Рух «Сужэнскія сустрэчы» запрашае закаханых з усёй Беларусі да удзелу ў «Вечарах для закаханых» у фармаце анлайн (на платформе zoom).
«Вечары для закаханых» — гэта дзевяць сустрэч, якія адбываюцца раз на тыдзень. Яны заснаваныя на ўнікальнай аўтарскай праграме, створанай спецыяльна для маладых «закаханых» адносін. Удзел у іх дае магчымасць зрабіць вялікі крок да ўзаемаразумення, даверу і глыбіні адносін у штодзённым жыцці.
«Вечары…» дазваляюць будаваць сапраўдную эмацыйную сувязь дзякуючы выкарыстанню прынцыпа дыялогу.
У сустрэчах будуць спалучацца рамантычныя моманты і плённыя заняткі для паляпшэння і ўмацавання адносін. Закаханыя таксама змогуць адкрыцца адзін аднаму ў тых сферах і пытаннях, якія, магчыма, яшчэ нават не нараджаліся ў думках, але маюць вялікае значэнне для глыбокіх і сталых адносін у будучым сужэнскім жыцці.
Для каго створана праграмма «Вечароў для закаханых»?
- для пар любога ўзросту, незалежна ад іх рэлігійных перакананняў або канфесіі,
- для закаханых, якія гатовыя працаваць над сваімі адносінамі, паглыбляць давер і ўзаемаразуменне,
- а таксама для тых, хто плануе стварыць сям’ю або рыхтуецца да шлюбу.
Праграма «Вечароў» дае сапраўдныя інструменты для ўмацавання маладых адносін і змяшчае шмат актуальнай інфармацыі для закаханых.
Анлайн фармат «Вечароў…» дае магчымасць браць у іх удзел, нават калі закаханыя знаходзяцца ў розных гарадах.
- Чарговы цыкл сустрэч, мэта якіх — дапамагчы маладым людзям у для пабудове трывалых адносін, стартуе ў аўторак 11 красавіка ў 19.00.
- Папярэдні запіс абавязковы. Тэлефон для запісу: +375 (29) 652 11 44
Некаторыя водгукі з мінулых вечароў:
«За гэты кароткі час мы даведаліся пра сябе больш, чым за тры гады, якія прайшлі з таго часу, як мы пазнаёміліся. Гэта вялізны крок, які мы разам з каханым зрабілі, каб быць разам. Мы адчувалі розныя пачуцці: адны былі прыемныя, радасныя, іншыя — сумныя. Вечары адказалі на нашыя пытанні, з якімі мы прымалі ўдзел. Мы ведаем, што перад намі яшчэ шмат працы, але мы хочам працаваць над нашымі адносінамі разам».
«Тое, што я тут пачуў, я хацеў бы надоўга запомніць.
Цяпер мне здаецца, што я буду так жыць, але калі прыйдзе штодзённасць, я магу не быць у гэтым такім упэўненым. Таму мы ў нашым будучым сужэнскім жыцці павінны нагадваць адзін аднаму пра гэтыя найважнейшыя каштоўнасці, пра якія мы тут пачулі, і весці дыялог не толькі ў цяжкія моманты, але кожны дзень».
Арганізатары запрашаюць запісацца, каб прайсці сапраўдны квэст для сваіх закаханых адносін.
Сведчанні пра ўдзел у «Вечарах для закаханых»
- «Вечары для закаханых» умацавалі нашыя адносіны: гісторыя сям’і Місан
- «Дзякуючы „Вечарам для закаханых“ я стала больш давяраць Дзіму»: гісторыя сям’і Жэрш
- «Рабіць прапанову і браць шлюб я не наважваўся». Дапамаглі «Вечары для закаханых»
- Ад вечароў для закаханых да сужэнскіх сустрэч. Адзін год з жыцця маладажонаў Марты і Паўла
- «Чакаў наступных сустрэч, каб больш даведацца пра маю каханую», або Як «Вечары для закаханых» дапамаглі Антону і Юлі ў стварэнні сям’і
