Пошук


Бібліятэка

Нядзеля, 8 мая 2011
Літанія да святога Яна Паўла ІІ
08.05.2011 17:05
Кiрые, элейсон, Хрыстэ, элейсон, Кiрые, элейсон, Хрыстэ, пачуй нас, Хрыстэ, выслухай нас. Ойча з неба, Божа, — змiлуйся над намi. Сыне, Адкупіцель свету, Божа, — змiлуйся над намi. Духу Святы, Божа, — змiлуйся над намi. Святая Тройца, Адзiны Божа, — змiлуйся над намi. Святая Марыя, — малiся за нас. Святы Ян Павел ІІ, — малiся за нас. Заглыблены ў Айца, багатага на міласэрнасць, — малiся за нас. З’яднаны з Хрыстом, Адкупіцелем чалавека, — малiся за нас. Напоўнены Духам Святым, Панам і Жыватворцам, — малiся за нас. Цалкам адданы Марыі, — малiся за нас. Сябра святых і благаслаўлёных, — малiся за нас. Наступнік Пятра і Слуга слугаў Божых, — малiся за нас. Ахоўнік Касцёла, які навучае праўдам веры, — малiся за нас. Айцец Сабору і выканаўца яго пастановаў, — малiся за нас. Той, хто ўмацоўвае еднасць хрысціянаў і ўсяго роду людскога, — малiся за нас. Адданы шанавальнік Эўхарыстыі, — малiся за нас. Нястомны пілігрым гэтай зямлі, — малiся за нас. Місіянер усіх народаў, — малiся за нас. Сведка веры, надзеі і любові, — малiся за нас. Трывалы ўдзельнік Хрыстовых цярпенняў, — малiся за нас. Апостал паяднання і спакою, — малiся за нас. Натхняльнік цывілізацыі любові, — малiся за нас. Вястун Новай Евангелізацыі, — малiся за нас. Настаўнік, які заклікае выплысці на глыбіню, — малiся за нас. Настаўнік, які паказвае святасць як крытэрый жыцця, — малiся за нас. Папа Божай Міласэрнасці, — малiся за нас. Святар, які збірае Касцёл на складанне Ахвяры, — малiся за нас. Пастыр, які вядзе аўчарню да неба, — малiся за нас. Брат і настаўнік святароў, — малiся за нас. Айцец кансэкраваных асобаў, — малiся за нас. Апякун хрысціянскіх сем’яў, — малiся за нас. Падтрымка сужэнцаў, — малiся за нас. Абаронца ненароджаных, — малiся за нас. Апякун дзяцей, сіротаў і адзінокіх, — малiся за нас. Сябра і выхаваўца моладзі, — малiся за нас. Добры самаранін для церпячых, — малiся за нас. Дапамога людзям старэйшым і самотным, — малiся за нас. Вястун праўды аб годнасці чалавека, — малiся за нас. Чалавек малітвы, заглыблены ў Бога, — малiся за нас. Шанавальнік літургіі, які цэлебруе Ахвяру на алтарах свету, — малiся за нас. Увасабленне працавітасці, — малiся за нас. Той, хто палюбіў крыж Хрыста, — малiся за нас. Той, хто верна рэалізуе пакліканне, — малiся за нас. Трывалы ў цярпенні, — малiся за нас. Узор жыцця і памірання для Пана Бога, — малiся за нас. Той, хто павучае грэшнікаў, — малiся за нас. Той, хто паказвае дарогу заблуканым, — малiся за нас. Той, хто прабачае крыўдзіцелям, — малiся за нас. Той, хто паважае праціўнікаў і ганіцеляў, — малiся за нас. Заступнік і абаронца прыгнечаных, — малiся за нас. Той, хто падтрымлівае беспрацоўных, — малiся за нас. Той, хто клапоціцца пра бяздомных, — малiся за нас. Той, хто наведвае вязняў, — малiся за нас. Той, хто ўмацоўвае слабых, — малiся за нас. Той, хто вучыць усіх салідарнасці, — малiся за нас. Баранку Божы, які бярэш на сябе грахі свету, — даруй нам, Пане. Баранку Божы, які бярэш на сябе грахі свету, — выслухай нас, Пане. Баранку Божы, які бярэш на сябе грахі свету, — змілуйся над намі. С.: Малiся за нас, святы Ян Павел ІІ. Н.: Каб мы жыццём і словам абвяшчалі свету Хрыста, Адкупіцеля чалавека. Молімся. Міласэрны Божа, прымі нашу падзяку за дар апостальскага жыцця і пасланніцтва святога Яна Паўла ІІ і праз яго заступніцтва дапамажы нам узрастаць у любові да Цябе і адважна абвяшчаць любоў Хрыста ўсім людзям. Праз Хрыста, Пана нашага. Амэн.
Аўторак, 19 красавіка 2011
Пастырскае пасланне Мітрапаліта Тадэвуша Кандрусевіча на Вялікдзень 2011 г.
19.04.2011 12:18
«Уваскрасенне Хрыста з’яўляецца падмуркам нашай веры. Без фізічнага ўваскрасення Езуса няма збаўлення. Калі б Езус ляжаў у грабніцы забальзаміраваны, як ляжаць некаторыя вядомыя дзеячы гісторыі, а мільёны наведвальнікаў і прыхільнікаў аддавалі б Яму пашану, то хрысціянства было б не больш, чым легенда», — чытаем у пасланні Мітрапаліта Кандрусевіча на Вялікдзень.
Нядзеля, 3 красавіка 2011
Пастырскае Пасланне арцыбіскупа Кандрусевіча з нагоды 20-годдзя ўстанаўлення Мінска-Магілёўскай мітраполіі
03.04.2011 06:00
Ужо зусім хутка будзем святкаваць 20-годдзе Мінска-Магілёўскай мітраполіі. Урачыстыя набажэнствы запланаваны на 19 чэрвеня 2011 г. З пастырскім пасланнем з гэтай нагоды да каталіцкай супольнасці звяртаецца Мітрапаліт Мінска-Магілёўскі арцыбіскуп Тадэвуш Кандрусевіч.
Аўторак, 29 сакавіка 2011
Крыжовы шлях Пана нашага Езуса Хрыста (разважанні паводле кс. Рамано Гуардзіні)
29.03.2011 15:00
Уступ. Пане, Ты сказаў: «Хто хоча быць Маім вучнем, няхай возьме свой крыж штодзённы і ідзе за Мною». Хачу зараз пайсці Тваімі слядамі і ў думках крочыць шляхам Тваёй Мукі. Таму дазволь, каб жывым вобразам паўстала перад маёй душой усё тое, што Ты выцярпеў дзеля мяне. Адкрый мае вочы і дакраніся да сэрца, каб убачыў і глыбока ўсвядоміў, як моцна Ты мяне палюбіў, каб я ўсёй душой звярнуўся да Цябе, мой Збаўца, каб пакінуў грэх, які прычыніў Табе горкія мукі. Шчыра шкадую за грахі мае, Пане. Хачу распачаць жыццё спачатку; з усёй рашучасцю прагну сёння адправіцца ў шлях і ісці за Табой. Дапамажы мне таксама побач з Табою несці свой крыж. Твой поўны болю шлях — гэта школа цярпення, вытрымкі і пераадольвання сябе. Адкрый мне мізэрнаць маёй слабасці. Дай глыбока зразумець мудрасць гэтага шляху болі, пакажы, штó менавіта я, і менавіта цяпер павінен рабіць. А потым узмоцні гэтае разуменне і зрабі яго плённым, каб паводле яго паступаў у жыцці. Амэн.
Пятніца, 18 сакавіка 2011
Паведамленне Канферэнцыі Каталіцкіх Біскупаў у Беларусі з нагоды бедстваў у Японіі
18.03.2011 11:23
«Няхай нашая малітва і матэрыяльная дапамога будуць знакам хрысціянскай салідарнасці з тымі, хто разлічвае на нашую чуйнасць», — чытаем у Паведамленні Канферэнцыі Каталіцкіх Біскупаў у Беларусі, скіраваным да каталіцкай супольнасці з нагоды стыхійных бедстваў у Японіі. Іерархі заклікаюць духавенства і люд верны адгукнуцца на патрэбы ахвяраў землятрусу.
Нядзеля, 13 сакавіка 2011
Пастырскі ліст Канферэнцыі Каталіцкіх Біскупаў у Беларусі на «VIII Нацыянальны дзень CARITAS»
13.03.2011 03:00
«Нашае акунанне ў смерць і ўваскрасенне Хрыста вызваляе ў нас вялікую хрысціянскую энергію дабрыні, якая дазваляе не толькі памятаць пра іншага чалавека, але таксама апрануць яго, накарміць, напаіць або наведаць», — чытаем у Пастырскім лісце Канферэнцыі Каталіцкіх Біскупаў у Беларусі на «VIII Нацыянальны дзень CARITAS». Пастырскі ліст, які сёлета прысвечаны 25-годдзю аварыі на ЧАЭС, будзе прачытаны ва ўсіх касцёлах Беларусі ў ІІІ Нядзелю Вялікага посту, 27 сакавіка 2011 г.
Паведамленне Канферэнцыі Каталіцкіх Біскупаў у Беларусі на ўрачыстасць Звеставання Пана 2011 г.
13.03.2011 03:00
«Будзьце адкрытымі на чалавечае жыццё, бараніце яго любым коштам», — з заахвочваннем да ініцыятывы «Духоўнага ўсынаўлення» звяртаюцца біскупы Беларусі да каталіцкай супольнасці ў сваім паведамленні на ўрачыстасць Звеставання Пана 2011 г. Паведамленне будзе прачытана ва ўсіх касцёлах Беларусі ў надзелю перад урачыстасцю Звеставання Пана, 20 сакавіка 2011 г.
Нядзеля, 27 лютага 2011
Пастырскае пасланне арцыбіскупа Тадэвуша Кандрусевіча на Вялікі пост 2011 г.
27.02.2011 06:00
«Бог заўсёды чакае з любоўю і жадае нашага вяртання. Ён чакае кожнага знаку пакаяння і распазнання нашых памылак. Ён гатовы прыняць нас з адкрытымі абдымкамі і забыць пра наша мінулае. Калі Бог адпускае грахі —адпускае іх назаўсёды», — чытаем у Пастырскім пасланні арцыбіскупа Тадэвуша Кандрусевіча на Вялікі пост 2011 г.
Аўторак, 22 лютага 2011
Пасланне Бэнэдыкта XVI на Вялікі пост
22.02.2011 13:35
«Вялікі пост, што вядзе нас да святкавання Пасхі, з’яўляецца для Касцёла вельмі каштоўным і важным літургічным часам. У сувязі з чым я рады накіраваць да вас спецыяльнае слова, каб гэты пост быў перажыты з належнай стараннасцю», — звяртаецца Бэнэдыкт XVI да паўсюднага Касцёла ў сваім пасланні на сёлетні Вялікі пост, які распачнецца 9 сакавіка.
Панядзелак, 10 студзеня 2011
Пастырскае пасланне арцыбіскупа Тадэвуша Кандрусевіча на 2011 год
10.01.2011 12:20
«Пераслед веры на працягу трох пакаленняў — гэта як быццам духоўны чарнобыль. Аб гэтым мы асаблівым чынам павінны памятаць сёлета, калі не толькі Беларусь, Украіна і іншыя краіны адзначаюць 25-годдзе гэтай жахлівай катастрофы, але і ўвесь свет, звяртаючыся да Божай міласэрнасці, каб у будучыні ніколі не паўтарылася падобная катастрофа, як у матэрыяльным, так і ў духоўным сэнсе», — чытаем у пастырскім пасланні арцыбіскупа Тадэвуша Кандрусевіча, Мітрапаліта Мінска-Магілёўскага, на 2011 год.
Чацвер, 16 снежня 2010
Паведамленне з 45-га Пленарнага пасяджэння Канферэнцыі Каталіцкіх Біскупаў у Беларусі
16.12.2010 18:16
45-ае Пленарнае пасяджэнне Канферэнцыі Каталіцкіх Біскупаў у Беларусі адбылося 16 снежня 2010 г. у памяшканні Сакратарыята ККББ. На пасяджэнні прысутнічалі таксама Апостальскі нунцый у Беларусі арцыбіскуп Марцін Відавіч, Апостальскі Візітатар для грэка-католікаў у Беларусі архімандрыт Сяргей Гаек МІС.
Аўторак, 23 лістапада 2010
Пастырскі ліст біскупа Аляксандра Кашкевіча на Адвэнт 2010 года
23.11.2010 12:48
З пастырскім пасланнем з нагоды Адвэнту да сваёй паствы звяртаецца біскуп Гродзенскі Аляксандр Кашкевіч. У лісце, які будзе прачытаны ва ўсіх парафіях дыяцэзіі ў І Нядзелю Адвэнту, іерарх звяртаецца да святароў, навучэнцаў семінарый, законніц і катэхетаў, сем'яў, бацькоў, сужэнцаў, моладзі і дзяцей.
Панядзелак, 15 лістапада 2010
І Нешпары Першай Нядзелі Адвэнту (на польскай мове)
15.11.2010 16:12
K. † Boże, wejrzyj ku wspomożeniu memu. W. Panie, pośpiesz ku ratunkowi memu. Chwała Ojcu i Synowi, i Duchowi Świętemu. Jak była na początku, teraz i zawsze, i na wieki wieków. Amen. Alleluja.
І Нешпары Першай Нядзелі Адвэнту
15.11.2010 10:36
К. Божа, прыйдзі мне на дапамогу. Н. Пане, паспяшы да мяне на паратунак. Хвала Айцу і Сыну, і Духу Святому. Як была спрадвеку, цяпер і заўсёды, і на векі вечныя. Амэн. Аллелюя.
Чацвер, 16 верасня 2010
Паведамленне з 44-га Пленарнага пасяджэння Канферэнцыі Каталіцкіх Біскупаў у Беларусі
16.09.2010 15:55
44-ае Пленарнае пасяджэнне Канферэнцыі Каталіцкіх Біскупаў у Беларусі адбылося 16 верасня 2010 г. у памяшканні Сакратарыята ККББ. На пасяджэнні прысутнічалі таксама Апостальскі нунцый у Беларусі арцыбіскуп Марцін Відавіч, Апостальскі Візітатар для грэка-католікаў у Беларусі архімандрыт Сяргей Гаек МІС.
Субота, 28 жніўня 2010
Пасланне Папскай рады па міжрэлігійным дыялогу на завяршэнне месяца Рамадан
28.08.2010 05:11
Папская рада па міжрэлігійным дыялогу Хрысціяне і мусульмане: Сумесна пераадольваючы насілле паміж паслядоўнікамі розных рэлігій Пасланне на завяршэнне месяца Рамадан Ід аль-Фітр 1431 г./2010 Р.Х. Горад Ватыкан Дарагія сябры мусульмане! 1. Ід аль-Фітр , які завяршае месяц Рамадан, ізноў прадстаўляе спрыяльную магчымасць перадаць вам сардэчныя пажаданні супакою і радасці ад імя Папскай рады па міжрэлігійным дыялогу.
Серада, 18 жніўня 2010
Асноўныя малітвы на лацінскай мове
18.08.2010 17:13
  Signum sanctae crucis In nomine Patris et Filii et Spiritus Sancti. Amen. Oratio dominica Pater noster, qui es in caelis: sanctificetur nomen tuum; adveniat regnum tuum; fiat voluntas tua, sicut in caelo, et in terra. Panem nostrum cotidianum da nobis hodie; et dimitte nobis debita nostra, sicut et nos dimittimus debitoribus nostris; et ne nos inducas in tentationem; sed libera nos a malo. Amen. Salutatio angelica Ave, Maria, gratia plena, Dominus tecum; benedicta tu in mulieribus, et benedictus fructus ventris tui, Iesus. Sancta Maria, Mater Dei, ora pro nobis peccatoribus, nunc et in hora mortis nostrae. Amen. Symbolum Аpostolorum Credo in Deum Patrem omnipotentem, Creatorem caeli et terrae, et in Iesum Christum, Filium eius unicum, Dominum nostrum, qui conceptus est de Spiritu Sancto, natus ex Maria Virgine, passus sub Pontio Pilato, crucifixus, mortuus et sepultus, descendit ad inferos, tertia die resurrexit a mortuis, ascendit ad caelos, sedet ad dexteram Dei Patris omnipotentis, inde venturus est iudicare vivos et mortuos. Credo in Spiritum Sanctum, sanctam Ecclesiam catholicam, sanctorum communionem, remissionem peccatorum, carnis resurrectionem, vitam aeternam. Amen. Gloria Patri Gloria Patri et Filio et  Spiritui Sancto: Sicut erat in principio, et nunc et semper, et in saecula saeculorum. Amen. Angelus V.: Angelus Domini nuntiavit Mariae. R.: Et concepit de Spiritu Sancto. Ave Maria... V.: Ecce ancilla Domini. R.: Fiat mihi secundum verbum tuum. Ave Maria... V.: Et Verbum caro factum est. R.: Et habitavit in nobis. Ave Maria... V.: Ora pro nobis, sancta Dei Genеtrix. R.: Ut digni  efficiamur promissionibus Christi. Oremus: Gratiam tuam, quaesumus, Domine, mentibus nostris infunde, ut, qui, Angelo nuntiante, Christi Filii tui incarnationem cognovimus, per passionem eius et crucem  ad resurrectionis gloriam perducamur. Per Christum Dominum nostrum. R.: Amen. Requiem aeternam Requiem aeternam dona eis, Domine, et lux perpetua luceat eis. Requiescant in pace. Amen. Angele Dei Angele Dei, qui custos es mei, me tibi commissum pietate superna illumina, custodi, rege et guberna. Amen.
Песні жальбы
18.08.2010 15:32
Песні жальбы ўзніклі ў Польшчы на пачатку ХVІІІ ст. Першы раз іх праспявалі ў касцёле Святога Крыжа ў Варшаве. У хуткім часе гэтае  набажэнства стала адным з найбольш папулярных набажэнстваў Вялікага посту і на нашай зямлі. Разважанне мукаў Хрыста ў Песнях жальбы спрыяе духу пакаяння, а перадусім мае на мэце служыць нашаму навяртанню.
Пятніца, 6 жніўня 2010
Крыжовы шлях штодзённага Жыцця
06.08.2010 16:06
У імя Айца і Сына, і Духа Святога. Амэн. Уступная малiтва Разам з Табою, о Езу, мы пройдзем гэты Крыжовы шлях, якi прайшоў Ты на гару Кальварыю, каб здзейснiць нашае Адкупленне. Прагнем, каб разважанне над галоўнымi таямнiцамi Тваёй Мукi напоўнiла нашыя сэрцы жалем за грахi i ўдзячнасцю за Тваю вялiкую любоў да нас.
Крыжовы шлях Ненароджаных
06.08.2010 15:46
У імя Айца і Сына, і Духа Святога. Амэн. Уступная малітва «Забойства ненароджаных дзяцей ва ўлонні маці з’яўляецца самай балючай ранай Касцёла і ўсяго чалавецтва, — падкрэслівае Святы Айцец Ян Павел ІІ. — (...) Момант, калі маці носіць зачатае чалавечае жыццё, зачатае дзіця, з’яўляецца момантам святым і недатыкальным.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця