Гэта
архіў старой версіі сайта. Новая версія знаходзіцца па адрасе
catholic.by
|
Другі дзень візіту арцыбіскупа Савіо Хона Тай-Фая ў Беларусь |
|
Беларусь
|
|
23.05.2014 14:02 |
|
 Працягваецца візіт сакратара Кангрэгацыі Евангелізацыі Народаў арцыбіскупа Савіо Хона Тай-Фая SDB y Беларусь.
22 мая, другі дзень візіту ў Беларусь ватыканскага прадстаўніка, пачаўся з наведвання салезіянскай супольнасці ў Мінску. Іерарх прыехаў у парафію св. Яна Хрысціцеля (Серабранка) і каталіцкі моладзевы цэнтр імя св. Яна Боска. Пасля абеду Яго Эксцэленцыя прадоўжыў знаёмства з салезіянскімі пляцоўкамі міншчыны і наведаў парафію Найсвяцейшай Панны Марыі Успамогі Хрысціянаў (Бараўляны) і парафію св. Мацвея ў Раўбічах. Падчас сустрэч са сваімі субратамі-салезіянамі арцыбіскуп меў магчымасць бліжэй пазнаёміцца з працай салезіянскіх супольнасцяў, вопытам працы мінулых гадоў і планамі на будучыню.
Таксама ў другі дзень візіту ватыканскага арцыбіскупа ў Беларусь адбылася яго сустрэча з Міністрам замежных спраў Рэспублікі Беларусь Уладзімірам Макеем.Прывіталі прадстаўніка Папы таксама і ў мінскай парафіі св. Сымона і св. Алены, а наведваючы Бараўляны, іерарх не абмінуў увагай дзіцячы рэабілітацыйны цэнтр «Карытас» (в. Ляскоўка).
Завяршыўся гэты дзень урачыстай Імшой у мінскім архікатэдральным касцёле, якую узначаліў арцыбіскуп Савіо Хон Тай-Фай.
Нагадаем, што канчатковай мэтай візіту ватыканскага прадстаўніка ў Беларусь з’яўляецца святкаванне 25-годдзя служэння салезіянскай супольнасці ў Смаргоні, якое адбудзецца там 24-25 мая. Кс. Павел Шчарбіцкі SDB
|
| Фотарэпартаж |
Пры выкарыстанні матэрыялаў сайта спасылка на
Catholic.By абавязкова.
для друку
