Пошук


Літургія

Серада, 2 снежня 2009
Нядзельнае казанне: 6 снежня — ІІ Нядзеля Адвэнту, год С
02.12.2009 02:00
«Падрыхтуем шлях Пану да нашых сэрцаў: праз шчырае і трывалае вырачэнне ўсялякага граху, праз выпраўленне крыўдаў, праз багаты плён добрых учынкаў, праз удасканаленне любові да Бога і бліжняга, праз ахвотны ўдзел у абвяшчэнні Евангелля».
Панядзелак, 30 лістапада 2009
Літургія слова на Адвэнт
30.11.2009 16:58
У адпаведнасці з храналагічным падзелам, касцёльны год распачынаеАдвэнт, г.зн. перыяд падрыхтоўкі да перажывання таямніцы УцелаўленняБожага Сына. Ён пачынаецца ў нядзелю паміж 27 лістапада і 3 снежня ідоўжыцца да 24 снежня, ахопліваючы чатыры тыдні. У мінулым Адвэнт урозных мясцовых Касцёлах меў розную працягласць. У некаторых законахуведзены 40-дзённы Адвэнт накшталт Вялікага посту. Да сённяшняга дня ўКасцёле св. Амброзія ў Мілане Адвэнт доўжыцца не чатыры, а шэсцьтыдняў.
Нядзеля, 29 лістапада 2009
19 снежня — звычайны дзень Адвэнту
29.11.2009 23:00
«Калі Захарыя па вызначанай чарзе выконваў святарскае служэнне перад Богам, яму, паводле святарскага звычаю, выпаў лёс увайсці ў святыню Пана, каб кадзіць. (...) І з’явіўся яму анёл Пана, які стаяў з правага боку кадзільнага ахвярніка. І збянтэжыўся Захарыя, калі ўбачыў яго, і страх ахапіў яго. Анёл жа сказаў яму: Не бойся, Захарыя, бо выслухана просьба твая, і жонка твая Альжбета народзіць табе сына і назавеш яго імем Ян».
20 снежня — звычайны дзень Адвэнту
29.11.2009 23:00
«Бог паслаў анёла Габрыэля ў горад галілейскі, які называўся Назарэт, да Дзевы, заручанай з мужам па імені Юзаф, з дому Давіда, а імя Дзевы — Марыя. Анёл, увайшоўшы да яе, сказаў: Вітай, поўная ласкі, Пан з Табою».
21 снежня — звычайны дзень Адвэнту
29.11.2009 23:00
«Калі Альжбета пачула прывітанне Марыі, узварухнулася дзіцятка ва ўлонні яе, і напоўнілася Альжбета Духам Святым. І ўсклікнула моцным голасам, і сказала: Благаславёная Ты між жанчынамі, і благаславёны плод улоння Твайго! І адкуль мне гэта, што Маці Пана майго прыйшла да мяне?».
22 снежня — звычайны дзень Адвэнту
29.11.2009 23:00
«Велічае душа мая Пана, і ўзрадаваўся дух мой у Богу, маім Збаўцы. Бо ўзглянуў Бог на пакору сваёй слугі, і цяпер благаслаўляць мяне будуць усе пакаленні. Бо вялікае ўчыніў мне Усемагутны, а імя Яго святое».
23 снежня — звычайны дзень Адвэнту
29.11.2009 23:00
«Альжбеце надышоў час нарадзіць, і яна нарадзіла сына. І пачулі суседзі і сваякі яе, што Пан праявіў да яе такую вялікую міласэрнасць, і радаваліся разам з ёю. На восьмы дзень прыйшлі абразаць дзіця і хацелі назваць яго імем бацькі ягонага, Захарыем. Але маці ягоная сказала ў адказ: Не, але будзе названы Янам».
24 снежня — звычайны дзень Адвэнту
29.11.2009 23:00
«Захарыя, бацька Яна, напоўніўся Духам Святым і прарочыў, кажучы:Благаслаўлёны Пан, Бог Ізраэля, бо наведаў і адкупіў народ свой, і ўзняў рог збаўлення для нас у доме Давіда, слугі свайго. Як абвясціў спрадвеку вуснамі сваіх святых прарокаў, што збавіць нас ад ворагаў нашых і ад рук усіх, хто нас ненавідзіць».
17 снежня — звычайны дзень Адвэнту
29.11.2009 23:00
«Абрагам быў бацькам Ісаака; Ісаак — бацькам Якуба; Якуб — бацькам Юды і ягоных братоў; Юда быў бацькам Фарэса і Зары, маці якіх была Тамар. Фарэс быў бацькам Эзрома; Эзром — бацькам Арама, Арам — бацькам Амінадаба; Амінадаб — бацькам Наасона; Наасон — бацькам Сальмона; Сальмон — бацькам Бааза, а маці была Рахаб. Бааз быў бацькам Абэда, а маці была Рут. Абэд быў бацькам Есэя, а Есэй быў бацькам караля Давіда...».
18 снежня — звычайны дзень Адвэнту
29.11.2009 23:00
«...Юзэфе, сыне Давіда! Не бойся прыняць Марыю, жонку тваю, бо тое, што нарадзілася ў ёй, ёсць ад Духа Святога. Яна ж народзіць Сына, і дасі Яму імя Езус, бо Ён збавіць народ свой ад ягоных грахоў. А ўсё гэта сталася, каб збылося сказанае Панам праз прарока...».
Чацвер, 26 лістапада 2009
7 снежня — успамін Амброзія, біскупа і доктара Касцёла
26.11.2009 23:00
«Езус сказаў: Я — добры пастыр. Добры пастыр аддае жыццё сваё за авечак. А найміт і не пастыр, якому не належаць авечкі, калі бачыць, што прыходзіць воўк, кідае авечак і ўцякае, а воўк хапае і разганяе іх. Уцякае, бо ён найміт і не клапоціцца пра авечак. Я — добры пастыр і ведаю сваіх, а Мае ведаюць Мяне, як Мяне ведае Айцец і Я ведаю Айца. І жыццё сваё аддаю за авечак».
3 снежня — успамін св. Францішка Ксавэрыя, святара
26.11.2009 23:00
«Езус з’явіўся Адзінаццаці і сказаў ім: Ідзіце па ўсім свеце і абвяшчайце Евангелле ўсякаму стварэнню. Хто паверыць і ахрысціцца, будзе збаўлены, а хто не паверыць, будзе асуджаны. Тым, хто паверыць, будуць спадарожнічаць такія знакі: у Маё імя будуць выганяць злых духаў; будуць размаўляць новымі мовамі; змеяў рукамі браць будуць, і, калі штосьці атрутнае вып’юць, не зашкодзіць ім. На хворых будуць ускладаць рукі і яны выздаравеюць».
13 снежня — успамін св. Люцыі, панны і мучаніцы
26.11.2009 23:00
«Езус расказаў сваім вучням такую прыпавесць: Валадарства Нябеснае будзе падобнае да дзесяці паннаў, якія, узяўшы свае светачы, выйшлі насустрач жаніху. Пяць з іх было неразумных, а пяць — мудрых. Неразумныя, узяўшы свае светачы, не ўзялі з сабою алею. Мудрыя ж разам са светачамі сваімі ўзялі алей у пасудзіны свае. (...) ...Прыйшоў жаніх і тыя, якія былі падрыхтаваныя, увайшлі з ім на вяселле, і зачыніліся дзверы».
14 снежня — успамін св. Яна ад Крыжа, святара і доктара Касцёла
26.11.2009 23:00
«Шмат людзей ішло за Езусам. Звярнуўшыся, Ён сказаў ім: Калі хто прыходзіць да Мяне і не зненавідзеў бацькі свайго, і маці, і жонкі, і дзяцей, і братоў, і сясцёр, і нават жыцця свайго, той не можа быць вучнем Маім. Хто не нясе крыжа свайго і не ідзе за Мною, не можа быць Маім вучнем».
30 лістапада — свята св. Андрэя Апостала
26.11.2009 23:00
«Калі Езус праходзіў каля Галілейскага мора, убачыў двух братоў: Сымона, якога называлі Пятром, і ягонага брата Андрэя, якія закідалі сеткі ў мора, бо яны былі рыбакамі. І сказаў ім: Ідзіце за Мной, і Я зраблю вас лаўцамі людзей. Яны адразу пакінулі сеткі і пайшлі за Ім».
8 снежня — урачыстасць Беззаганнага Зачацця Найсвяцейшай Панны Марыі
26.11.2009 23:00
«Бог паслаў анёла Габрыэля ў горад галілейскі, які называўся Назарэт, да Дзевы, заручанай з мужам па імені Юзаф, з дому Давіда, а імя Дзевы — Марыя. Анёл, увайшоўшы да яе, сказаў: Вітай, поўная ласкі, Пан з Табою».
Панядзелак — Першы тыдзень Адвэнту
26.11.2009 23:00
«Калі Езус увайшоў у Кафарнаум, падыйшоў да Яго сотнік і прасіў Яго, кажучы: Пане! Слуга мой ляжыць дома спаралізаваны і страшэнна пакутуе. Езус кажа яму: Я прыйду і вылечу яго. Сотнік жа сказаў у адказ: Пане, я не варты, каб Ты ўвайшоў пад дах мой, але скажы толькі слова, і ачуняе слуга мой».
Аўторак — Першы тыдзень Адвэнту
26.11.2009 23:00
«У той час ўзрадаваўся Езус у Духу Святым і сказаў: Праслаўляю Цябе, Ойча, Пане неба і зямлі, што Ты ўтоіў гэта ад мудрых і разумных і адкрыў дзецям. Так, Ойча, бо такое было Тваё ўпадабанне. Усё перададзена мне Айцом Маім, і ніхто не ведае, хто ёсць Сын, апроч Айца, і хто ёсць Айцец, апроч Сына і таго, каму Сын хоча адкрыць».
Серада — Першы тыдзень Адвэнту
26.11.2009 23:00
«Езус прыйшоў да Галілейскага мора, і ўзышоўшы на гару, сеў там. І прыйшло да Яго мноства людзей, сярод якіх былі кульгавыя, сляпыя, калекі, нямыя і шмат іншых, і клалі іх да ног Езуса, і Ён вылечваў іх. Натоўп жа здзіўляўся, бачачы, што нямыя гавораць, калекі выздараўліваюць, кульгавыя ходзяць, і сляпыя бачаць, і праслаўляў Бога Ізраэля».
Чацвер — Першы тыдзень Адвэнту
26.11.2009 23:00
«Не кожны, хто кажа Мне: Пане, Пане, — увойдзе ў Нябеснае Валадарства, але толькі той, хто выконвае волю Айца Майго, які ў нябёсах. Вось жа кожны, хто слухае гэтыя словы Мае і выконвае іх, будзе падобны да чалавека разумнага, які пабудаваў свой дом на скале. І пайшоў дождж, і разліліся рэкі, і падзьмулі вятры, і ўдарылі ў дом той; і ён не ўпаў, бо пастаўлены быў на скале».  
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.