Рух «Сужэнскія сустрэчы» запрашае сем’і прыняць удзел у сужэнскіх рэкалекцыях, якія пройдуць з 1 па 3 лютага пад Мінскам (у Ляскоўцы). Гэта сапраўды ўнікальная магчымасць аднавіць і пераасэнсаваць свае сужэнскія адносіны праз прызму дыялогу.
Унікальная праграма сужэнскіх рэкалекцый ад «Сужэнскіх сустрэч» дазваляе аднавіць свае адносіны, атрымаць дзейсны інструмент па выхаду са шматлікіх канфліктных сітуацый, паглыбіць давер і ўзаемаразуменне, нанова адкрыць цеплыню сваіх адносін, зрабіць пэўныя крокі па выхаду з крызісаў сужэнскага жыцця, закласці дыялог у падмурак сваёй сям’і.
«Ваша сям’я нарадзілася, каб быць шчаслівай! Прапануем перажыць рэкалекцыі і пакаштаваць смак шчасця жыцця ў дыялогу. Вы атрымаеце сапраўдны інструмент, якім зможаце самі карыстацца кожны дзень ў сваім штодзённым сямейным жыцці», — адзначаюць арганізатары.
У рэкалекцыях абавязковы ўдзел абаіх сужонкаў, без дзяцей і ва ўсёй праграме.
Запрашаюцца ўсе сем’і, незалежна ад канфесійнай прыналежнасці (і католікаў, і праваслаўных, і не практыкуючых хрысціянаў), тыя, хто жыве ў шлюбе, і тыя, хто толькі распісаны ў ЗАГСе.
Пачатак 1 лютага ў 18.00, заканчэнне 3 лютага каля 15.00.
Усім неабходным удзельнікі будуць забяспечаны.
Адрас: цэнтр «Caritas» у вёсцы Ляскоўка каля Бараўлян (Мінскі раён).
Тэлефоны для запісу на рэкалекцыі:
+375 29 316 95 59 Вольга
+375 29 341 68 23 Сяргей
Сем’і, якія перажылі такія рэкалекцыі, дзеляцца сваімі сведчаннямі:
Гісторыя сям'і Ганны і Юрыя Лугаўцовых>>>
Сям'я Змітра і Дар'і Краўчанкаў>>>
Сям'я Паўла і Алы Малеваннікавых>>>
