Біскупаў Беларусі існуе Рада па справах сям’і, прадстаўнікі з кожнай дыяцэзіі сустракаюцца некалькі разоў у год.

Мітрапаліт Мінска-Магілёўскі арцыбіскуп Тадэвуш Кандрусевіч лічыць кананізацыю двух Пантыфікаў падзеяй нештодзённай, бо “Ян Павел ІІ быў вельмі моцна звязаны з Беларуссю”, а Ян ХХІІІ паспрыяў адраджэнню і абнаўленню мясцовага Касцёла праз Другі Ватыканскі Сабор.

Апостальскі Нунцый у Беларусі арцыбіскуп Клаўдыё Гуджэроцці даў інтэрв'ю, якое было запісана для праграм радыё "Беларусь" Беларускага радыё Нацыянальнай дзяржаўнай тэлерадыёкампаніі Рэспублікі Беларусь, якое вяшчае для слухачоў беларускага замежжа.

Удзень 20 красавіка Апостальскі Нунцый у Беларусі арцыбіскуп Клаўдыё Гуджэроцці ўзначаліў урачыстую Імшу ў мінскай архікатэдры Імя Найсвяцейшай Панны Марыі. Касцёл святкуе ў гэты дзень Уваскрасенне Пана.

“Беларусь, Хрыстус уваскрос! Мы адчуваем сябе адным народам і паважаем адзін аднаго, не выключаючы нікога, бо ўсе мы збаўленыя, нават калі мы гэтага не ўсведамляем. Мы разам збаўленыя”, - піша Апостальскі Нунцый.

19 красавіка, у Вялікую суботу, Мітрапаліт Мінска-Магілёўскі арцыбіскуп Тадэвуш Кандрусевіч і Апостальскі Нунцый у Беларусі арцыбіскуп Клаўдыё Гуджэроцці благаславілі стравы на велікодны стол і памаліліся разам з вернікамі ў некалькіх парафіях.

«“Хрыстус уваскрос! – Сапраўды ўваскрос!” Няма больш радаснай весткі, якой чалавек мог бы падзяліцца з іншымі. І я маю вялікі гонар дзяліцца сёння з вамі гэтай радаснай навіной упершыню як ваш біскуп. Раблю гэта з пачуццём радасці і адначасова вялікай адказнасці, якую прыняў на сябе, калі згадзіўся на прапанову Папы Францішка стаць ардынарыем нашай Віцебскай дыяцэзіі», - піша біскуп Віцебскі.

“Мы ўвесь час нанова перажываем найважнейшую праўду хрысціянскай веры: Хрыстус Уваскрос! У Яго муках, пакутах і смерці на крыжы Бог аб’явіў нам таямніцу сваёй бясконцай любові да кожнага чалавека”, - адзначае біскуп Гродзенскі.

“Нават калі б у гісторыі чалавека і ў часы, у якія ён жыве, узмацнялася зло, то ўсё ж такі Езус, Пасхальная Ахвяра і Беззаганны Баранак, здабывае для яго перамогу. Трыумф Уваскрослага Пана становіцца нашай перамогай і адкрывае нам дарогу да пасхальнага жыцця разам з усім Божым людам”, - піша біскуп.

16 красавіка ў Міністэрстве спорту і турызму Рэспублікі Беларусь адбылася сустрэча Мітрапаліта Мінска-Магілёўскага арцыбіскупа Тадэвуша Кандрусевіча і настаяцеля салезіянскай рэлігійнай місіі "Таварыства св. Францішка Сальскага" кс. Віктара Гайдукевіча з прадстаўнікамі міністэрства. На сустрэчы Мітрапаліт прадставіў ідэю арганізаваць у 2015 годзе для дзяцей і моладзі 12-гадзінныя спаборніцтвы па футболе, валейболе і яшчэ адным відзе спорту на выбар.

На Пасхальны Трыдуум і велікодныя святы дапаможны біскуп Мінска-Магілёўскай архідыяцэзіі Юрый Касабуцкі будзе цэлебраваць святыя Імшы ў касцёлах Магілёва. Літургію велікоднай вігіліі іерарх узначаліць у парафіі Унебаўзяцця Найсвяцейшай Панны Марыі і св. Станіслава.

14 красавіка Апостальскі Нунцый у Беларусі арцыбіскуп Клаўдыё Гуджэроцці нанёс візіт Мітрапаліту Мінскаму і Слуцкаму Паўлу, Патрыяршаму Экзарху ўсяе Беларусі. Падчас доўгай братняй размовы былі абмеркаваны канкрэтныя ініцыятывы супрацоўніцтва паміж Каталіцкім Касцёлам і Праваслаўнай Царквой у Беларусі.

“Уваскрасенне Хрыста з’яўляецца ажыўляючым глытком свежага паветра як у нашым асабістым жыцці, так і ў адносінах паміж людзьмі, каб там, дзе дзьме вецер злосці і нянавісці, запанавала згода; дзе пануе варожасць, настаў мір; дзе прыніжэнне – пашана, - адзначае Мітрапаліт. - Глыток свежага паветра на самой справе магчымы, бо ўваскрослы Хрыстус ёсць крыніцай надзеі, падобна як святло ў цемры”.

З 31 cакавіка па 3 красавіка ў Еўрапейскім цэнтры камунікацыі і культуры ў Варшаве (Польшча), які ўзначальваюць айцы езуіты, адбыўся семінар на тэму, як паводзіць сябе з мас-медыя ў крызісных сітуацыях. На семінары, арганізаваным Канферэнцыяй Біскупаў ЗША і Еўрапейскім цэнтрам камунікацыі і культуры, Беларусь прадстаўлялі Мітрапаліт Мінска-Магілёўскі арцыбіскуп Тадэвуш Кандрусевіч, старшыня ККББ біскуп Гродзенскі Аляксандр Кашкевіч і біскуп Пінскі Антоні Дзям’янка.

Апостальскі Нунцый у Беларусі арцыбіскуп Клаўдыё Гуджэроцці выказаў заклапочанасць сітуацыяй у Кесабе (Сірыя) - горадзе з армянскім насельніцтвам каля мяжы з Турцыяй. Некалькі дзён таму мясцовасць падвергнулася нападу ўзброеных людзей з турэцкай тэрыторыі. У сувязі з небяспекай для жыцця многія жыхары Кесаба былі вымушаны пакінуць свае дамы і шукаць прытулку ў іншых сірыйскіх гарадах.