Рух «Сужэнскія сустрэчы» запрашае закаханых з усёй Беларусі да удзелу ў «Вечарах для закаханых» у фармаце анлайн (на платформе zoom). Старт сустрэч перанесены на аўторак 16 красавіка.
«Вечары для закаханых» — гэта дзевяць сустрэч, якія адбываюцца раз на тыдзень. Яны заснаваныя на ўнікальнай аўтарскай праграме, створанай спецыяльна для маладых «закаханых» адносін. Удзел у іх дае магчымасць зрабіць вялікі крок да ўзаемаразумення, даверу і глыбіні адносін у штодзённым жыцці.
«Вечары…» дазваляюць будаваць сапраўдную эмацыйную сувязь дзякуючы выкарыстанню прынцыпа дыялогу.
У сустрэчах будуць спалучацца рамантычныя моманты і плённыя заняткі для паляпшэння і ўмацавання адносін. Закаханыя таксама змогуць адкрыцца адзін аднаму ў тых сферах і пытаннях, якія, магчыма, яшчэ нават не нараджаліся ў думках, але маюць вялікае значэнне для глыбокіх і сталых адносін у будучым сужэнскім жыцці.
Для каго створана праграмма «Вечароў для закаханых»?
- для пар любога ўзросту, незалежна ад іх рэлігійных перакананняў або канфесіі,
- для закаханых, якія гатовыя працаваць над сваімі адносінамі, паглыбляць давер і ўзаемаразуменне,
- а таксама для тых, хто плануе стварыць сям’ю або рыхтуецца да шлюбу.
Праграма «Вечароў…» дае сапраўдныя інструменты для ўмацавання маладых адносін і змяшчае шмат актуальнай інфармацыі для закаханых.
Анлайн фармат «Вечароў…» дае магчымасць браць у іх удзел, нават калі закаханыя знаходзяцца ў розных гарадах.
- Чарговы цыкл сустрэч, мэта якіх — дапамагчы маладым людзям у для пабудове трывалых адносін, стартуе ў аўторак 16 красавіка ў 19.00.
- Папярэдні запіс абавязковы. Тэлефон для запісу: +375 (29) 652 11 44
Арганізатары запрашаюць запісацца, каб прайсці сапраўдны квэст для сваіх закаханых адносін.
Водгукі з мінулых «Вечароў…»
- «Вечары для закаханых» прынеслі ў наша жыццё шмат сонечных прамянёў. Яны выклікалі усмешкі, эмоцыі, падзяку і значна ўмацавалі нашы адносіны. Да гэтага досведу мы ведалі адзін аднаго вельмі даўно і шмат разоў абмяркоўвалі шмат тэм. Аднак гэтыя абмеркаванні часта факусаваліся на недахопах нашых адносін.
Вопыт «Вечароў…» засяродзіў нас на вялікіх рэсурсах. - Мне крыху сумна, што ўсё скончылася. Гэта быў час, прызначаны толькі для нас. Мы адключаліся ад мітусні і засяроджваліся толькі на нашых адносінах.
Думаю, што заклалі добры падмурак. - Я не чакаў, што змагу перажыць так глыбока гэтыя сустрэчы. «Сужэнскія сустрэчы» мяне прыемна здзівілі праграмай, фарматам і ўсім, што нам удалося атрымаць за гэтыя дзевяць вечароў. Мая нявеста стала нашмат больш зразумелай для мяне.
Мы змаглі прапрацаваць так шмат тэм, якія да гэтага часу былі складанымі для нас. Я сапраўды адчуваю, што стаў кахаць яе нашмат свядомей і мацней.
Сведчанні пра ўдзел у «Вечарах для закаханых»
- «Вечары для закаханых» умацавалі нашыя адносіны: гісторыя сям’і Місан
- «Дзякуючы „Вечарам для закаханых“ я стала больш давяраць Дзіму»: гісторыя сям’і Жэрш
- «Рабіць прапанову і браць шлюб я не наважваўся». Дапамаглі «Вечары для закаханых»
- Ад вечароў для закаханых да сужэнскіх сустрэч. Адзін год з жыцця маладажонаў Марты і Паўла
- «Чакаў наступных сустрэч, каб больш даведацца пра маю каханую», або Як «Вечары для закаханых» дапамаглі Антону і Юлі ў стварэнні сям’і
- «Вечары для закаханых» варта перажыць, каб глыбей пазнаць адно аднаго і ўмацаваць адносіны. Сведчанне маладых сужонкаў з Гродна
