Фота Аўдыё Відэа  
be  ru  pl  en  de info@catholic.by
У Брэсце абвалілася арка былога кляштара сясцёр бэрнардынак
Беларусь - Пінская дыяцэзія
19.02.2016 15:20

Бэрнардынскі жаночы кляштар у Брэсце, рэшткі якога знаходзяцца на тэрыторыі сучаснай Брэсцкай крэпасці, паступова знікае. Нядаўна падчас рэстаўрацыйных работ абвалілася яго арка.

Руіны Бэрнардынскага жаночага кляштара, які знаходзіцца недалёка ад Раства-Багародзіцкага жаночага манастыра — гэта частка старога Брэста.

На неабходнасць захавання гэтай гістарычнай каштоўнасці не раз звярталі ўвагу мясцовыя СМІ. Шматлікія валанцёры клапоцяцца аб захаванні рэшткаў кляштара, пішуць звароты ў гарвыканкам.

Аднак мясцовыя ўлады так і не праводзяць работу па ўмацаванні або кансервацыі руін. У выніку на днях абвалілася арка кляштара пры спробе яе ўмацаваць.

«Падчас абвалу ніхто не пацярпеў, хоць побач з аркай знаходзіліся турысты», — паведамляюць у сацсетках валанцёры.

Бэрнардынскі кляштар разам з касцёлам у Брэсце быў пабудаваны ў 1605 годзе манахамі бэрнардынцамі. Спачатку ён быў драўляным. З ахвяраванняў Льва Сапегі і Яна Галемскага замест драўлянага пачалося будаўніцтва мураванага касцёла, які ў 1623 годзе быў асвечаны ў імя Яна Хрысціцеля і святой Ганны.

Макет былога кляштара бэрнардынак у Брэсце

Ужо праз год, у 1624 годзе, быў таксама заснаваны жаночы драўляны кляштар. Пазней на тым жа месцы быў узведзены ўжо каменны касцёл і кляштар бэрнардынак, будаўніцтва якога было скончана ў 1750 годзе.

Кляштары бэрнардынцаў і бэрнардынак Брэста — адзіныя збудаванні гэтага ордэна ў Беларусі, што ўтварылі ансамбль, арганізаваны вакол плошчы.

Рэшткі кляштара бэрнардынак у Брэсце 

Да 1941 года ў кляштары размяшчаўся шпіталь. Тут у перыяд абароны крэпасці немцамі былі захоплены ў палон параненыя і ўрачы з медсёстрамі.

У пасляваенны час будынак выкарыстоўваўся ў якасці склада ваеннай часткі, што размяшчалася ў гэтым месцы. Пасля распаду СССР будынак паступова разбураўся.

Паводле katolik-gomel.by (MV)

 

Пры выкарыстанні матэрыялаў сайта спасылка на Catholic.By абавязкова.

Беларусь - Пінская дыяцэзія

26.09 13:52Выпускны вечар прайшоў у Катэхетычным каледжы імя Зыгмунта Лазінскага
24.09 14:04Стала вядома, як будзе выглядаць новы касцёл у Гомелі
24.09 08:00Веды, вопыт і новыя знаёмствы. Чым жыве Катэхетычны каледж імя Зыгмунта Лазінскага ў Баранавічах
14.09 00:14На мапе Беларусі з’явілася яшчэ адна святыня: асвячэнне касцёла святога Юзафа ў Брэсце (+фотарэпартаж)
12.09 17:08У Гомель прывезлі рэліквіі Маці Тэрэзы
05.09 13:14У Гомелі ўпершыню прайшоў міжнародны форум Ананімных Алкаголікаў
23.08 14:14Што «знаходзіць» пілігрым?: сведчаць удзельнікі пілігрымак да Маці Божай Лагішынскай
22.08 13:36«Хто шукае Бога па-сапраўднаму?»: у Лагішыне завяршыліся ўрачыстасці Маці Божай Каралевы Палесся (абноўлена)
22.08 03:27Канцэрт праслаўлення ў Лагішыне: «Убачыць Езуса ў глыбіні свайго сэрца» (+відэа)
22.08 02:13Імшой для пілігрымаў пачаліся ўрачыстасці ў гонар Маці Божай Лагішынскай (абноўлена)