Біскуп Віцебскі Алег Буткевіч удзяліў вернікам на тэрыторыі Віцебскай дыяцэзіі дыспенсацыю на дзень 7 студзеня 2022 года ад абавязку ўстрымання ад спажывання мясных страваў для асоб, старэйшых за 14 гадоў у сувязі са святкаваннем Божага Нараджэння ў Праваслаўнай Царкве.
Пра гэта інфармуе Курыя Віцебскай дыяцэзіі на партале Catholicnews.by.
Пры гэтым Курыя нагадвае, што працягваецца дзеянне дыспенсацыі ад абавязку спажывання мясных страваў у пятніцу ў актаве ўрачыстасці Нараджэння Пана, якая сёлета прыпадае на 31 снежня. Адпаведнае рашэнне бвло прынята 8 сакавіка 2019 года на 74-м пленарным пасяджэнні Канферэнцыі Каталіцкіх Біскупаў у Беларусі.
Вернікі, якія будуць карыстацца гэтымі дыспенсацыямі, павінны памаліцца ў інтэнцыях Святога Айца.
Раней падобныя пастановы выдалі арцыбіскуп Станеўскі для Мінска-Магілёўскай архідыяцэзіі і біскуп Кашкевіч для Гродзенскай дыяцэзіі.
