29 мая парафію Найсвяцейшай Тройцы ў Забалаці наведаў дапаможны біскуп Гродзенскай дыяцэзіі Юзаф Станеўскі з нагоды ўрачыстага ўвядзення ў святыню грэміяльнага каноніка Гродзенскага катэдральнага капітула ксяндза Генрыха Яблонскага.

На ўрачыстасць прыбылі таксама прадстаўнікі мясцовай улады, старшыні мясцовых сельскагаспадарчых кааператываў.

Распачацце Гродзенскага капітула адбылося 19 мая ў катэдральным касцёле св. Францішка Ксаверыя ў Гродне. У гэты дзень канонікі капітула, у тым ліку дэкан капітула кс. Генрых Яблонскі, распачалі сваё служэнне.

Падчас прывітання біскуп Юзаф Станеўскі адзначыў, што забалацкая парафія шчодрая на святарскія пакліканні, у тым ліку на канонікаў, бо менавіта з яе паходзiць некаторыя святары, якія былі прызначаны канонікамі: кс. Ян Кучынскі і кс. Алег Дуль тут нарадзіліся, а былы пробашч кс. Ян Пецюн і цяперашні пробашч парафіі кс. Генрых Яблонскі дапамагаюць тут у пастырскім служэнні.

У гаміліі біскуп заахвоціў вернікаў парафіі быць чулымі і міласэрнымі да бліжніх, глядзець адзін на аднаго як на брата і сястру. Іерарх заклікаў, каб кожны ішоў да збаўлення ў парафіяльнай супольнасці, каб у размове з іншымі людзьмі выкарыстоўваў словы Евангелля, бо гэта прабачэнне, дабрыня, любоў.

Пасля Імшы біскуп Юзаф Станеўскі, сям’я пробашча, прадстаўнікі парафіяльнай супольнасці, мясцовай улады і сельскагаспадарчых кааператываў павіншавалі ксяндза Генрыха Яблонскага з наданнем яму тытула каноніка.

Ганна Залеская, (AG)
фота аўтара