Як паведамляе партал Гродзенскай дыяцэзіі Grodnensis.by, Касцёл на Гродзеншчыне мае шмат прычын для ўдзячнасці Богу, бо 2018 стаў для яго годам, багатым на падзеі. Прапануем узгадаць галоўныя з іх.
НАБЫТКІ ГОДА
- Тэалагічны каледж
![](/3/images/news/2019/01/2019-01-02-1-nabytki.jpg)
Напрыканцы жніўня Гродзенская дыяцэзія атрымала пасведчанне аб дзяржаўнай рэгістрацыі «Тэалагічнага каледжа імя св. Казіміра» Гродзенскай дыяцэзіі Рыма-Каталіцкага Касцёла ў Рэспубліцы Беларусь. Галоўнай задачай духоўнай навучальнай установы з’яўляецца падрыхтоўка спецыялістаў для рэлігійнай дзейнасці ў Гродзенскай дыяцэзіі.
- Дом для маці ў цяжкіх жыццёвых абставінах
![](/3/images/news/2019/01/2019-01-02-2-nabytki.jpg)
17 мая ў Гродне адкрыўся першы ў Беларусі дом для маці, якія апынуліся ў цяжкіх жыццёвых абставінах, пад назвай «Дом для мамы — Назарэт». Заснавалі яго сёстры Кангрэгацыі Святой Сям’і з Назарэта.
- Інфармацыйна-турыстычны цэнтр Гродзенскай дыяцэзіі
![](/3/images/news/2019/01/2019-01-02-3-nabytki.jpg)
14 красавіка ў Гродне асвяцілі Інфармацыйна-турыстычны цэнтр Гродзенскай дыяцэзіі, які знаходзіцца пры пабрыгіцкім кляштары. Пасля афіцыйнага ўвядзення ў эксплуатацыю цэнтр будзе актыўна папулярызаваць турыстычны патэнцыял Гродзенскай дыяцэзіі.
- Дом міласэрнасці ў Каменцы
![](/3/images/news/2019/01/2019-01-02-4-nabytki.jpg)
22 лістапада біскуп Гродзенскі Аляксандр Кашкевіч здзейсніў благаслаўленне Дома міласэрнасці ў Каменцы (Шчучынскі дэканат), які ўдалося адрамантаваць і абсталяваць дзякуючы прыязнасці мясцовых уладаў, а таксама людзей з шырокім сэрцам. Домам апякуецца Кангрэгацыя Сясцёр Маці Божай Міласэрнасці (Вастрабрамскай).
- Санктуарый благаслаўлёных назарэтанак з Навагрудка
![](/3/images/news/2019/01/2018-06-28-f-stkjerhtyjr-13.jpg)
29 ліпеня фарны касцёл Перамянення Пана ў Навагрудку быў абвешчаны санктуарыем Гродзенскай дыяцэзіі благаслаўлёнай Марыі Стэлы і яе 10 паплечніц, мучаніц з Навагрудка.
ЮБІЛЕІ ГОДА
- 75-годдзе мучаніцтва бл. Мар’яны Бярнацкай і благаслаўлёных назарэтанак з Навагрудка
![](/3/images/news/2019/01/2018-07-28-forest-009.jpg)
У ліпені адзначалася 75-годдзе смерці благаслаўлёнай Мар’яны Бярнацкай і благаслаўлёных Марыі Стэлы і яе 10 паплечніц, мучаніц з Навагрудка, якія былі расстраляныя падчас Другой сусветнай вайны на тэрыторыі сённяшняй Гродзенскай дыяцэзіі.
- 400-годдзе найстарэйшай каталіцкай святыні Гродна
![](/3/images/news/2019/01/2018-06-13-gi-24135-120110-big.jpg)
13 чэрвеня адбыліся ўрачыстасці 400-годдзя кансэкрацыі касцёла Адшукання Святога Крыжа (пабернардынскі) у Гродне. Гэта найстарэйшая каталіцкая святыня ў горадзе над Нёманам пасля знішчанай у 1961 г. фары Вітаўта.
- 400-годдзе касцёла і кляштара ў Гальшанах
![](/3/images/news/2019/01/2017-07-18-galyshany-kascel-1422-13397.jpg)
23 чэрвеня ў Гальшанах адзначылі 400-годдзе касцёла і кляштара айцоў францішканаў, фундаваных Паўлам Стэфанам Сапегам, стайнікам Вялікага Княства Літоўскага і ашмянскім старастам, а пазней — літоўскім падканцлерам.
- 550-годдзе парафіі ў Астраўцы
![](/3/images/news/2019/01/2019-01-02-i8fy9f9uy0.jpg)
30 верасня ў Астраўцы святкавалі 550-годдзе ўтварэння парафіі, 200-годдзе святыні, 100-годдзе вяртання католікам касцёла свв. Космы і Дам’яна. Парафія была паклікана да існавання ў 1458 годзе. Сённяшняй святыні ў 2016 г. Пастановай Савета Міністраў РБ нададзены статус гісторыка-культурнай каштоўнасці Беларусі рэгіянальнага значэння.
- 300 гадоў прысутнасці на шчучынскай зямлі айцоў піяраў
![](/3/images/news/2019/01/2019-01-02-5-jubileusze.jpg)
13 кастрычніка Ордэн Духоўных Рэгулярных Убогіх Маці Божай Пабожных Школаў (айцы піяры) адзначыў юбілей — 300-годдзе з дня прыбыцця членаў Ордэна ў Шчучын. Айцоў піяраў запрасіў у Шчучын у 1718 г. Юрый Юзафовіч-Глябіцкі, звязаны сямейнымі повязямі са славутым родам Сцыпіёнаў.
***
Гэта толькі некаторыя важныя падзеі, якія мелі месца ў Касцёле на Гродзешчыне ў 2018 г. Увагі таксама заслугоўвае Агульнабеларуская сустрэча моладзі, якая прайшла ў Гродне і галоўным госцем якой стаў Апостальскі Нунцый у Беларусі арцыбіскуп Габар Пінтэр. Было і шмат іншых падзей, якія, безумоўна, увайшлі ў гісторыю дыяцэзіі і прынеслі плён узрастання веры ў сэрцах людзей.