Рух «Сужэнскія сустрэчы» запрашае сем’і прыняць удзел у сужэнскіх рэкалекцыях, якія пройдуць 23-25 лістапада адначасова ў Браславе і ў Баранавічах. Гэта сапраўды ўнікальная магчымасць аднавіць і пераасэнсаваць свае сужэнскія адносіны праз прызму дыялогу.
Унікальная праграма сужэнскіх рэкалекцый дазваляе аднавіць адносіны, атрымаць дзейсны інструмент па выхаду са шматлікіх канфліктных сітуацый, паглыбіць давер і ўзаемаразуменне, нанова адкрыць цеплыню сваіх адносін, зрабіць пэўныя крокі па выхаду з крызісаў сужэнскага жыцця, закласці дыялог у падмурак сваёй сям’і.
Ваша сям’я нарадзілася, каб быць шчаслівай! Прапануецца перажыць рэкалекцыі і пакаштаваць смак шчасця жыцця ў дыялогу. Удзельнікі атрымаюць сапраўдны інструмент, якім змогуць карыстацца кожны дзень у сваім сямейным жыцці.
У рэкалекцыях абавязковы ўдзел абаіх сужэнцаў, без дзяцей і ва ўсёй праграме.
Запрашаюцца ўсе сем’і, незалежна ад канфесійнай прыналежнасці (і католікаў, і праваслаўных, і не практыкуючых хрысціянаў); тыя, хто жыве ў шлюбе, і тыя, хто толькі распісаны ў ЗАГСе.
Пачатак — 23 лістапада ў 18.00, заканчэнне — 25 лістапада каля 15.00.
Усім неабходным удзельнікі будуць забяспечаны.
Адрас у Браславе: вул. Гагарына, 41А
Адрас у Баранавічах: вул. Шаўчэнкі, 6
Тэлефоны для запісу на рэкалекцыі ў Браславе:
+375 29 779 19 03 Вольга
+375 29 250 06 99 Аляксандр
Тэлефоны для запісу на рэкалекцыі ў Баранавічах:
+375 29 529 93 50 Аляксандр
+375 29 644 26 05 Святлана
Сем’і, якія ўдзельнічалі ў такіх рэкалекцыях, дзеляцца сваімі сведчаннямі:
Гісторыя сям'і Ганны і Юрыя Лугаўцовых>>>
Сведчанне сям'і Змітра і Дар'і Краўчанкаў>>>
