Пошук


Святыя і благаслаўлёныя

Аўторак, 20 студзеня 2009
Марыя Магдалена Паццы
20.01.2009 14:41
Нарадзілася 2 красавіка 1566 г. у Фларэнцыі і на хросце атрымала імя Кацярына. З дзяцінства была вельмі рэлігійная і ва ўзросце 16 гадоў уступіла ў фларэнтыйскі кляштар кармэлітак, прыняўшы імя Марыя Магдалена. Неўзабаве пасля гэтага ў яе жыцці з’явіліся моцныя фізічныя і духоўныя цярпенні, а таксама шматлікія містычныя бачанні, падчас якіх яна размаўляла з Хрыстом, а іншыя сёстры запісвалі гэтыя размовы.
Бэрнардын Сіенскі
20.01.2009 14:38
Нарадзіўся 8 верасня 1380 г. у Маса-Марытыма (Італія). У адзінаццацігадовым узросце распачаў навучанне ва універсітэце, у 1402 г. уступіў у ордэн францішканаў і праз два гады прыняў святарскае пасвячэнне. Быў верным паслядоўнікам святога Францішка, жывучы ў беднасці, і ўсе іншыя трактоўкі францішканскага статуту лічыў здрадаю запаветам заснавальніка. Дзесяць гадоў Бэрнардын жыў у поўнай самоце і строгай аскезе, пасля чаго стаў брамнікам у францішканскім кляштары непадалёк ад Фларэнцыі.
Ян І
20.01.2009 14:23
Нарадзіўся ў другой палове V ст. у Таскане (Італія). 13 жніўня 523 г. быў абраны на пасад святога Пятра. Спазнаў вялікае прыніжэнне ад караля остготаў Тэадорыка І, тагачаснага валадара Італіі. Тэадорык загадаў Яну І паехаць у Канстанцінопаль да імператара Юстыніяна І, каб той адклікаў эдыкт, у якім асуджалася арыянства, і такім чынам вымушаў Папу падтрымаць гэтую ерась. Ян І вярнуўся ў 526 г., аднак без вынікаў, на якія разлічваў Тэадорык.
Панкрат
20.01.2009 14:20
Захаваліся вельмі няпэўныя звесткі пра жыццё гэтага святога. Паводле падання, Панкрат нарадзіўся каля 290 г. (паводле іншых крыніцаў — падчас панавання цэзара Валяр’яна паміж 254 і 260 гг.) у Фрыгіі (Малая Азія) у паганскай сям’і рымскіх арыстакратаў. Рана страціўшы бацькоў, Панкрат разам са сваім апекуном Дыянісіем, які даводзіўся яму дзядзькам, прыбыў у Рым, каб атрымаць належную спадчыну. У сталіцы імперыі адбылося яго навяртанне: ён прыняў хрост, які яму ўдзяліў Папа Карнэлій, і далучыўся да мясцовай супольнасці хрысціянаў. Атрыманае ў спадчыну багацце ён выкарыстоўваў на ўчынкі міласэрнасці, дапамагаючы хрысціянам, якія цярпелі ад пераследу ці знаходзіліся ў вязніцах.
Панядзелак, 19 студзеня 2009
Пётр Хрызалог
19.01.2009 18:15
Нарадзіўся каля 380 г. на поўначы Італіі, каля 430 г. стаў біскупам Равэны. Ён узняў статус мясцовай дыяцэзіі да мітраполіі і такім чынам паспрыяў далейшаму росквіту горада. Пётр, блізкі сябра Папы Льва Вялікага, разам з ім дзейсна змагаўся з тагачаснымі ерасямі. Ён быў надзвычай красамоўным прапаведнікам, за што і быў названы Хрызалогам — тым, хто гаворыць залатыя словы. У яго прамовах глыбіня і эрудыцыя спалучаліся з прастатою выказвання і сілаю пераканання. Памёр 4 снежня 450 г. Праз заступніцтва святога Пятра Хрызалога просяць паратунку ад ліхаманкі і шаленства.
Апалінарый
19.01.2009 17:48
Жыў напрыканцы ІІ ст. Паводле падання, паходзіў з Антыёхіі і быў вучнем самога апостала Пятра. Лічыцца, што менавіта святы Пётр прызначыў Апалінарыя першым біскупам Равэны (на поўначы Італіі). Не захавалася ніякіх дакладных звестак пра жыццё і смерць Апалінарыя, але ўжо з першых стагоддзяў яго ўшаноўвалі як мучаніка. Жыццяпіс святога паведамляе, што ён навярнуў у хрысціянства вельмі шмат жыхароў Равэны. Гэта выклікала вялікую незадаволенасць язычніцкіх святароў, па нагаворы якіх пры імператары Веспасіяне Апалінарый быў засечаны мячамі.
Аўгустын Джао Жонг
19.01.2009 17:41
Нарадзіўся ў 1746 г. у кітайскай правінцыі Сычуань. У дваццацігадовым узросце пачаў служыць у войску і трапіў у атрад, які забяспечваў канвой групы вязняў-хрысціянаў па дарозе ў Пекін. Ужо тады Джао быў уражаны цярплівасцю і мужнасцю хрысціянаў. Праз пэўны час ён пазнаёміўся з арыштаваным айцом Жанам-Мартэнам Муа. Прыклад веры і любові гэтага святара, а таксама яго катэхізацыя схілілі Джао да прыняцця хрысціянства. Ён прыняў хрост з рук айца Мартэна ва ўзросце 30-ці гадоў. Наступныя пяць гадоў Джао сам рыхтаваўся стаць святаром і ў 1781 г. прыняў пасвячэнне, пасля чаго шмат гадоў здзяйсняў святарскае служэнне.
Альжбета Партугальская
19.01.2009 17:38
Нарадзілася каля 1271 г. у Іспаніі. У маладым узросце была выдадзена замуж за партугальскага караля Дыянісія і стала каралеваю. Усё жыццё Альжбета фінансава падтрымлівала касцёлы і кляштары ў сваёй краіне, будавала шпіталі, дзіцячыя дамы і прытулкі, вялікую частку маёмасці раздала бедным. Будучы каралеваю, часта выступала пасрэдніцаю ва ўзброеных канфліктах.
Кірыл Александрыйскі
19.01.2009 17:34
Нарадзіўся напрыканцы IV ст. у Александрыі Егіпецкай.
Рамуальд
19.01.2009 16:01
Нарадзіўся ў 952 г. у Равэне, у шляхетнай сям’і. Цяжкім перажываннем юнацтва стаў для Рамуальда выпадак, калі яго бацька ў бойцы забіў аднаго са сваякоў. Пасля гэтага юнак знайшоў прытулак у бэнэдыктынскім кляштары, дзе пазней стаў манахам. Ва ўзросце 26 гадоў Рамуальд, жадаючы адрадзіць пустэльніцкае манаства з яго самотніцкім і аскетычным жыццём, разам з венецыянскім дожам Пятром Арсеоло заснаваў у Пірэнеях супольнасць эрэмітаў. Праз дзесяць гадоў ён вярнуўся ў Італію, дзе рэфармаваў шмат кляштараў і пустэльняў, сярод якіх быў таксама кляштар у Камальдолі (Таскана), які неўзабаве стаў цэнтрам манаства новага ўзору і даў імя заснаванаму Рамуальдам ордэну пустэльнікаў камедулаў. У гэтым адгалінаванні бэнэдыктынскага ордэна Рамуальд рэалізаваў свой ідэал манаства, у якім злучаны кінавія (супольнае жыццё) і пустэльніцтва.
Марцэлін і Пётр
19.01.2009 15:55
Марцэлін і Пётр жылі ў канцы ІІІ — пачатку IV ст. Марцэлін быў святаром, а Пётр меў першую з чатырох ніжэйшых ступеняў пасвячэння і быў экзарцыстам. Хутчэй за ўсё, абодва прынялі мучаніцкую смерць у Рыме каля 304 г. падчас пераследу хрысціянаў, разгорнутага імператарам Дыяклетыянам. Паводле падання, незадоўга да смерці Пётр аздаравіў апантаную дачку ахоўніка вязніцы і ахрысціў усю яго сям’ю.
Лаўрэнцій Руіс
19.01.2009 15:52
Нарадзіўся ў 1589 г. на Філіпінах. Меў сям’ю і служыў сакрыстыянам у 14 дамініканцаў-місіянераў, якія з вялікаю небяспекаю для жыцця абвяшчалі Евангелле ў Японіі. У 1633 г. галоўнакамандуючы японскага войска аддаў загад арыштоўваць і караць смерцю ўсіх замежнікаў, якія распаўсюджваюць хрысціянства. Неўзабаве пасля гэтага дамініканцаў і Лаўрэнція кінулі ў вязніцу, катавалі і нарэшце забілі. Гэта адбылося 14 жніўня 1633 г. у Нагасакі.
Вінцэнт дэ Поль
19.01.2009 15:31
Нарадзіўся 24 красавіка 1581 г. у мястэчку Пуі ў французскай Гасконі, якое сёння ў гонар святога называецца Сэн-Вэнсан-дэ-Поль. Бацькі Вінцэнта былі сялянамі. У 19-гадовым узросце ён стаў святаром і праз дванаццаць гадоў святарскага служэння быў прызначаны пробашчам парафіі Клішы ў Парыжы. У 1617 г. святар прысягнуў да канца свайго жыцця служыць бедным і ў тым жа годзе арганізаваў Брацтва міласэрнасці — супольнасць свецкіх сясцёр. Праз тры гады ён заснаваў мужчынскае таварыства служыцеляў бедных, а ў 1625 г. — законную супольнасць Місій, заданнем якой стала падрыхтоўка місій і клопат пра выхаванне духавенства.
Андрэй Кім Таэгон, святар, і Павел Чон Хасан
19.01.2009 15:26
Кім Таэгон нарадзіўся 21 жніўня 1821 г. у Карэі ў сям’і хрысціянаў і пры хросце атрымаў імя Андрэй. Нягледзячы на жорсткі пераслед хрысціянскай веры, які лютаваў тады ў Карэі, Андрэй Кім захаваў ёй вернасць і ў 1845 г. прыняў у Шанхаі (Кітай) святарскае пасвячэнне, стаўшы першым каталіцкім святаром карэйскага паходжання. Рызыкуючы жыццём, ён вярнуўся на радзіму, пасля чаго дапамог таксама іншым святарам прабрацца ў Карэю.
Пантыян і Гіпаліт
19.01.2009 14:34
Святыя Пантыян і Гіпаліт, якіх Касцёл узгадвае ў адзін дзень, жылі і працавалі ў ІІІ стагоддзі. Пантыян паходзіў з Рыма і быў выбраны Папам 21 ліпеня 230 г., а перад гэтым Гіпаліт пасля смерці Папы Зефірына ў 217 г. быў абвешчаны антыпапам. Гэта быў першы гістарычна зафіксаваны раскол у Касцёле.
Аўторак, 6 студзеня 2009
Жанна Франсуазa дэ Шанталь
06.01.2009 16:05
Жанна Франсуаза Фрэміо дэ Шанталь нарадзілася 28 студзеня 1572 г. у Дыжоне (Францыя) у сям’і старшыні парламента Бургундыі. Яна выйшла замуж і ў шлюбе нарадзіла шасцярых дзяцей. Калі раптоўна памёр муж Жанны, яна цалкам прысвяціла сваё жыццё рэлігіі. У 1610 г. у французскім мястэчку Анэсі яна разам са святым Францішкам Сальскім заснавала законную супольнасць Адведзінаў Найсвяцейшай Панны Марыі, сясцёр якой называюць таксама «візіткамі» ад лацінскага слова visitatio — адведзіны.
Альфонс Марыя Лігуоры
06.01.2009 12:18
Нарадзіўся 27 верасня 1696 г. у прадмесці Неапаля ў Італіі. У 16-гадовым узросце атрымаў тытул доктара права і на працягу 10-ці гадоў працаваў адвакатам. Расчараваўшыся ў адвакацкай дзейнасці, вырашыў распачаць новае жыццё і ў 1726 г. прыняў святарскае пасвячэнне. Напачатку Альфонс займаўся місіянерскай дзейнасцю сярод вясковага насельніцтва ў ваколіцах Неапаля. У 1732 г. заснаваў манаскую супольнасць Найсвяцейшага Адкупіцеля — ордэн рэдэмптарыстаў, мэтаю якога стала абвяшчэнне Евангелля духоўна занядбаным і бедным з дапамогаю місій і рэкалекцый.
Маргарыта Марыя Алякок
06.01.2009 12:12
Нарадзілася 22 ліпеня 1647 г. у Лёткуры (Бургундыя, Францыя) у сям’і паважаных гараджанаў. У 1671 г. уступіла ў закон Адведзінаў Найсвяцейшай Панны Марыі (візіткі) у Парэ-ле-Маньяль. Ужо ў першыя гады жыцця ў кляштары перажыла містычнае бачанне палаючага любоўю Сэрца Езуса. Адно з такіх бачанняў адбылося ў 1675 г., калі Маргарыта Марыя атрымала наказ паклапаціцца пра тое, каб свята Сэрца Езуса было ўведзена ў літургічны каляндар.
Ян Леанардзі
06.01.2009 12:04
Нарадзіўся ў 1541 або ў 1543 г. у Д’ечыме (Таскана, Італія). Напачатку быў аптэкарам, але ў 1571 г. прыняў святарскае пасвячэнне. Падчас святарскага служэння ў тасканскім мястэчку Лукке арганізаваў сістэматычную катэхізацыю для мясцовых жыхароў і стварыў Таварыства хрысціянскага навучання.
Чацвер, 18 снежня 2008
Кацярына Александрыйская
18.12.2008 13:32
Паводле падання, Кацярына да хросту мела імя Дасіфея. Яна нарадзілася ў 294 г. у Александрыі Егіпецкай у сям’і мясцовага валадара. Як апавядае Жыціе, дзяўчына вылучалася незвычайнай прыгажосцю і выключнымі здольнасцямі, але разам з тым была вельмі ганарыстаю і не жадала выйсці замуж ні за каго, хто б не пераўзыходзіў яе ва ўсіх адносінах. Маці Кацярыны, патаемная хрысціянка, адвяла дачку да пустэльніка, які распавёў дзяўчыне пра такога Жаніха: «Я ведаю аднаго цудоўнага Юнака, які непараўнальна перавышае цябе ва ўсіх тваіх талентах.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа