6 жніўня Каталіцкі Касцёл адзначае свята Перамянення Пана. Як апавядаецца ў літургічным чытанні на гэты дзень, Хрыстус прывёў сваіх вучняў (Пятра, Якуба і Яна) на гару Табор, дзе перамяніўся перад апосталамі: твар Яго заззяў, а адзенне стала асляпляльна белым.
1 жніўня адзначаецца 70-годдзе мучаніцкай смерці благаслаўлёных сясцёр назарэтанак з Навагрудка, якія ў гады вайны аддалі жыццё за бацькаў сем’яў і за кс. Аляксандра Зянкевіча. Сястра Марыя Стэлла і дзесяць іншых сясцёр былі расстраляны 1 жніўня 1943 г. у лесе каля Навагрудка. У жывых засталася сястра Малгажата, якая пасля гібелі сваіх паплечніц працягвала весці жыццё, поўнае веры і прысвячэння бліжнім. Catholic.by паразмаўляў з дзвюма назарэтанкамі — с. Даніэляй і с. Галінай.
22 ліпеня ў Івянцы распачалася чарговая «Музычная майстэрня». Музыка і спевы — гэта сапраўднае майстэрства. А касцёльныя песні часам як лекі для душы. У многіх з нас ёсць і свае любімыя песні. Вось толькі ці ведаем мы, хто іх напісаў? Сёння мы гутарым з ксяндзом Сяргеем Бараўнёвым, пробашчам парафіі Св. Роха ў Палачанах, аўтарам песні «Малюся за цябе, Беларусь».
Кардынал Жан-Луі Таран, старшыня Папскай рады па міжрэлігійным дыялогу, з 3 па 8 ліпеня знаходзіўся з візітам у Беларусі. У якасці спецыяльнага Пасланца Папы іерарх прыняў удзел ва ўрачыстасцях з нагоды 400-годдзя знаходжання ў Беларусі абраза Найсвяцейшай Панны Марыі, што захоўваецца ў Нацыянальным санктуарыі ў Будславе.
Кожны год навучэнцы пятага курса Вышэйшай духоўнай семінарыі ў Гродне праходзяць практыку ў парафіях дыяцэзіі, каб набрацца вопыту, паглядзець уласнымі вачыма на служэнне святара, прымяніць у жыцці набытыя ў семінарыі веды. Семінарыст Юрый Садоўскі праходзіў у гэтым годзе практыку ў гродзенскай парафіі Св. Францішка Ксавэрыя. Ён падзяліўся сваімі ўражаннямі і сведчаннем аб спробе данесці Хрыста людзям.
26–28 ліпеня 2013 г. у Івянцы пройдзе ўжо ІІІ Усебеларуская сустрэча моладзі. Сёлета яе ўдзельнікаў чакаюць цікавыя тэмы, дыялог з біскупамі, трансляцыя з Сусветнага дня моладзі ў Рыа-дэ-Жанейра, канцэрт а. Стэна Фартуна (ЗША). І гэта толькі некаторыя моманты. Больш падрабязна пазнаёміцца з ходам сустрэчы можна ў праграме. Дэвіз сустрэчы: «Ідзіце і навучайце ўсе народы» (Мц 28, 19).
Пра візіт у Беларусь папскага легата кардынала Жана-Луі Тарана і значэнне, якое меў гэты візіт для Касцёла ў Беларусі, Сatholic.by распавёў Мітрапаліт Мінска-Магілёўскі арцыбіскуп Тадэвуш Кандрусевіч.
3 30 чэрвеня па 5 ліпеня ў Будслаў будуць крочыць пілігрымы з Браслава. Сярод іх і Людміла Бурлевіч, карэспандэнт Catholic.by. Сваімі назіраннямі, а таксама навінамі, якія адбыліся ў пілігрымцы за дзень, яна будзе дзяліцца ў сваім анлайн-дзённіку.
Візіт у Беларусь кардынала Жана-Луі Тарана, старшыні Папскай рады па міжрэлігійным дыялогу, прайшоў дастаткова плённа. Легат Папы правёў сустрэчы на дзяржаўным узроўні, сустрэўся з Мітрапалітам Мінскім і Слуцкім Філарэтам, прыняў удзел у юбілейных урачыстасцях у Будславе. Кардынал адказаў таксама на пытанні Catholic.by.
2 ліпеня адзначаецца ўрачыстасць Найсвяцейшай Панны Марыі Будслаўскай, Апякункі Мінска-Магілёўскай архідыяцэзіі. У апошнія гады культ Маці Божай Будслаўскай, якую называюць Апякункай Беларусі, распаўсюдзіўся па ўсёй нашай краіне.
Год таму я трымала ў руках кнігу а. Ксаверыя Кнотца OFM Conv «Секс, які вы не ведаеце. Для сужэнскіх пар, якія любяць Бога». А сёлета гэты святар праводзіў у Мінску семінар для сужэнцаў. Некаторыя вытрымкі з семінара, а таксама поўная аўдыёверсія сустрэчы — у гэтым матэрыяле.