Гэта архіў старой версіі сайта. Новая версія знаходзіцца па адрасе catholic.by
“Карытас” дапамог гарадоцкаму карэкцыйна-рэабілітацыйнаму цэнтру |
Беларусь - Віцебская дыяцэзія |
20.12.2013 11:59 |
У «Гарадоцкім раённым цэнтры карэкцыйна-развівальнага навучання і рэабілітацыі» скончылася рэалізацыя чарговага праекта віцебскага «Карытас», пад назвай «Сацыяльная адаптацыя і рэабілітацыя як сродак павышэння якасці жыцця дзяцей з абмежаванымі магчымасцямі».
Гэты праект быў створаны з мэтай сацыяльна-бытавой адаптацыі і падрыхтоўкі дзяцей з цяжкімі і шматлікімі парушэннямі ў развіцці да самастойнага жыцця ва ўмовах карэкцыйнага цэнтра. У межах праекта была набыта і перададзена цэнтру для дзяцей-інвалідаў мэбля для кухні, халадзільнік, мікрахвалёвая печ, шафы для адзення і паліцы для пакаёвых кветак. Бацькі разам з дзецьмі сабралі мэблю і абсталявалі пакой сацыяльна-бытавой адаптацыі. У гэтым пакоі дзеці маюць магчымасць разам з педагогамі раздаваць ежу, вучыцца карыстацца сталовымі прыборамі, сервізам сталовага посуду, наборамі для прыпраў, блэндэрам і іншымі прадметамі сацыяльна-бытавога прызначэння. У хуткасці гэтыя веды, набытыя разам са спецыялістамі падчас заняткаў, спатрэбяцца ім у дарослым жыцці. Алена Тасмінская |
Фотарэпартаж |
Пры выкарыстанні матэрыялаў сайта спасылка на Catholic.By абавязкова.