Францішак Біскуп, Слуга Слугаў Божых, дарагому сыну Юзафу Станеўскаму, святару лацінскага абраду Гродзенскай дыяцэзіі і там да гэтага часу рэктару Вышэйшай семінарыі, прызначанаму памочнікам гэтай жа дыяцэзіі, а таксама абранаму тытулярным біскупам Табайкарэйскім, дасылае прывітанне і апостальскае благаслаўленне.
Вялебны брат Аляксандр Кашкевіч, які годна кіруе гродзенскім Касцёлам лацінскага абраду, з прычыны шматлікіх мерапрыемстваў і праектаў пастырскай дзейнасці хацеў мець дапаможнага біскупа, а менавіта памочніка ў ажыццяўленні паслугі навучання, асвячэння і кіравання. Таму Мы, пастаўленыя на катэдры Святога Пятра, лічым, што просьба гэтага кіраўніка павінна быць выслухана. Таксама і ты, дарагі сын, сын і святар узгаданай дыяцэзіі, які так самааддана служыў у справе пакліканняў, дэманструючы неабходны розум і дар сэрца і разуменне становішча спраў мясцовага Касцёла, цалкам адпавядай выкананню гэтай паслугі.
Такім чынам, Нашай Найвышэйшай апостальскай уладай Мы прызначаем цябе дапаможным біскупам Гродзенскай дыяцэзіі лацінскага абраду, а таксама абвяшчаем тытулярным біскупам Табайкарэйскім з усімі біскупскімі паўнамоцтвамі і абавязкамі, а таксама рознымі пашанамі ў адпаведнасці з дзеючым правам. Мы дазваляем табе быць пасвячаным праз любога каталіцкага біскупа за межамі Рыма, захоўваючы літургічныя нормы і прадставіўшы папярэдне, паводле святых канонаў, каталіцкае вызнанне веры і прысягу на вернасць Нам і Нашым пераемнікам. У той жа час Мы заклікаем цябе, дарагі сын, каб ты ўсю сваю біскупскую стараннасць аддаў Хрысту, чыё слова і сакрамэнты для вернікаў Гродзенскай дыяцэзіі ў еднасці з біскупам шчыра будзеш абвяшчаць і кіраваць, праз заступніцтва Найсвяцейшай Панны Марыі Вастрабрамскай, Маці Міласэрнасці, і святога Юзафа.
Дадзена ў Рыме, у Святога Пятра, дваццаць дзевятага дня месяца лістапада, у год Пана дзве тысячы трынаццаты, у першы год Нашага Пантыфікату.
Францішак
