Пошук


Бібліятэка

Субота, 18 студзеня 2014
Намінацыйная була Святога Айца Францішка аб прызначэнні кс. Алега Буткевіча біскупам
18.01.2014 18:55
Францішак Біскуп, Слуга Слугаў Божых Улюбёнаму Сыну Алегу Буткевічу, прэзбітэру дыяцэзіі Віцебскай, У якой трымае апеку над парафіяй Святога Антонія Падуанскага, Абранаму Біскупу гэтай жа Сталіцы Віцебскай, Вітанне і апостальскае благаслаўленне. Каб была адпаведна забяспечана катэдра віцебскага Касцёла, якая па прычыне адрачэння шаноўнага брата Уладзіслава Бліна знаходзіцца ў стане вакансу, ты, улюбёны Сыне, хвалебнымі здольнасцямі надзелены і ў святых рэчах дасведчаны, быў прызнаны адпаведным, каб ёю кіраваць.   І таму Мы, знаходзячыся на благаслаўлёнай Пятровай Сталіцы, у клопаце пра духоўнае дабро ўсяго статку Пана, найвышэйшай Апостальскай уладай, мянуем цябе біскупам Віцебскім, надзяляючы ўсімі правамі і абавязкамі. Дазваляем прыняць пасвячэнні ад якогакольвечы каталіцкага біскупа па-за горадам Рымам, адпаведна з літургічнымі нормамі. Але перад гэтым належыць табе скласці вызнанне каталіцкай веры, а таксама здзейсніць прысягу на вернасць Мне і Маім Наступцам паводле святых канонаў. Да таго ж даручаем, каб з гэтым лістом ты пазнаёміў духавенства і люд твой: якім просім, каб прынялі цябе з ахвотаю, і з табою заўсёды трывалі ў еднасці. Для цябе ж, улюбёны Сыне, праз заступніцтва благаслаўлёнай Панны Марыі і пасрэдніцтва святога Язафата, шчодрых дароў Духа Святога просім, каб з Яго дапамогай табе давераных верных ты мог пасвіць старанна, з развагай і пабожна ды “больш чынам, чым словам” (Св. Бэнэдыкт, Рэгула 2.12) Супакой Хрыста няхай будзе заўсёды з табою і з дыяцэзіяльнай віцебскай супольнасцю на дарагой Нам Беларусі. Дадзена ў Рыме, у Св. Пятра, дня трыццаць першага месяца лістапада, года Пана дзве тысячы трынаццатага, у першым годзе нашага Пантыфікату. Францішак
Чацвер, 19 снежня 2013
Віншаванні Апостальскага Нунцыя ў Беларусі арцыбіскупа Клаўдыё Гуджэроцці на Божае Нараджэнне
20.12.2013 00:00
Перадусім хацеў бы падзякаваць супрацоўнікам інтэрнэт-партала catholic.by, дзякуючы кампетэнтнай і ахвярнай працы якіх таксама і Апостальская Нунцыятура магла данесці свой голас да грамадства і Касцёла, як у прыгожыя, так і ў складаныя моманты.
Пажаданні біскупа Аляксандра Кашкевіча на Божае Нараджэнне і на Новы 2014 год нашага Пана
19.12.2013 11:30
Тэкст пажаданняў на польскай мове>>> Улюбёныя ў Хрысце браты і сёстры! Дарагія дыяцэзіяне!
Аўторак, 17 снежня 2013
Пастырскі ліст Апостальскага адміністратара Віцебскай дыяцэзіі на ўрачыстасць Божага Нараджэння
18.12.2013 00:00
Праз Езуса да бліжніх “Раптам з’явіўся ім Анёл Пана, і хвала Пана асвяціла іх, і вялікі страх ахапіў іх…” (Лк 2, 9)
Ліст біскупа Антонія Дзям’янкі на Божае Нараджэнне і Новы 2014 год
18.12.2013 00:00
Хрыстус – цэнтр гісторыі чалавецтва і кожнага чалавека. Калі Езус знаходзіцца ў цэнтры, то раз’ясняюцца нават найцямнейшыя моманты нашага жыцця і Ён дае нам надзею. (Папа Францішак)
Пастырскае Пасланне Мітрапаліта Тадэвуша Кандрусевіча на Божае Нараджэнне 2013 года
18.12.2013 00:00
Тэкст Паслання на польскай мове>>> Стук апоўначы — Езус прыходзіць Глыбокапаважаныя браты ў святарстве, кансэкраваныя асобы, браты і сёстры!
Пятніца, 22 лістапада 2013
Паведамленне з 55-га пленарнага пасяджэння Канферэнцыі Каталіцкіх Біскупаў у Беларусі
22.11.2013 15:19
22 лістапада 2013 г. у Душпастырскім цэнтры ККББ у Мінску адбылося 55-е пленарнае пасяджэнне Канферэнцыі Каталіцкіх Біскупаў Беларусі. Падчас пасяджэння былі разгледжаны наступныя пытанні і прыняты наступныя рашэнні.
Серада, 20 лістапада 2013
Пастырскае Пасланне Мітрапаліта Тадэвуша Кандрусевіча на завяршэнне Года веры ва ўрачыстасць Хрыста Валадара Сусвету
20.11.2013 08:40
Ведаю, у каго паверыў (пар. 2 Цім 1, 12) Глыбокапаважаныя святары, кансэкраваныя асобы, браты і сёстры!
Чацвер, 7 лістапада 2013
Паведамленне біскупаў Беларусі наконт скарачэння тэрмінаў для правядзення аборту
07.11.2013 15:05
Некаторыя каталіцкія парафіі атрымалі лісты з прапановай падпісаць калектыўны зварот вернікаў аб унясенні зменаў у закон «Аб ахове здароўя», між іншым, аб скарачэнні тэрмінаў для правядзення аборту.
Чацвер, 12 верасня 2013
Ліст Вярхоўнага арцыбіскупа Кіева-Галіцкага і Сіноду УГКЦ да Канферэнцыі Каталіцкіх Біскупаў Беларусі
13.09.2013 00:00
Канферэнцыя Каталіцкіх Біскупаў Беларусі атрымала ад Вярхоўнага арцыбіскупа Кіева-Галіцкага Святаслава Шаўчука і Сіноду Украінскай Грэка-Каталіцкай Царквы ліст з падзякай за віншаванне з нагоды 1025-годдзя Хрышчэння Кіеўскай Русі. «Гэта нашае супольнае свята. Таму шчыра віншуем з юбілеем нашых братоў па веры і традыцыі – беларускіх католікаў», — адзначаецца ў лісце.
Паведамленне з 54-га пленарнага пасяджэння Канферэнцыі Каталіцкіх Біскупаў у Беларусі
13.09.2013 00:00
12 верасня 2013 г. у Душпастырскім цэнтры ККББ у Мінску адбылося 54-е пленарнае пасяджэнне Канферэнцыі Каталіцкіх Біскупаў Беларусі. Падчас пасяджэння былі разгледжаны наступныя пытанні і прыняты наступныя рашэнні.
Паведамленне Канферэнцыі Каталіцкіх Біскупаў у Беларусі
13.09.2013 00:00
У сувязі з інфармацыяй, якая з’явілася ў СМІ з прычыны выдання «Энцыклапедычнага слоўніка рэлігійнай лексікі беларускай мовы» (Мінск 2013, аўтары: У. Завальнюк, М. Прыгодзіч, В. Раманцэвіч), які быў прадстаўлены ў Мінскім дзяржаўным лінгвістычным універсітэце на кніжнай выставе, што ладзілася ў межах XV Міжнароднага з’езда славістаў, Канферэнцыя Каталіцкіх Біскупаў Беларусі паведамляе, што выданне гэтай кнігі, адным з аўтараў якой з’яўляецца ксёндз Уладзіслаў Завальнюк, — гэта выключна асабістая ініцыятыва аўтараў слоўніка.
Аўторак, 13 жніўня 2013
Віншавальны ліст старшыні Канферэнцыі Каталіцкіх Біскупаў Беларусі Сіноду Біскупаў Украінскай Грэка-Каталіцкай Царквы
13.08.2013 12:01
Мінск, 6 жніўня 2013. Яго Благаславенства Найдастойнейшы СВЯТАСЛАЎ Першаіерарх і Глава Украінскай Грэка-Каталіцкай Царквы КІЕЎ Ваша Благаславенства! Ад імя Канферэнцыі Каталіцкіх Біскупаў Беларусі прагну выказаць Вашаму Благаславенству, усім Найдастойным Уладыкам – членам Сіноду Біскупаў Украінскай Грэка-Каталіцкай Царквы братэрскае прывітанне і шчырыя віншаванні з нагоды Юбілея 1025-годдзя Хросту Кіеўскай Русі. Хрост Святога Уладзіміра ў 988 годзе адбыўся ў той час, калі Царква Канстантынопальскага Патрыярхату ды Рымская Царква жылі ў еднасці. Праз Таямніцу Хросту Кіеўская Русь увайшла ў супольнасць Адзінай, Святой, Каталіцкай і Апостальскай Царквы, у вялікую сям’ю хрысціянскіх народаў.  Лучнасць веры і пастырскага служэння ў адзінстве з Рымскай Царквой была на працягу гісторыі ды застаецца сёння каштоўнай духоўнай спадчынай Украінскай Грэка-Каталіцкай Царквы.  Мінулыя цяжкія дзесяцігоддзі пераследаванняў хрысціян на нашых усходнеславянскіх землях пакінулі нам прыклады ўзаемадапамогі (часам у экстрэмальных умовах вязніцы), а таксама мужнага душпастырскага супрацоўніцтва паміж духавенствам і вернікамі рыма-католікамі ды грэка-католікамі нашых народаў.  У Юбілейным Годзе 1025-годдзя Хросту Кіеўскай Русі каталіцкія біскупы, духавенства і вернікі Беларусі цешацца, бачачы адраджэнне і развіццё Украінскай Грэка-Каталіцкай Царквы і шчыра жадають, каб душпастырскія высілкі Вашага Благаславенства, Дастойных Іерархаў ды духавенства прыносілі шчодры плён і служылі паглыбленню супрацоўніцтва паміж католікамі ўсходняй і заходняй традыцый у справе Новай евангелізацыі сярод нашых народаў.  У духу малітвы еднасці ў Хрысце Збаўцы Біскуп Аляксандр Кашкевіч Старшыня Канферэнцыі Каталіцкіх Біскупаў Беларусі
Серада, 10 ліпеня 2013
Каментарый арцыбіскупа Тадэвуша Кандрусевіча да першай энцыклікі Святога Айца Францішка «Lumen fidei»
10.07.2013 21:34
1. 5 ліпеня 2013 г. была абнародавана першая энцыкліка папы Францішка «Lumen fidei» – «Святло веры», падпісаная ва ўрачыстасць святых апосталаў Пятра і Паўла.
Серада, 15 мая 2013
Паведамленне з 53-га пленарнага пасяджэння Канферэнцыі Каталіцкіх Біскупаў у Беларусі
15.05.2013 23:56
15 мая 2013 г. у Пінску адбылося 53-е пленарнае пасяджэнне Канферэнцыі Каталіцкіх Біскупаў у Беларусі. У пасяджэнні ўдзельнічалі ўсе біскупы нашай краіны. Прымаў удзел таксама Апостальскі Нунцый у Беларусі арцыбіскуп Клаўдыё Гуджэроцці.  
Аўторак, 7 мая 2013
Пастырскае пасланне біскупа Антонія Дзям’янкі з нагоды 75-й гадавіны кананізацыі св. Андрэя Баболі, Апостала Палесся, апекуна Пінскай дыяцэзіі
07.05.2013 23:05
«Таму, калі ты вуснамі сваімі будзеш вызнаваць, што Езус ёсць Панам, і ў сэрцы сваім верыць, што Бог уваскрасіў Яго з мёртвых, будзеш збаўлены. Бо сэрцам вераць для апраўдання, а вуснамі вызнаюць для збаўлення». (Рым 10, 9-10) Дарагія дыяцэзіяне!
Панядзелак, 1 красавіка 2013
Пастырскае пасланне Канферэнцыі Каталіцкіх Біскупаў у Беларусі на ўрачыстасць Звеставання Пана 2013
01.04.2013 03:00
«Заклік да Божай Міласэрнасці — гэта заклік да захавання годнасці чалавека, каштоўнасці кожнага чалавека, падставай чаго з’яўляецца жыццё, зачатае ўжо ва ўлонні маці. Абавязак кожнага чалавека, а значыць кожнага хрысціяніна і няверуючага, — абараняць гэтае жыццё», — нагадваюць беларускія біскупы ў Пастырскім пасланні на ўрачыстасць Звеставання Пана.
Аўторак, 26 сакавіка 2013
Пастырскае пасланне арцыбіскупа Тадэвуша Кандрусевіча на Вялікдзень 2013
26.03.2013 16:34
Праз таямніцу Пасхі да духоўнага прабуджэння Глыбокапаважаныя святары, браты і сёстры, людзі добрай волі! «Хрыстус уваскрос!» — «Сапраўды ўваскрос!»
Чацвер, 14 сакавіка 2013
Віншаванне старшыні Канферэнцыі Каталіцкіх Біскупаў у Беларусі новаабранаму папу Францішку
14.03.2013 13:25
13 сакавіка 2013 г. Яго Святасці Францішку Ватыкан Святы Ойча З вялікай радасцю мы прынялі шчаслівую навіну, што Калегія кардыналаў пад натхненнем Духа Святога даверыла Вашай Святасці высокую пасаду Пятра.
Аўторак, 12 сакавіка 2013
Крыжовы шлях «Пане, памнож у нас веру»
12.03.2013 15:05
Стаім, Пане, на дарозе, якая вядзе на Галгофу. Хочам быць побач з Табой у апошніх перажываннях, якія напоўнілі Тваё сэрца перад смерцю. Прыходзім прасіць аб умацаванні нашай веры і веры нашых бліжніх. Учыні, каб разам з Тваёй малітвай і нашая малітва была пачута Айцом.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця