21–22 лістапада 2023 года ў рэкалекцыйным доме пры парафіі святога Міхала Арханёла ў Навагрудку (Гродзенская дыяцэзія) прайшло чарговае, 88-е Пленарнае пасяджэнне Канферэнцыі Каталіцкіх Біскупаў у Беларусі.
У пасяджэнні ўзялі ўдзел Старшыня ККББ біскуп Віцебскі Алег Буткевіч, Мітрапаліт Мінска-Магілёўскі арцыбіскуп Юзаф Станеўскі, Віцэ-старшыня ККББ біскуп Гродзенскі Аляксандр Кашкевіч, Генеральны сакратар ККББ біскуп Юрый Касабуцкі, біскуп Пінскі Антоні Дзям’янка, арцыбіскуп эмэрыт Тадэвуш Кандрусевіч. На пасяджэнні таксама прысутнічалі Апостальскі нунцый у Беларусі арцыбіскуп Антэ Ёзіч, сакратар Апостальскай нунцыятуры ў Мінску ксёндз Кшыштаф Сэрока і Апостальскі адміністратар для католікаў візантыйскага абраду ў Беларусі архімандрыт Сяргей Гаек.
Падчас пасядэння быў разгледжаны і прыняты пераклад літургічных тэкстаў для Рымскага Імшала з мэтай іх далейшага накіравання ў Апостальскую Сталіцу для зацвярджэння.
Быў выбраны дэвіз новага, 2024 пастырскага года: «Касцёльныя рухі ў евангелізацыі Беларусі».
Было абмеркавана пытанне падрыхтоўкі і святкавання юбілею 2025-годдзя хрысціянства.
Была разгледжана і прынятая прапанова правядзення Агульнабеларускай сустрэчы моладзі ў Браславе 23–24 жніўня 2024 года.
На пасяджэнні былі разгледжаны таксама іншыя бягучыя пытанні з жыцця Касцёла ў Беларусі.
Пасяджэнне завяршылася супольнай малітвай.
Навагрудак, 22 лістапада 2023 г.
✠Юрый Касабуцкі
Генеральны Сакратар ККББ
Кс. канонік Юрый Санько
Сакратар
