Мітрапаліт Мінска-Магілёўскі арцыбіскуп Юзаф Станеўскі ўдзяляе вернікам Мінска-Магілёўскай архідыяцэзіі дыспенсацыю ад абавязку ўстрымання ад мясных страваў у пятніцу на Новы год і на праваслаўныя Каляды.
Адпаведнае паведамленне выдала Курыя Мінска-Магілёўскай архідыяцэзіі.
На падставе канона 87, § 1 Кодэксу кананічнага права, Мітрапаліт Мінска-Магілёўскі арцыбіскуп Юзаф Станеўскі для духоўнай карысці вернікаў у сувязі са святкаваннем Божага Нараджэння ў Праваслаўнай Царкве удзяліў дыспенсацыю на дзень 7 студзеня 2022 года ад абавязку ўстрымання ад спажывання мясных страваў для асоб, старэйшых за 14 гадоў.
Вернікі, якія будуць карыстацца дыспенсацыяй, павінны памаліцца ў інтэнцыях Святога Айца.
Таксама арцыбіскуп Станеўскі падцвердзіў дзеянне дыспенсацыі на пятніцу ў актаве ўрачыстасці Нараджэння Пана, якая сёлета прыпадае на 31 снежня 2021 года.
