Пошук


Актуальна

Аўторак, 4 сакавіка 2014
Пачынаецца...
05.03.2014 00:00
Хрыстус прыйшоў на зямлю і стаў Святлом на шляхах чалавецтва. Не дзесьці там далёка і даўно, але тут, у жыцці кожнага чалавека, сям'і, грамадства. Вялікі пост дае магчымасць разам з Езусам прайсці Ягонымі дарогамі – праз прыняцце рашэння, праз Крыжовы шлях, праз цішыню Галгофы аж да Уваскрасення – каб убачыць, зразумець, вымаліць адчуванне, як Бог любіць чалавека.
Серада, 26 лютага 2014
Зямля, поўная талантаў
27.02.2014 00:00
«Гаспадар, я ведаў, што ты чалавек жорсткі, жнеш там, дзе не сеяў, збіраеш там, дзе не рассыпаў. Таму, пабаяўшыся, я пайшоў і схаваў талант твой у зямлю. Вось вазьмі сваё» (Мц 25,24-25).
“100 пытанняў – 100 адказаў”. Што паглядзець беларускаму пілігрыму ў Рыме?
26.02.2014 10:16
Зусім хутка Рым стане месцам пілігрымавання шматлікіх вернікаў з Беларусі. Праз два месяцы, 27 красавіка 2014 г., тут адбудзецца кананізацыя благаслаўлёных Яна ХХІІІ і Яна Паўла ІІ, і ўжо зусім не за гарамі час летняга адпачынку, на працягу якога многія пажадаюць пазнаёміцца са спадчынай Вечнага горада. Рым – гэта сапраўдны горад-музей і, здаецца, кожны камень тут мае сваю цікавую гісторыю. Пра большасць турыстычных аб’ектаў можна знайсці інфармацыю ў адмысловых даведніках, але ёсць сярод іх і тыя, пра якія часам не ведаюць і самыя дасведчаныя гіды. Напрыклад, пра месцы Рыма, звязаныя з Беларуссю і беларусамі. Сёння мы пагаворым пра некаторыя з іх, з надзеяй на тое, што іх наведванне будзе цікавым для пілігрымаў і турыстаў з нашай краіны.
VIII Чэмпіянат Еўропы па міні-футболе сярод святароў (усе матэрыялы)
26.02.2014 09:22
24-28 лютага 2014 г. у Лідзе праходзіць VIII Чэмпіянат Еўропы па міні-футболе сярод святароў. У чэмпіянаце прымаюць удзел каманды Беларусі, Аўстрыі, Албаніі, Босніі і Герцагавіны, Венгрыі, Казахстана, Польшчы, Партугаліі, Румыніі, Славакіі, Славеніі, Украіны, Харватыі і Чарнагорыі.
Аўторак, 18 лютага 2014
Сацыяльныя дакументы Касцёла ХХ стагоддзя: Папа Ян ХХІІІ, першая энцыкліка, скіраваная да “ўсіх людзей добрай волі”, і ўмовы супакою на зямлі паводле навучання Касцёла
18.02.2014 17:13
Шасцідзясятыя гады адкрываюць шырокія перспектывы: свет ачуняў пасля ваенных разбурэнняў, пачалася дэкаланізацыя, з’явіліся першыя нясмелыя адзнакі пацяплення ў адносінах паміж двума блокамі -  амерыканскім і савецкім. У такой атмасферы Папа Ян ХХІІІ глыбока аналізуе “знакі часу”.
Субота, 15 лютага 2014
Русь у XIII-XIV стст. Адносіны да уніі
15.02.2014 15:33
Кіеўская мітраполія, якая ахоплівала хрысціянаў на ўсходнеславянскіх землях, падпарадкоўвалася Канстанцінопальскаму патрыярхату. Цесныя адносіны з патрыярхамі працягвалі захоўвацца, а пасаду мітрапаліта часта займалі біскупы не мясцовага паходжання, а з іншых краін, напрыклад грэкі.
Пятніца, 14 лютага 2014
Арцыбіскуп Клаўдыё Гуджэроцці: быць прадстаўніком Папы ў гэтай краіне – вялікі прывілей
14.02.2014 13:24
“Быць прадстаўніком Папы ў гэтай краіне – вялікі прывілей. Бо глыбокая любоў да Папы, якая каштавала жыцця многім людзям у часы пераследу, у момант стварэння ўмоваў большай свабоды і цяпер жыве ў верніках ва ўсёй поўні, свежасці і ва ўсім сваім эмацыйным запале”, - адзначыў Апостальскі Нунцый у Беларусі арцыбіскуп Клаўдыё Гуджэроцці. Іерарх адказаў на некалькі пытанняў Беларускай рэдакцыі Ватыканскага радыё.
Серада, 12 лютага 2014
Ці дзень св. Валянціна яшчэ хрысціянскі?
13.02.2014 00:00
Не сакрэт, што сучасны выгляд Дня святога Валянціна — гэта камерцыйны праект, які прыносіць добры прыбытак бізнесменам, а для звычайных абывацеляў — гэта нагода проста павесяліцца. Для многіх закаханых гэты дзень становіцца ледзь не адзіным момантам у годзе, калі яны імкнуцца неяк адмыслова падкрэсліць блізкай асобе, як моцна яе кахаюць.
Хто за што адказвае?
12.02.2014 12:41
Адказнасць з'яўляецца адным з вельмі важных накірункаў выхавання. Бацькі мараць, каб іх дзеці выраслі адказнымі, самастойнымі людзьмі, якія ўмеюць рабіць выбар, прымаць рашэнні і кіраваць сваім жыццём. На жаль, аднак, вельмі часта мае месца супрацьлеглая карціна: дзеці вырастаюць несамастойнымі, інфантыльнымі, безадказнымі, яны баяцца ці проста не хочуць прымаць ніякіх рашэнняў, займаюць пасіўную пазіцыю, - а ўсе клопаты, звязаныя з іх існаваннем, даручаюць, як і ў дзяцінстве, бацькам. Пераломным момантам у развіцці дзяцей становіцца, як правіла, падлеткавы (пераходны) узрост, падчас якога нават тыя праявы адказнасці, якія ў дзіцяці былі, агрэсіўна разбураюцца бунтуючым маладым чалавекам. У выніку людзі часта скардзяцца псіхолагам ці проста сябрам: «Быў жа залаты хлопчык: у хаце прыбіраў, урокі рабіў, з вуліцы ў час прыходзіў...  Стукнула 13 гадоў — як яго падмянілі! Лаецца, пачаў паліць, звязаўся з дрэннай кампаніяй, дома не начуе, школу прагульвае, абмеркаваць сітуацыю не жадае».
Аўторак, 11 лютага 2014
Выратавальныя ўцёкі
11.02.2014 14:47
Цяжка выпраўляцца ў дарогу, калі не ведаеш, дзе яна скончыцца. З абжытага месца, з прыемнага кола знаёмых рэчаў, адрываючыся ад людзей, з якімі паспеў пасябраваць, Цяжка паверыць, што трэба ўцякаць, калі навокал усё выглядае бяспечным. І людзі, як людзі, і ціхія зоркі, і ласкавае сонца, і хлеба хапае...
Чвэрць гадзіны шчырасці з дырэктарам «Pro Christo» Алінай Новікавай
11.02.2014 10:44
Вялікі вопыт за спіной, першыя крокі ля вытокаў каталіцкага друку ў Беларусі, справа заснавання выдавецтва «Pro Christo» належаць і ёй – Аліне Сяргееўне Новікавай. На чарговай Міжнароднай кніжнай выставе, якая праходзіла з 5 па 9 лютага ў Мінску, мы пагутарылі са спадарыняй Алінай аб асаблівасцях кнігавыдання рэлігійнай літаратуры і перспектывах яго развіцця.
Як выконваецца заклік «Браты, чыніце дабро» ў Ордэне баніфратраў сёння. Інтэрв'ю
11.02.2014 08:33
11 лютага, у Сусветны дзень хворых, запрашаем да бліжэйшага знаёмства з Ордэнам баніфратраў. Як сучасныя баніфратры працягваюць працу свайго заснавальніка св. Яна Божага? У якіх краінах свету працуюць і як дзейнічаюць бальніцы Шпітальнага ордэна ў сучасным свеце? Колькі прадстаўнікоў з Беларусі налічвае сёння Ордэн баніфратраў? На гэтыя пытанні адказвае брат Эмануэль Юран.
Субота, 8 лютага 2014
Біскуп Алег Буткевіч: самае цяжкае – не згубіць асабістую лучнасць з Хрыстом, не прызвычаіцца да служэння, каб яно не стала руцінай
08.02.2014 16:13
“Мне яшчэ трэба ўсвядоміць тое вялікае заданне, якое ўсклалася на мяне. (…) Мацуе найперш малітва. Без яе ўсё астатняе губляе значэнне. Біскуп - гэта духоўны кіраўнік. І самае цяжкае, як ні парадаксальна, – не згубіць асабістую лучнасць з Хрыстом, не прызвычаіцца да гэтага служэння, каб яно не стала руцінай”, - адзначае віцебскі ардынарый біскуп Алег Буткевіч, пасвячэнне якога адбылося 18 студзеня. Іерарх даў інтэрв’ю tut.by. 
Серада, 5 лютага 2014
«100 пытанняў – 100 адказаў». Ці дапамагаюць метады ёгі ў хрысціянскай медытацыі?
05.02.2014 11:02
На працягу апошніх дзесяцігоддзяў у Еўропе шырока распаўсюджваецца захапленне ўсходнімі духоўнымі практыкамі. Прычын для гэтага шмат: многія нашы сучаснікі нанова “выбіраюць” для сябе рэлігію пасля часоў атэістычнага пераследу ці перарванасці рэлігійных традыцый у сям’і, іншыя шукаюць гармоніі і спакою ва ўмовах хуткага жыццёвага рытму і духоўнай пустыні. Ёсць і тыя, якіх прываблівае клопат аб здаровым целе ва ўсходняй духоўнасці, а таксама тыя, хто звяртаецца да яе, шукаючы невядомага, новага і звышнатуральнага.
Аўторак, 4 лютага 2014
Сацыяльныя дакументы Касцёла ХХ стагоддзя: ваенныя часы і пасляваенная аднова, прадвесце Другога Ватыканскага Сабору і асоба Папы Пія ХІІ
04.02.2014 15:52
Пантыфікат Пія ХІІ (1939–1958 гг.) прыпадае на асабліва цяжкі час знешнепалітычнай сітуацыі – гады Другой сусветнай вайны і так званай халоднай вайны і пасляваенны доўгі працэс аднаўлення.
«Наша місія - малітва за ўвесь свет, якая ёсць любоўю»: інтэрв’ю з сёстрамі рэдэмптарысткамі
04.02.2014 08:58
17 гадоў таму Папа Ян Павел ІІ устанавіў у Касцёле Дзень кансэкраванага жыцця, які адзначаецца  ў свята Ахвяравання Пана, 2 лютага. Пра жыццё сваёй супольнасці апавядаюць сёстры рэдэмптарысткі (Кангрэгацыя Найсвяцейшага Адкупіцеля) з Польшчы.
Субота, 1 лютага 2014
Брат Корнэль Консэк: «Я не падзяляю журналістыку на свецкую і каталіцкую»
02.02.2014 00:00
«Праз аб'ектыў фотаапарата я пачаў бачыць тое, што звычайнае вока ўбачыць не ў стане. Я пачаў вучыцца ўспрымаць людзей і свет вакол мяне па-іншаму». Напярэдадні свята Ахвяравання Пана і Дня кансэкраванага жыцця брат Корнэль Консэк SVD — вядомы фатограф часопіса «Дыялог» — у інтэрв’ю для Сatholic.by распавёў пра любоў да фатаграфіі і пра сваю працу.
Серада, 29 студзеня 2014
Апраніцеся ў новага чалавека
29.01.2014 16:55
Кожны з нас, хутчэй за ўсё, чытаў у дзяцінстве байку Крылова “Лебедзь, рак і шчупак”. Пэўна, задумкай аўтара было паказаць, якой важнай справай з’яўляецца супольная, наладжаная, скіраваная ў адзіным напрамку праца людзей. І што людзі, якія не здольныя паміж сабою дамовіцца, якія не ў стане разам супрацоўнічаць, не могуць выконваць пастаўленых перад сабою задачаў і дасягаць пэўных мэтаў.
Чацвер, 23 студзеня 2014
Кіназнаўца Галіна Шур пра хрысціянскае кіно і фестываль «Magnificat»
23.01.2014 15:41
Аб асаблівасцях экраннай прадукцыі, прадстаўленай на адным з унікальных кінапраглядаў у нашай краіне — «Magnificat», аб яго ўплыве на айчыннае дакументальнае кіно гутарка са шматгадовым членам журы фестывалю хрысціянскіх фільмаў і тэлепраграм «Magnificat», кіназнаўцай Галінай Шур.
2014 год — Год малітвы
23.01.2014 12:45
У 1917 г. у Фаціме (Партугалія) мелі месца аб’яўленні Маці Божай, падчас якіх Панна Марыя прадказала гісторыю чалавецтва ў ХХ стагоддзі, пераслед Касцёла і яго адраджэнне. У 2017 г. будзе святкавацца юбілей 100-годдзя фацімскіх аб’яўленняў. Канферэнцыя Каталіцкіх Біскупаў Беларусі зацвердзіла трохгадовы цыкл падрыхтоўкі да юбілею. Зыходзячы з фацімскіх аб’яўленняў, год 2014 будзе Годам малітвы, 2015 – Годам навяртання, 2016 – Годам надзеі.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця