5 студзеня ў кляштары айцоў кармэлітаў босых у Нарачы адбылася аплаткавая сустрэча для манахаў з усіх супольнасцяў гэтага ордэна ў Беларусі.
Браты Рэгіянальнага Вікарыяту кармэлітаў босых у Беларусі сабраліся ў кляштары ў Нарачы, каб, згодна з хрысціянскім звычаем, падзяліцца аплаткай і выказаць адно аднаму пажаданні з нагоды свята.
У пачатку сустрэчы быў прачытаны традыцыйны ўрывак з Евангелля пра Божае Нараджэнне.
Рэгіянальны настаяцель айцец Пётр Фраштэнга OCD прывітаў усіх прысутных, павіншаваў з Божым Нараджэннем, падзякаваў братам за служэнне і адданую працу, а таксама пажадаў Божай моцы, здароўя душы і цела на далейшае абвяшчэнне Добрай Навіны і распаўсюджванне кармэліцкай духоўнасці ва ўсіх супольнасцях і парафіях Беларусі, дзе служаць кармэліты босыя.
Удзельнікі сустрэчы абмеркавалі бягучыя справы Вікарыяту і атрымалі асалоду як ад братняй гасціны, так і ад смачнага абеду, падрыхтаванага нарачанскай супольнасцю.
